عشق ولكن

البارت 17

(عشق ولكن)
#Akbal_Mahameed
&&&&&&&&&&&&&

قمر شنووو مو بيدك قائد اني هيج وضع مااتحمل شنو يعني ترجعها فوكاي ..

قائد قمر افتهمي اني مارايد ارجعها بس هيه حامل مني هذه ابني مااكدر افرط بي وهيه بعدهي ع ذمتي لازم تتقبلين الوضع ..

قمر لااا قائد لااااا الضاهر هواي واثق من حجيك مو اني التجي فوكاي ضره لو انزل ع ضره اني من قبلت وافقت عليك ادري انته مطلكها وعدتني ماترجعها ..

قائد لعد الحل شنو ..

قمر طلكني قائد طلكني وارجع لمرتك ولابنك اني نزوه مرت بحياتك ارجع لمرتك ولبيتك احسلك بيتك اولى بيك مني عشره عشرين سنه اولى من عشره شهر ونص ..

قائد انتي كل عقلج تحجين لج انتي مرتي حالج حالها  وام ابني انتي حامل مني هم واضافه الى هذه انتي حبيبتي احبج الج قمر ..

قمر بس  الحب مو كلشي قائد اني مااكدر اتحمل انو وحده تشاركني بيك وحدها الفكره ماتحملها ..

قائد هسه شتريدين طلاك لا تحلمين اطلكج ..

قمر عجل طلكها اني من اخذتك انته مطلكها يعني هيه فوكاي وهيه الاخذت رجلي مني مو اني اخذت رجلها ..

قائد ماااكدر اطلكها ولج مرتي وحامل مني شلون اعوفها ..

قمر عجللل اني مو مررررررتك وام ابنك لو بنت ليل عندك والبطني ابنك لو نغل ..

حجيت هيج ماحسيت الا وهو ضاربني راشدي ..

قائد ادبسززز ثمني حجيج ..

قمر والله ماعشت ولا صرت تمد ايدك عليه وتجيب فوكاي مره شعايزني وشناقصني وتجي وحده تشاركني بيك .. اشو حلوه ونضيفه ومدللتك ومخليتك محتاج شي لو هو كل ممنوع مرغوب عندك من جانت مرتك يمك جنت تحبني وتموت عليه ومن اخذتني وطلكتها صارت هيه عزيزه .

قائد ولج اشبييييج انتي شبيييج ماتفتهمني اكلج مووو بيدي طلاكي منها بااطل لان حامل وشلون اعوفها افهمي شلون اعوفها وهيه حامل ..

قمر كتلك مو اني التجي وحده وراي ياااني ياهيه...

قائد قمرررر لا تصيرين انتي والقدر عليه انتي احبج ومااكدر افرط بيج وهيه ام ابني ومااكدر افرط بيها...
سكتت ورحت للحمام ابجي وابجي ع حضي يعني هيه عنده عشرين سنه ماحبلت عود من طلكها وتزوجني حبلت لا والحض المصخم مالتي ..

رجعت للغرفه مالكيته اخذت موبايلي وخابرت امي ..

اول ماكالت الوو انفجرت ابجي  وهيه تسئل شبيج وليش تبجين وشصاير ..