نسيبة قالت ليها نور عيب كده،بعدين انتي أساسا متعودة تنومي في الصالة برة،،نوم الكنبة بعجبك،،خليها هي تنوم هنا في سريرك،،وبعدين هي ماقاعده معانا العمر كلو يادوب دا اول يوم ليها،،،نور قالت ليها يعني نحنا ناقصين مصايب لما تجينا واحده زيها وتجهجه ام افكارنا،،المطبخ حدادي مدادي خليها ترمي ليها مفرش وتنوم،،،،نسيبة قالت ليها نور المابترضى لنفسك ماترضى لغيرك،على العموم انا ح افرش تحت في الارض وح اخليها تنوم في سريري،،نور قالت ليها يكون احسن،،،طبعا أنا ماسكهه نفسي بالعافية من الزعل،،،احيانا في ناس كده بسبب وبدون،سبب بكونو كارهين وجودك💔،،،نسيبة جات واتفاجأت بي في وشها،،قالت لي كنت جاية اشوفك اتأخرتي مالك،،،خشي ارقدي،في سريري،قولته ليها وانتي ح ترقدي وين؟،،قالت لي في الارض،،عندي غرااام مع نومة الارض،،،قولته ليها عشان لو ما متعودة،،انا ممكن ارقد في الارض عادي،،،قالت لي يا بت هاا انتي جاية من سفر واكيد ح تحتاجي الراحه،،،بس ما مشكلة يوم تنومي تحت ويوم انا اتفقنا؟،،قولته ليها اتفقنا،،،مشت جابت ليها مفرش ورمتو في الارض،،،انا رقدتا في السرير وماكنتا نعسانة،،،نسيبة قالت لي اخير ليك اسي نومي واشبعي نوم،،أول ما ننزل الجامعه تاني ما ح تقدري تنومي،،،ياخ قرايتها صعبة كيف،،،قولته ليها ماف حاجهه صعبة،،الواحد لو ركز شوية واجتهد حبتين وختا هدف قدامو،،ح يشوف كل حاجه قدامو سهلة،،قالت لي يا فهيمة الكلام كلو في التركيز والاجتهاد دا😂😂😂😂😂😂على العموم انزلي بس وورينا شطارتك،،،قولته ليها ان شاء الله،،،،نور الوقت داك كانت بتتكلم بالتلفون،،،قولته لنسيبة انا ح انوم بعد كده،،قالت لي طيب تصبحي على خير،،،،
تاني يوم من صحيت ضربتا لناس أمي،اتكلمتا معاهم كدددده،،بعدها عوض قال لي أنا ما خدامك كل مرة اشيل واودي التلفون لناس امك،،ماتضربي هنا تاني وقفل الخط في وشي💔قومتا اتسوكتا واتوضيت صليت،،،رجعتا رقدتا في السرير ناس البيت كلهم نايمين،،شكلهم بصحوا متأخر،،،،فجأه الباب ضرب،،كم ضربة ورا بعض،،بعدين الصوت جاا،،كان صوت عثمان،،قال يا نور اصحي اعملي لي القهوة انا طالع،،،نور كانت في سابع نومة،،،قولته لو صحيتا احتمال تتزاهج فيني أنا ماناقصة،،،قمتا لبستا طرحتي وفتحتا باب الغرفة،،لقيتو واقف،،قال لي اا معليش على الازعاج،،بس نادي لي نور،،،قولته ليهو نور نايمة،،،قال لي طيب نسيبة،،قولته ليهو كمان نايمة،،قال لي طيب،،ومشى المطبخ،،،بعد شوية سمعتا صوت خالتي زهرة قالت ليهو والله يا عثمان بتبالغ،،عاين عملتا المطبخ دا كيف،،،قال ليها انا مستعجل وبناتك ماف واحده صاحية،،عشان كده عملتا القهوة براي،،قالت ليهو هيي لكن يا ولدي