عشق ولكن

البارت 19

(عشق ولكن)
#Akbal_Mahameed
&&&&&&&&&&&&&

اني صار عندي هوس انو اهتم بي ومااخلي يحتاج غيري لان دائما ابالي هو ماحب مرته وحبني لان هيه جانت هاملته وماتهمت بي لازم اني مااخلي يحس بلنقص وملازم اقصر وياه يوميه متحضرتله ويجي يلكاني عروس

وادلله وادلل عليه حسيته رجع شاب عمره  18 سنه  
من دخلت بشهري الخامس سويت سونار وعرفت بيه ولد .. فرحنه كلشش وقائد كال اسمي محمد ..
وطاير من الفرح ..
يبوس بيدي ويكول انتي الله ذبج نعمه اليه ..

...... عرفنه انو رسل خلصت العده وتزوجت .!!!!!!!
تفاجئنه وقائد ضاج!!!!! بس اني فرحت .

ضجت حييل من شفته ضاج من عرف بيها متزوجه وزعلت شنو بعد يحن الها ..

جان طالع واني مانتضرته لفيت راسي ونمت ..

اجه بليل كعدني  عباله مريضه لان مانتضرته .

قائد حبيبي قموره ..

قمر هااا..

قائد شبيج خوما مريضه اشو نايمه من وكت..

قمر لا مابيه شي بس ضايجه ونمت..

قائد اشو اكعد ياقمري وكولي شبيك ليش ضايج..

قمر انته ليش ضايج حضرتك من الصبح لان عرفت برسل متزوجه ..

قائد منو كلج اني ضايج لان تزوجت بس ضجت انو اول ماخلصت العده تزوجت شنو جانت مخططه تطلك وتتزوج هذه المضوجني ..

قمر عادي مره وتريد تشوف حياتها بلكي الله يرزقها بطفل وتفرح  ..

قائد الله يرزقها ويوفقها شرايد اني .. لا تضوجين عمري عندي انتي البطنج تسوون الدنيا ومابيها  .
فكيت شويه ..

بوقتها بدت احداث دخول داعش لتكريت وسقوط عدد من محافظات العراق بيد الدواعش ..

اهلي نزحو من تكريت لبغداد جنت اني زعلانه من بدر وشذى همه اجرو بيت قريب ع بيت اعيالي بس حالتهم الماديه صعبه وامي وياهم انكسر خاطري عليها ..
جان ايجار البيت غالي كلش وبدر شغله اعمال حره مو موضف .. ماعرف شلون قائد عرف بوضعهم واجه العصر جنت متمدد .. تمدد يمي ..

قائد قموره ..

قمر هاا حبيبي . 

قائد عمري البيت الكاعدين اهلج بي اجارة غالي وخطيه بدر شغله ع كد الحال ..

قمر ايي خطيه..

قائد باعي عمري بيتنه احنه ماكاعدين بي  ومتروك .. اخذي المفاتيح وانطيهن الامي خلي يفتحونه ويكعدون بي احسن مامتبهذلين بلجار ..