عشق ولكن

البارت 2

(عشق لكن)
#Akbal_mahameed
&&&&&&&&&&&&

بدينه التحضيرات لعملية طفل الانابيب ..

وسويناها لكن للاسف ايضن فشلللل ..

وقتها فعلااا قطعت الامل انو اصير اب ..

صح جان اكو برود بعلاقتنه اني ورسل لكن هلمره البرود والهمال زاد ومن الطرفين ..

بيوم رجعت من الدوام تلكتني رسل ..

رسل اريد اروح لاهلي ..

قائد ماكو الله يساعدك كبل اريد اروح لاهلي  ..

رسل الله يساعدك قائد اريد اروح لاهلي ..

قائد ماكو روحه امشي حضريلي الحمام .

رسل تسبح وتوديني موو؟؟

قائد لاا ماتروحين تعبان اريد اسبح وانام ..

رسل اهوو مو عيشه هاي بس حبسه بالبيت وانته تفتر وتطلع ..

قائد وين طالع ولج اشو مكابلج وكاعد اكعدي واسكتي ، امشي حضريلي الحمام وملابس ..

راحت وكالبه خلقتها ..

دخلت سبحت وطلعت تمددت .. اباوعلها ضايجه ..لان ماوديتها ..واني اتخبل ولا تضل المره مطنكره كدامي ..
كمت جريت ملابسي ..

قائد كومي اشو دكومي خلي اوديج ..

كامت ركض لبست ..

طلعنه وصلتها ونزلت سلمت ع اهلها ورحت لبيت اهلي بتت يمهم ..

ثاني يوم كعدت من الصبح رحت لبيتي بدلت وطلعت للجامعه ..

جانت عندي اول محاضره بالمرحله الاولى ..
دخلت سلمت وبديت بالشرح بنص المحاضره كامت طالبه .. كالت استاذ ممكن اطلع ..

بعدهي ممكمله تخربطت وكعت ركضت اني عليها الطالبات جابن عطر شممتها ..
شويه وكعدت صحصحت ..

قائد شبيج بابا ..

قمر ماعرف دكتور راسي حييل اذاني ..

قائد كومي وخلي وحده من الطالبات تاخذج للطبابه ..
كامت راحت هيه وطالبه .. ورجعت اني اشرح ..
كملت وطلعت شفتها بالممر ..

قائد شلون صرتي ..

قمر الحمدلله احسن شكراً دكتور ..

قائد  العفو يابه واذا ماتكدرين اخذي اجازه ..

قمر لا الحمدلله هسه زينه ..

رحت لمكتبي وكعدت ارتاح شويه اشتغل بالسجلات..
اندكت الباب كلت ادخل ..

دخل معتز صديقي ..

معتز هاا شلونك ..

قائد الحمدلله انته اشو ماتداوم صار يومين ..