عشق ولكن

البارت 4

(عشق ولاكن)
#Akbal_Mahameed
&&&&&&&&&&&&&&&

كملت الدوام واني اتصل عليها ماتجاوب رجعت للبيت ضايج من تصرفي المراهق ..
ضايج من نفسي لان ضميت عليها زواجي هيج اني جاي اخون زوجتي واخون قمر ..

كعدت بغرفتي دزيت الها رساله ع الواتساب شافتها وماجاوبت عرفتها زعلانه ..

لليل تعشينه ورجعت للغرفه تعبان اريد انام ..
اجتي يمي رسل متحضرتلي ومكيجه ..
تقربت منها وبوستها للحظه صارت كدامي من بست قمر تخايلتها قمر لحضات وحسيت ع نفسي الجاي اسوي حررام هاي زوجتي رسل بين اديه حرام اتخايلها قمر ، قمر حتى مو ع ذمتي وهيج جاي اقلل من قيمت رسل .. استغفرت ربي واخذتها لحضني ..

خليت راسها ع صدري ..

رسل قائد ..

قائد اممم ..

رسل اشبيك اخر فتره مو ع بعضك .

قائد لا ماكو شي بس تعب بالدوام..

رسل الله يساعدك ..

قائد زين انتي شبيج مو من عوايدج تتحضريلي ..

رسل هههه ماكو شي بس حبيت اتقرب منك اكثر ..

حضنتها ونمت واني حاير بحياتي شلون راح تصفى ..
كعدت الصبح سبحت باوعت بالمرايه اكو اثر بركبتي ..
لاا مو وكتها، مو خايف بس مامستعد للموجها..
شلون،  جان الشتاء بعده بدلت ولفيت لفاف ع ركبتي ..
رحت لدوامي قمر مامداومه ..ليشش..

خلصت المحاضره وخابرتها جاوبت ..
قائد الووو..

قمر الوو هلا ..

قائد ليشش مامداومه ..

قمر لان رجعت لتكريت ..

قائد اشلوون شرجعج انتي مو ترجعين العصر وره الدوام ..

قمر ايي بس اتصلت ع اخوي واجه اخذني من الصبح ..

قائد وليش اتصل عليج ماتجاوبين ..

قمر هيج يعجبني .. نترت ..

قائد لا تحجين نتر لا حلكج اشكه ..

قمر بلا تجاوز رجاءً تره مااسمحلك...

قائد لعد احجي عدل..

قمر هسه ليش متصل شرايد ..

قائد لا سلامتج مارايد شي بس اني كلب ابن كلب من البارحه افكر بيج واكول اخاف زعلت والوم بروحي وانتي رايحه ومرتاحه اخذي راحتج ..
سديته منها .. ورحت لمكتبي ..واني افور ..

خلص الدوام ورجعت للبيت .. رسل نايمه دخلت  وسويت جاي لروحي وكعدت بالمطبخ اشرب وافكر وافكر ..

شويه ودك الموبايل شفته، هاي قمر .. ماجاوبتها .

اتصلت ثلاث مرات ماجاوبت ..