#بين الأمس والغد
#سارة ماجد
بعد مرور أربع سنوات
المكان (تركيا) مدينه يالوا
چنت أمشي بسرعه وآني لابسه قبوطي ومقبطه نفسي بيه زين احس رجلية گامت تصلي من البرد مع العلم لابسه بنطرون وجواه ستريج ووياها جواريب بس الهوة احسه دخل بعضامي
سديت اللفاف ع رگبتي زين باوعت عالساعه 8 اله ربع يله بقت ربع ساعه ان شاء الله الحگ
استمريت امشي بالگوة من ورة البرد وصلت للمحل ب 8 وعشرة شفت عمو أركان ملامحه معصبة اول مافتت استقبلني برزاله أنيقه مع العلم ما افتهم عليه شيحچي بس لگفت كم كلمه ومن ملامحه المتهجمه افتهمت هو ديحچي عن تأخيري
گتله بلغه نصهه عراقي ونصهه تركي أعتذر
وهو متعود علية وع كلامي طلع من المحل
التفتت ع ايناس گالت: هاي وين صرتي ولچ متعرفين اليوم عدنه طلبية الكيك مال عرسان والتزيين بعده مكامل
جاوبتها وآني البس بالصدرية : لچ ولله گعدت متأخرة فاتتني النومه والبارحه نمت متأخرة من ورة عادل ومرته صياحهم وصل لسابع جار حتى الجوارين نزعجو منهم وگلولهم نشتكي عليكم اذا تكرر هالشي مرة ثانيه لأن يسببولهم ازعاج
ايناس: يوووه هم شكو شبي عادل هالمرة
_ يمعودة گاضيها ونسات وسهر بالبارات
ويوميه ويه حدة تركية شكل
يجينا يطوطح وهاي بيداء شالت نفسهه ورگعتهه بالگاع وگعدت تبچي وتكسر مثل يوميه
ايناس: ولله بهاي حقهه آني اگول هم خطيه
قاطع سالفتنا دخول حسان اللي اجه من برة وع راسه الكلو منگع
ابتسامه انرسمت ع وجهه بفرح من شافني اعرف سرهه زين : هاا شهودة الله يساعدچ شوكت اجيتي عبالي بطلتي گلت شو هاي تأخرت
جاوبته بلطف : لا شبطل مخبله آني بس گعدت متأخره شويه الصبح ومن ورة البرد گوة امشي
حط القوالب اللي جابهن بالمخزن وهو يحاچينه: ولكم خلوها سكته عن البرد لهسه احس وجهي مجمد عبالك قطع ثلج بداخله
عمي ويگولولك تركيا حلوة غير ممجربين بردهه هم
اجانه صوت دريا وهي تهتف بحماس : گون آيدن
جاوبناها : گون آيدن(صباح النور)
ايناس: حسان جبت وياك مارشميلو
حسان: اي جبت وزن خمس كيلوات
گتله : زين سويت شو العالم اكثر شي دترغب لعجينة السكر ديحبوها اكثر من العادية
حسان : اي صح بس آني ماحبهه احسهه مو طيبه تضل تلزگ بالحلگ متنعلس ولا تنبلع
صفن شويه وبعدين گال : اگول شهد اشو ماشفت خالچ عادل اليوم بالسوگ واگف ابو آزاد بمكانه شعجب
جاوبته بقهر: ترك الشغل وتعارك ويه ابو ازاد
ايناس وحسان بصوت واحد: يااا ليييش
أنت تقرأ
بين الأمس والغد(قيد التعديل)
Romanceتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
