عشق ولكن

البارت 12

(عشق ولكن)
#Akbal_Mahameed
&&&&&&&&&&&

ناجيت ربي يشيله من قلبي اذا ماكاتبلي قسمه وياه ..
ثاني يوم طلعت ويه عمتي لشارع الاطباء امشي واتذكر من اجه اهنا علمود يشوفلي دكتور ..

ومن اجيت ع الدكتور وشفته ..
امشي واتذكر لحظه بلحظه ..

.. افترينه وتسوكنه ورجعنه للبيت ..
من رجعنه تلكتنه امي كالت عندي موضوع وياج ..
دخلت لغرفتي بدلت ورحت عليها ..

قمر هاا ماما شكو ..

ام قمر حدري هين احاجيج ..

رحت كعدت يمها..

ام قمر دحكي امي اخو شذى خطبج ..والولد خوش زلمه يمه وشاغول شتكولين انتي ..

قمر ماما سدي الموضوع من يمج ماريد ..

ام قمر ليش يايمه اسده فكري عدل ورجعيلي جواب اهل الولد ينتضرون واخوج موافق كال بس شوفي قمر ..

قمر يمه ماريد ماريد اريد اكمل كليتي واخذ شهادة .

ام قمر كيفج احنه مانجبرج ع شي ماهاويته بس فكري بالموضوع ..

قمر ان شاءالله ماما ..

رجعت لغرفتي خليت ايدي ع خدي وافكر .

تجي ابالي اكول اوفق واشوف حياتي ..
وهم عناد بقائد اوافق وحرك كلبه ..

بعدين اكول لا شلون ادمر عمري علمود احرك كلبه واني مااوفق مو علموده علمود دراستي لان اني اقسام داخلية اذا تزوجت منو يكول يخليني اداوم

بس جذب اني ماكدر اصير لغيره اكدر اشرط علية ياخذلي بيت ابغداد واتزوج وادرس ..

بس كلبي اسير اله مايصير لغيره احسها صعبه ومستحيله ..رفضت ورفض قاطع ..
عرفت عمتي واجتي حاجتني ليش ماتقبلين .
كان جوابي هو مااكدر ارتبط بشخص واني احب غيره ..

ام عصام عجل اذا هيج تحبي ليش ماتخلينه يتقدملج ..

قمر كل عقلج عمه ارتبط بي وهو متزوج ..

ام عصام والله حرت وحيرتيني تحبي وماتقبلين يخطبج ولا تقبلين تصيرين لغيره عجل تضلين طول عمرج هيج ..

قمر عمه مابيدي اني قائد احبببه بس مااكدر اكمل حياتي وياه واخذه من مرته ومااكدر اصير لغيره لان حرام عليه اخون زوجي بمشاعري ..

ام عصام عجل شلون ..

قمر عوفيها لوقتها عمه  ..

سكتت وعافتني ..فتحت فيس نزلت منشور وكتبت ..
(غدر بيه الزمن حبيت واحد مو اليه)
طبعاً هو يعرف حسابي الجديد لان رقمي عنده ماعرف منين ماخذه ..

شاف المنشور ودخلي ع الخاص ..
(كلي الج ومايوم صرت لغيرج انتي مالكه كلبي وعقلي وجسدي)