#بين الأمس والغد
#سارة ماجد
من بعد هذاك اليوم رجعت أتصرف ويه قسور بأعتيادية وعلاقتنه رجعت طبيعية لأن لاحضت من انطي وجه واضحكله يصير شويه طبيعي ويهدأ بس من ازعل ويا لو اتجاهله يهيج مثل الثور
لذلك رجعت اتعامل وياه بطبيعية حتى بالي يرتاح واخلص من غضبه ومن سوالفه
شگد گتله شنو عشت ببيت خالتك شسوالك رجلهه ميجاوب وطول هذاك اليوم بالليل هو حاط راسه على بحضني و ونام
حسيته مثل الطفل بأيديه محتاج واحد يمسح على راسه ويعوضه الحنان اللي انحرم منه برأيي طبعا !!
چنت جوة گاعدة بالهول يم البنات وآني ومنى نتصاع دنلبس ليلى ترچيه برازيلي مشتريه وأذنهه ورمت صارت هلكبرهه وضلت تذب جراحه ودم
عبالك دنگطمهه مو نلبسهه ترچيه
خاله گاعده مقابيلنه تلف بالدولمه: ولچ ليلى ليش مسمعين كلام انتي مو عندچ ترتچيات ذهب متلبسيهن ليش دگيتي رجل اله هذن لچ باعي اذانچ صارت دم
ليلى بعناد: ماما ما اريد هذنيچ الذهب مالاتي يلعبن النفس مال زمن عصمنلي شحالهن وانتو متقبلون تشترولي موديل جديد ولله شنو اله تنجحين هالسنه ونشتريلچ خوش تلزموني من ايدي التوجعني
خاله: اي لعد شنو غير نشجعچ خوما لسواد عيونچ نشتريلچ عالحاضر
ليلى: آخ آخ لچ شهد أذني فدوة ع كيفچ
_ ولچ شسويلچ مدتنطبگ خبلتني
منى: ولله يا ليلى انتي مخبله لچ اكو وحده عدهه ذهب وجايبه برازيلي تلبس غير عقل عليچ وفوگاها ملخ أذنچ
ليلى : لچ منى ما احب مالاتي يلعبن النفس شحالهن حتى لو ابيعهن ميجيبن 50 الف وهاي البرازيلي موديلات تخبل شي احلى من شي ولله يوگف العقل
منى: اي ولله هو مال حلو من صدگ حلو وابد ممبين برازيلي عبالك ذهب
بس ماعرف شلون يميزو اهل المحلات
خاله: غير هم خبره بعد يعرفون من الوزن ومن الطمغه ميخفى شي عليهم
علي گاعد رجل على رجل ويلعب بتلفونه: اگول يوم صدگ اشتري گلاده برازيلي وخل نوديهه لصايغ نبيعهه بلكت تعبر عليه ويصير بجيبي كومه فلوس الله اعيش اسعد انسان بالعالم
ولله خوش فكرة شتگولون
خاله: من طيح الله حضك شوف الثول مو اهل الذهب هيچ غشيمين وميعرفون الذهب من الشبه ثولان مثلك
وبعدين شبيك كاتل روحك ع الفلوس لك انت عليمن طالع هيچ شو محد بينه مستقتل عليهن مثلك
علي: يوم وين اكو واحد ميحب الفلوس خوب انتي شكو عليج ابوي كل شهر ينطيچ وشتريدين تشترين مو مثل حضي حسره علية القميص
خوب هذيچ بت بغداد (يقصد علية ) الله ليگول اتطلع من جيبهه وتحط بأيدي
حتى لو بالشقه لو حچايه التنگال
يحچي بضحك ويباوعلي صفح
أنت تقرأ
بين الأمس والغد(قيد التعديل)
Romansaتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
