عشق ولكن

البارت 10

(عشق ولكن)
#Akbal_Mahameed
&&&&&&&&&&&&&&

دخلت لغرفتي ذبيت نفسي ع الفراش وابجيييي...

ياربي ريحني من حبه ياللهي شيله من بالي مجاي اتحمل هذه الوجع ..
ضليت بغرفتي ماطلعت ابد وانطويت ع نفسي ..

امي ردت خبر الهم انو ماموافقين ..
عمتي تكول كل خميس جمعه وهو اهنا بتكريت تشوفه من تطلع من بيتها، يحاول بس يلمحني بس خليتها حسره بكلبه انو اطلع ..

بيوم اجتني سارة كالت دكتور قائد يكول خلي ترجع لكليتها وشتريد اني حاضر مااوصل يمها بس لا تدمر مستقبلها بسببي..

قمر شلون ارجع واني صار اسبوعين مامداومة ومناك شهر من سويت العملية ..

سارة كتله كال مالها شغل بس خلي ترجع هيه ماعدها غيابات هواي بس هذن ..

قمر كوليله راح ترجع بس علمود تكمل دراسه بس لا اعرفه ولا يعرفني هو دكتور واني طالبة عنده اذا وصل يمي اروح اشتكي عليه بتهمه تحرش ..

سارة راح اخابره كالي كوليلها وخابريني كوليلي شنو ردها ..

خابرتها سمعت صوته واحس روحي مثل الكاع الصحراء ومفطره واجاها المي ..كاع يابسه وسكوها ..
كالتله كلامي .. سمعته كال هاهيه التريده يصير بس خلي ترجع وتكمل دراسه حالها حال اي طالبه عندي صح احبها بس صار لازم ابطل انانيه واخليها تكمل حياتها ..
من راحت ساره طلعت خبرت اهلي راح ارجع لكليتي ..
ماكالو شي بس امي كالت دير بالج تلتقين بقائد تره طريقكم مسدود وحرام عليج  تكسرين كلب مرته ..

قمر لا توصين حريص ماما ..

حضرت ملابسي ورتبت نفسي حفيت وسويت مساج لبشرتي ..

ثاني يوم طلعنه الصبح اني واخوي وسارة رجعت وياي لبغداد وصلني للاقسام ورجع ..

داومت وشفته اباب الجامعه عبالك جان ينتضرني ..
شلت الفكس مالتي ..ورفعت راسي ومشيت ولا كانو شفته تجاهلته تجاهل تااام ..

دخلت لمحاضرتي ..كملت وطلعت للكافتريه كعدت اني وبنات من قسمنه ..
اجه كعد مقابيلي ويباوعلي بلهفه ..

تجاهلته ولا كن اشوفه .. بس اكذب ع نفسي لو كلت عندي الموضوع عادي لاا احس كلبي دكاته كل العالم تسمعها من لهفتي اله ..بودي اضل اباوعله لسنه كدام...
صار وقت المحاضر وهو دكتور الماده دخلنه سوه للقسم ..
بده يشرح ويحاول مايباوعلي ..

كمل المحاضره واني طلعت اول طالبه ..

طلعت وتصادمت اني واستاذ معتز ..

معتز مراحبا قمر ..

قمر مراحب دكتور ..

معتز ممكن احجي وياج ..