بين الأمس والغد(قيد التعديل)

بارت30

#بين الأمس والغد
#سارة ماجد

فتحت الباب صار بوجهي هوو شكله مال واحد حاقد وعصبي صاير وجهه كالعادة مگلوب طماطه فاتح دگم قميصه اول 3 منهن ومشنف ردناته

من شافني خنزر بوجهي وباوعلي بحقد حچه بصوت حاد : هااا ان شاءالله ارتاحيتي خاتونه خوش طالعه عينچ صايرة تفتحين الباب وتطلعين بدون حجاب يرادلچ عودة اطبعهه ع كل جسمچ حتى ترجعين ع اعداداتچ الأصلية

_ خير شكو جاي هم دتسممني بكلامك مثل كل مرة لو شنوو
_ امشي لمي ملابسچ واتحضري حتى نرجع بدون لغوة زايدة

تنهدت بضجر : ادخل حتى نتفاهم
_ على شنو نتفاهم

_ دفوت هسسه

دخل  للبيت شاف الكل واگف ووجهم مو طبيعي
گال : السلام عليكم
ردوا عليه السلام

التفتلي : يله شهد روحي حضري جنطتچ
_ ما ارج..
دا اكمل كلامي قاطعني عادل : عيني قسور عدنه موضوع وياك بلا زحمه تفضل اگعد خل نتفاهم

قسور بحدية : خير شنوو الموضوع

گعد على القنفه وگعدو عامر وعادل مقابيله
عادل: شوف اخويه گعدة مرتك هنا أحنه مارضيين عليهه  ندري هي مريضه وطالعه من عمليه ع عينه وراسنه آمنه بالله شلناها ع كفوف الراحه لا حچينه لا گلنه تبقى هي بت اختنه من دمنه ولحمنه بس تقبلهه انت اليوم جتي هادة ع غرفة مرتي وتتهمهه بالسرقه تگلهه انتي بگتي سواري
هي هاي سوايه تسويهه تقبلهه انت

قسور: لحضه لحضه شجاي تحچي انت شنوو سرقه شنوو سوار شگاعد يصير شهد شنو السالفه

باوعت بقهر عليهم شراح اگول هسه آني وين وهم وين أريد أگله ما ارجع وياك وافهمه وشوف هذا شفتح موضوع هسه 

قسور : ليش متجاوبين احچي شكوو

_ خالو آني لا دا اتبله عليهه ولا شي بيداء هي أخذت سواري آني ادري ولله هذاك اليوم من طلعته ضلت تباوع عليه حتى من ضميته
والبارحه آني آخر مرة فتت للغرفه فتحت العلبة مال ذهب چانت كامله كلشي مناقصهه رحت گعدت ويه رشا بالهول وهي فاتت للغرفه بحجة دتودي مخاد ومن طلعت هي آني شفت العلبة مفتوحه والسوار مفقود منو اكو غيرهه يعني
حتى گلبت الغرفة گلاب ملگيته گلت ليش اتهمهه رأسا حرام علية بس ملگيته شتووقعون قابل منوو الأخذه

بيداء أجتي تريد تهجم علية رحت ورة ماما ختلت رأسا

_ لچ چذاااابه چلبببببة حقيييرة تبلييينهه برااااسي الله اليعلم المن مصاحبه انتييي وضاحكييين عليچ وطالبين فلووس وانتي مطيتهم قطعه بت ال*** لتذبين بلاج ع غيرچ آني معايزة على ذهبچ بت الفگر

صرت أعصاب من حچت هيچ ردت اهد عليهه بس سبقني قسور من گام من مكانه بكل عصبية وراح اتوجه الهه يريد يضربهه بس عامر لزمه : لچ ولله لووو مووو حرمه چا عرررفت شلووون أئدبچ وأكص لساااانچ على كلاااامچ هذاااا
لچ تتبلييين ع مرتي وتحچين بشرفهه گدامييييي اللي يمسهه يمسنييي انتي بهذااا كلامچ يعنييي دتطعنين بشررفي وعرضي ولله لا اسويهه گعدة عشاااايرر وياااكم
بأي حق انتيييي تحچييين عليهه هيچ هاااااا بأي حققق