#بين الأمس والغد
#سارة ماجد
التفتت عليهه مستغربه : شنوو مفهمتج
_ لاا عيني سلامتج مو يمج السالفه
حجيت ويه نفسي هاي شبيهه شدتحس
حاجتني المرة الجبيره: يمه اشو عيونج حمر ليش خاف منايمه
يله هسه شجاوبهه بله اكولهه ابنهه هيج سوة حتى يجروله اذنه
لا انوب خاف يجي يرزلني
_ مادري خاله يمكن حساسيه
_ يمه لعد حطيلهه قطرات عدنه بالثلاجه عليوي يمه كوم جيب قطره هاي الزركه خطيه عينهه تأذيهه
ياا هاي شبسرعه تنطي قرار انوب خاف عيني تتسكط اباوع على ليلي تضحك
حجيت بسرعه: لا خاله ما احتاج هسه اغسلهه بمي بارد واصير زينه عادي متعوده عليهه هاي كل مره هيج يصير بيهه لتخافين لان عندي حساسية
علي: اي مرت اخويه فدوة اروحلج كليليه كلشي مابيه ولله مابيه حيل اكوم تره هسه راح تصرع راسج كلساع تجي تسألج ها شلون صرتي لحد ما تطلع روحج ههههه تخليچ تندمين عالساعه اللي گلتي بيهه عيني تأذيني
خاله كلتله: ايا طايح الحظ ولك غير من خوفي وقلقي عليهه شوف بعد منو تداريك من تتمرض يا اغبر انه الك
علي: اهووو عاد زعلت نبع الحنان يمعودة اشاقه وياج وين اكو مثلج انتي احلى واغلى ام بالدنيا اصلا باليانصيب يله تتحصلين شدكول يابه
عمو ضحك :ها كول شتريد من هسه مادام دتمدح يعني عندك طلب
علي: لا اله الا الله شوفي مرت اخويه هاي كدامج شوفي الضلم يعني من امدحهم يكولون عندي مصلحه ومن اسكت يكولون مو خوش ولد بله هذول شتحاجيهم
ضحكت على سوالفه : زين انت ليش تصيحلي مرت اخويه تره الي اسم واسمي شهد
علي: يمعوده اعرف وتشرفنه بمعرفتج ست شهد بس اخاف من قسور اخاف اكول اسمج وينتهي دوري بهالحياة
شهد : لااا ليش قابل شكو
حجه واحد من حمويني: يمعوده تريدين قسور يموتنه هو مايقبل نحچي وياچ لو نشاقه من البارحه حذرنه هههه
حجت وحده جانت كاعده بصفه توقعت تكون مرته: غير مرته ويغار عليهه شتريدون منه حقه يابه هالجمال كله يريده اله وحده شعليكم بي
يبووو تعالو دوروني متلگوني صرت بنص هدومي من المستحه
ليلى همستلي: عوبه هذا اخويه ضياء الحجه شبيج جنج ثوله صافنه وهاي اللي بصفه منى مرته اللي كتلج عليهه
_ هاااا ولج واني شمدريني استحي احجي بعدني مماخذه عالوضع كلش وهم خجلوني
_ يااا وشدعوة عليه عيني هذا قسور شنو بس هو قابل عنده مره لو مشايف نسوان لو ما حياته كلهه گضاها .... عرب..
خاله قاطعتهه: شبيج بلقيس يمه هذا هم حچي تحچينه يم البنيه وبعدين ابني دمه حار ويغار عليهه شكو بيهه مو كل واحد اتصرف هيج معناها مشايف غلطانه انتي
أنت تقرأ
بين الأمس والغد(قيد التعديل)
Romanceتزوجا اجبارا تحت ضغط عائلتيهما فكيف ستكون حياتهم؟ هل تتغير قلوبهم بالحب ام سوف يستمر الكره والحقد بين ابطالنا ؟ قصة عن ضابط يتزوج بالأجبار من فتاة لا يعرفها بسبب موقف غير حياته جذريا .... القصه من وحي خيالي
