عشق ولكن

البارت 11

(عشق ولكن)
#Akbal_Mahameed
&&&&&&&&&&&&

كمت بدلت وطلعت جبت غده .. تغدينه وكفت اغسل بلمواعين ..ماخليتها تتحرك .. رسل كاعده يمي .

رسل مال اصورك واشوفه لطلابك خلي يشوفون دكتور قائد  شلون شاطر بلواعين  هههههههه .

قائد كووومي مو صوجج صوجي اني الخايف عليج ..
كملتهن وغسلت كعدت اشرب جاي ..

قائد هذه ابنج بس يجي اشبعه كتل ..

رسل اسم الله ليش ..

قائد شبعت هبطات وخوف من وراه انوب راح اشبع غسل امواعين ..

رسل يستاهل هلتعب ..

قائد شلون مايستاهل هسه اذا يريد اكوم افلش البيت طابوكه طابوكه وارجع ابني ..

رسل هههههههه ..خلي اروح لاهلي وامي تهتم بيه بين ماصير زينه ..

قائد ممنووع اليوم اني وياج ابيت اهلي وكعتي ماأمن عليج يم احد ..

****
قمر بعد مارفضت معتز بعد ماتقرب مني وقائد بس نضراته من بعيد تسولف عن الف كلمه وكلمه ..

ابد مابردت كلبه لو بنضره احر ماعنده ابرد ماعندي بس اكيييد داخلي يختلف مايمر يوم اذا ماانام ودمعتي ع خدي ابجييي واحترك بس وحدي حتى كدام صديقاتي وسارة احاول ماابين كدامهم واتضاهر البرود ..

بسسس بيوم الشفته دخل للكافتريه وياه مرته ..
صفنت عليها شلون اجه كعد كدامها وقدم الها العصير اباوع لبطنها البارزه .. ماعرف ادعي عليهم لو ادعي ع نفسي لان وصلت نفسي لهلمرحله ..

متزوج ومرته حامل وينتضرون طفل لعد ليش هيج سوه بيه والله مااستاهل هذه العذاب كافييي كلبي تعب وصلت بي يجيب مرته للكلية علمود يحرك كلبي ويشوفني شلون عايش ومرتاح ..

دموعي نزلت غصب عني .. كعدت مقابيلهم واباوع ماكدرت امنع عيوني ماتروح عليهم .

مابقى كام راح واني ضليت صافنه عليها ..
كمت رحت للحمام بجيت وبجيت ماخليت دموع ..

غسلت ورجعت كعدت اباوعلها كاعده وايدها ع بطنها
انيقه حيل وحلوه لبسها مرتب مو مرعبل ..
لابسه فستان مال حوامل .. نيلي وماروني ..
وجنطه سوده وشال اسود وبي ورد ابيض ناعم  ..
لابسه ساعه ذهبيه بيد واليد الثانيه لابسه سوار ناعم ..

فصلتها تفصال .. اذا هيج مرته حلوه ومرتبه ليش يدور عليها ولو همه جنس الرجال الخيانه تمشي بدمهم .. والغدر عدهم مثل شربه المي ..

اجه اخذها وراحو ..

كمت رجعت للاقسام واني كلبي يوجعني .. ضليت ابجي لثاني يوم واني اسكت دقيقه وارجع ابجي ..

مو بيدي احبههههههههه ماكدر اشيله من كلبي ..
احبه بس بنفس الوقت حاقده عليه ..

تجي لحظات انجن اتخبل من اكعد اتخايله عايش وياها بنفس البيت ويبوسها وتنام بحضنه ويتقرب الها اتخبل اضل اعض بيدي وابجي ..