عشق ولكن

البارت 18

(عشق ولكن)
#Akbal_Mahameed
&&&&&&&&&&&&&&

بس اني من رجعت حسيت لازم مااخلي يحتاج غيري اول يوم رجعت كلبت الغرفه جنه عطرتها وزينتها واني ترتبت وبدلت وتمكيجت لازم اكون او  لا اكون

جان طالع دخل للغرفه وشافني متحضرتله فرح   وابتسم . تقرب لف ايده ع خصري ..

قائد وربج مشتاقلج بكد رحمه الله بس عايفج براحتج والله احبج واموت عليج بس شسوي الصار مو بيدي والله ..

قمر واني هم موبيدي والله قائد احبك واموت عليك بس مااتحمل وحده تشاركني بيك ..

قائد قمر انتي مالكه كل كلبي وعقلي والله حتى ماارغب غيرج ..

بسته هو ويحجي .. هلرجال مو بيدي احبه يمكن انانيه مني ويمكن حرام عليه بس مو بيدي اعشقه اول حب بعمري هو .. ورغم كل حبي اله عفته من عرفت متزوج بس هسه مااكدر هسه اني مرته وحامل منه مااكدر اعوفه مو بيدي...

حسيت عليه غفه ..
سحبت نفسي ورحت سبحت ..
نزلت اريد اكل  جوعانه .. شفت رسل بلمطبخ..

باوعتلي وعقد حواجبها بضوجه وطلعت من المطبخ .
ياا هاي شبيها .. لكيت فراوله بلثلاجه يااي مشتهيتها . اخذت العلبه وصعدت لغرفتي اكل .. باوعت بلمرايه شفت ركبتي صايره خريطه الوطن العربي ..

ياا واني اكول ليش ضايجه عشتو ليش تضوج هو رجلي وهيه اجتي .. بس هم حقها خطيه اذا هو صارله شهرين رجلي هيه سنين عايشه وياه ..

كعد وراح سبح واجه ياكل وياي ..

نزلنه سويه اهله كلهم مجتمعين بلصاله ورسل وياهم . شويه ورسل كالت قائد اني اريد ارجع لبيتي.

قائد ليش شكو ..؟؟

رسل ماكو شي بس اني متعوده ع بيتي واخذ راحتي ..

قائد ماكو رجعه ذاك البيت اريد ابيعه واشتري واحد احسن منه ..

رسل شنو تبيعه اني مااقبل بيتي ذاك اريد اكعد  بي...

قائد وشلون تكعدين وحدج اني مااكدر اضل بين ذاك البيت واهنا اكعدي واسكتي ..

سكتت بس ضايجه مبينه ..

لليل دخل قائد بدل وقبل لا يطلع ..باس راسي..

قائد لا تنتضريني لليله نامي حياتي .

قمر ليش حييبي وين تروح ..؟؟

قائد حبيبتي الليله يم رسل هيه هم مرتي ..

كلامه اجه مثل الراشدي ..