بين الأمس والغد(قيد التعديل)

بارت33

#بين الأمس والغد
#سارة ماجد

شنوو تعيشون يمنه لييش؟؟

بلقيس بنضرة كلهه حقد وخبث :وانتي شعليچ البيت بيتج واحنه مندري ؟؟ يلا حبابه سويلنه طريق خل نفوت ترة تعبنه من الوكفه

امهه واكفه وراهه وهي تخزرني: اگول انتي شگد عديمة ذوق واكفه بمكانچ مثل شمعة الفگر ومتگليلنه تفضلو صدگ بنات بغداد عديمات اسلوب

دفعتني وفاتت هي وبتهه وآني رحت امشي وراهم اريد افتهم السالفه طلعت خالتي وليلى وضياء رحبو بيهم : هلا هلا زارتنه البركه تفضلو يابه تفضلو ليش واكفين
ام بلقيس: ولله چنه واكفين بالمطبخ وهاي چنتچ مدري شبيهه اشو تخشبت من شافتنه حتى بالچذب مگالتلنه لا اهلا وسهلا لا تفضلو يمكن مفرحت بجيتنه
خالتي التفتت علية وبنبرة تشكيك: يااا صدگ هالحچي شهد

گلت بتأتأة وارتباك وآني مفورة من عدهه هي وبنتهه شلون يطلعوني غلطانه گدامهم: لا خاله ولله ما ادري بس أتفاجئت بشوفتهم وضليت مفهية لا اكثر ولا اقل بالعكس هلا بيهم ينورونه شوكت مايجون ونخليهم ع راسنه

بگلبي اگول لا هلا ولا مرحبا شعدهم جايين ذولة
ضياء: وينه سيف لعد شو ما اجه وياكم

بلقيس: بالليل يجي لأن جاي يفلش الحايط وياهم ويساعد العمال هم ويا بابا خطيه ميعوفه وحدة

ام بلقيس: خية گليلي شلون صار ابو ضياء ولله من سمعت بي هذاك اليوم صاعد عنده الضغط ومودي للمستشفى فد انقهرت شجراله الرجال
خاله بأسف: ولله مندري حالنه حالچ اشو ع غفلة شفنا وگع من طوله وهو قبلهه هم چان ماله خلگ وتعبان انگعد بي ماكو تخبلنه عاد الولد اخذو رأسا للمستشفى وگايلين همزين جبتوا بالوقت المناسب لو متأخرين شوي چان خسرنا للأبد

ام بلقيس: يااا اسم الله الرحمن هاي عين وصابتكم شجرالكم متگليلي خطيه ولله مايستاهل هو من يوم تزوج قسور المصايب ماعافتكم وهاي ختمتوهه بأبو ضياء

احس نفسي گمت اشتعل لو بيدي اگوم واسحلهه من شعرهه وامسح بيهه البيت كله ولله شگد حقيرة وماعدهه ذوق
خالتي ردتهه: لا ام سيف شدخل هاي بهاي هو الكاتبه الله يصير كلشي قضاء وقدر لا تگليلي ولا اگلچ شنسوي نگول الحمدلله والشكر ع كل حال

حييل شلون ردتهه تستاهل عجوز البين جماله صابغه شعرهه أحمر هي منا سودة صدگ طالعه شيطانه
وگرطوفاتهه طالعات من الفوطه منا ومنا

هسه ضليت بقلق شنو سالفتهم هذوله بس لا صدگ راح يبقون عدنه شو چنهه السالفه صدگ حتى ضياء سأل ع سيف
اوووف شلون سالفه هاي
باوعت ع ساعه شفتهه ب4 اتذكرت علاج عمو
گمت اترخصت منهم
وانطيتهيا

عمو: بنتي منو هنا شو اصوات نسوان جاي تجي
_ عمو بلقيس وامهه هنا صارلهم نص ساعه من جايين
_ اوووه شلون نسيت اليوم جيتهم ولله راح عن بالي خل اگوم اسلم عليهم