عشق ولكن

البارت 1

(عشق ولكن)
#Akbal_Mahameed
&&&&&&&&&&&&&

قائد ..
كعدت الصبح اليوم اول يوم بلدوام السنه الدراسه الجديدة ..
كمت دخلت للحمام سبحت وطلعت شفت رسل جاي تحضر بالريوك ..

قائد صباح الخير ..

رسل صباح النور اكعد تريك..
كعدنه نتريك .. كملت وبدلت وطلعت اني ورسل وصلتها للمدرسه هيه معلمه ..

ورحت لدوامي ، وصلت للكلية سلمت ع الدكاتره الوياي..
ودخلت لمكتبي رتبت غراضي ..

شويه وطلعت اخذت محاضرات بس تعارف وشرح مبسط عن الماده ..

اخر محاضره عندي جانت المرحله الاولى ..

توجهت للقسم دخلت الطلاب هوسه من شافوني كلمن كعد بستيجه ..

قائد السلام عليكم ..

ردو السلام ..

قائد اني دكتور قائد مهدي ال**** دكتور ماده ال*****

كمت اتعرف ع الطلاب واحد واحد كملنه التعارف وشرحت شرح مبسط ..

كملت الدوام ورجعت للبيت لكيت رسل زوجتي نايمه بدلت ملاسي وتمددت يمها .. غفيت وين صحيت ع صوت رسل تنده بيه ..

قائد كعدت يمعوده ..

رسل كوم غسل صار المغرب ..

كمت سبحت وصحصحت .. رجعت كعدت ع ميز الطعام بالمطبخ ..

قائد سويلي جاي ..

سوت الجاي واجت كعدت كبالي وتحوص اعرف عدها سالفه ..
رفعت كوب الجاي اشرب وكتلها سولفي اسمعج ...

رسل هاا..

قائد سولفي شعندج ..

رسل قائد اريد اروح للدكتورة...

قائد خيررر ..

رسل خيرات اريد اروح للدكتورة علمود شغله الاطفال صار هواي من تركت المراجعه ..

قائد وشنو فايدتها راجعتي ٢٠ سنه نفع علمود هسه ينفع ..

رسل لا قائد فدوه لا تيئس من رحمه الله بلكي يرزقنه ..

قائد رسل شبيج انتي صارلنه 20 سنه من تزوجنه وماخلينه شي يعتب عليه وماصار تالي هيه يصير دسكتي رحمه الاهلج ..

كامت تبجي ..

رسل بس اني ماكطعت املي بربي ومتاكده راح يجي يوم ويجبر بخاطري اريد اراجع اني شنو يضرك ..

قائد ونفس السالفه ودو التحاليل وجيبو السونار مو ..

رسل وانته شعليك اني اسوي التحاليل انته كلشي ماريد منك ..

قائد راجعي شسويلج ..

رسل لعد توديني باجر ..

قائد ان شاءالله ..