عشق ولكن

البارت 15

(عشق ولكن)
#Akbal_Mahameed
&&&&&&&&&&&&&&

رجعت لتكريت وحاجتني امي كتلها موافقه وهيه اصلا تدري بيه احب قائد لان من سويت العملية هلوست باسمه وهيه يمي جانت وعمتي حجتلها ..

عاد حاجت بدر وكالتله اخت موافقه لا توكف بطريقها وتكسب خطيتها ..

ردت خبر لام قائد احنه موافقين بيومها قائد طارر من الفرحه ..
واجه بنفس اليوم هو واهله وابو ..
سبحت ولبست فستان مقلم اسود وابيض ضيك مخصر ع جسمي .. بيومها ..

خابرني ..

قمر الووو ..

همس فديت الالووو والله ..

قمر ههه ها حبيبي وين صرتو..

قائد ياروح حبيبج هستوني دخلت تكريت ربع ساعه اني يمج ..

ختمتها وياه وركضت مكيجت مكياج خفيف وسرحت شعري وبس ذبيت الشال ..
رحت للمطبخ يم امي ، وعمتي كتلها ع وصول راح يجون ..

رتبت صينيه الكلاصات اتحرك وافتر في سبيل اقضي وقت

اكعد واكوم وافتر وارجع اكعد احس كلبي يركص هجع ويدك دكات سريعه متوتره ومرتبكه وخايفه وفرحانه ماعرف شنو مشاعري خبصه بخبصه ..

شويه وسمعت صوت لهورن ركضت لشباك المطبخ ادحك شفت بدر راح فتح الباب وياه ابن عمي ..

فدييييت حبيبي .. دخل بكل هيبه وجمااال يخبل طاله لابس قاط نيلي وقميص وابيض ..

دخل وياه ابو واخو وامه واخته الجبيره واخته الثانيه ومره جبيره ..
استقبلوهم بدر ولد عمي اثنين وعمامي اثنين وزوج عمتي ..

امي وعمتي استقبلو النسوان بلصاله ..

يمي بنات عمتي زينه واسراء يجهزن بلمقبلات ..

اجتي عمتي...

ام عصام يله بعد عمتج جيبي صينيه العصير وتعاي ..

قمر عمه خااايفه ..

ام عصام منو شنو خايفه بنيتي .. مو هوه هذه قئودي .

قمر ايي بس خايفه حتى اديه ترجف شلون اشيل الصينيه ..

ام عصام ههه شي طبيعي بنتي يله يله سباعيه جيبي العصير وتعاي علمود يشوفوج واني افوت وياج ...

شلت الصينيه وكلت ياالله ..

دخلت للصاله وسلمت .. قدمت الهم العصير اول شي المره الجبيره بعدين امه وراها خواته ..
كعدت بصف امي ..