تبشتن المطبخ كده،،،قال ليها اسف اسف،،،،بعد ساعه كده حتى نسيبة ونور صحوا،،،عملوا الشاي،،،وخالتي زهرة بتشكي من المطبخ وانو وسخان،،نور قالت ليها انا امس القريبة دي نضفتو ورتبتو،،ما ذنبي انو ولدك بهدلو،،قالت ليها انتي لو كان صحيتي عملتي القهوة ولدي ما كان بهدلو😒،،،رجعت عاينت لنسيبة،،،نسيبة قالت ليها ما ح انضفو😁وراي نضافة وطالعه مشوار يلا،،،أمها قالت ليها مشوار شنو كمان،،قالت ليها صحبتنا عازمانا فطور،،يادوب الحق انضف واجهز نفسي،،،،قالت احي يا الله انا بكبري دا انضف مطبخ وعندي بتين في البيت،،اصبرن بس،،قولته ليها خلاص يا خالتي بنضفو أنا،،،قالت لي يابتي انتي ضيفة،،قولته ليها لالا ماف بت ضيفة ح انضفو،،قالت لي كويس،،،وعاينت لبتها،،،بعد شربوا الشاي،،انا شلتا الكبايات ودخلتا المطبخ،،نضفتو وغسلتا العده ومسحتو ونضفتا البوتجاز،،،بعدين خالتي زهرة جات عملت الفطور،،،قالت لي ضربتي لناس امك،،قولته ليها اي،،قالت لي كويس،،،بعد شوية قالت لي نور دي دخلت الملابس في الغسالة وجاها صداع نصفي،،اسي رقدت،،قولته ليها سلامتها،،قالت لي تسلمي،،بس يابتي انا عندي رطوبة ومابقدر امرقهم،،بس مرقيهم شريهم،،كلهم دفعه واحده،،بتلقي الغسالة في الحمام البرة،،قولته ليها طيب،،،طلعتا برة،،مشيت الحمام،،،فعلا طلعتهم وشريتهم،،،،الوقت داك نسيبة طلعت،،،،بعد فطرنا وكذا،،،،،قالوا عندهم قعده قهوة في الحلة،،،،نور قالت لي خليك قاعده عشان لو نسيبة جات تلقى زول في البيت،،،،طلعوا خلوني براي،،،أي نعم الدنيا نهار بس انا بالجد بخاف اقعد براي مهما كان السبب،،قفلتا أبواب البيت كلها،،ومشيت قعدتا في الغرفة،،،،لو في حاجه اتحركت ساي انا بتخلع💔،،،قربتا اخش في حالة من الخوف،بعد شوية كده سمعتا صوت الجرس،،،جريت جري فتحتا الباب لقيتا نسيبة،،شلتا نفس،وبقيت اعاين ليها،،قالت لي يا بت هااا بسم الله مالك😂😂😂قولته ليها كنت قاعده براي وخاايفة،،قالت لي ماما ونور وين؟؟،،قولته ليها طلعوا تقريبا عندهم قعده قهوة ولا حاجه كده،،،قالت لي اي اي،،بس بالغو كانو يسوقوك معاهم،،،قولته ليها يلا ما مشكلة المهم انتي جيتي،،قالت لي كنتي خايفة للدرجه دي😂😂😂😂دخلنا جوه وقعدت تحكي لي عن صحباتا وكده،،فتحت التلفون قالت لي عايني،،ورتني صورهم،،فجأه كده ظهرت صورة ولد ماشاء الله جميل شديد،،وقفت في الصورة مسافة،،قالت لي طبعا دا حبيبي وبقرا معاي في نفس الجامعه،،قولته ليها ماشاء الله حلاتو،،قالت لي عارفة😂😂والعارفاهو كمان أنو احلى مني،،،قولته ليها كيف يعني يا بت انتي زاتك حلاتك،،،قالت لي ههههه انتي عارفة في الجامعه بقولوا انا عاملة ليهو عمل،،،او بينا شي ما تمام،،فهمتي،،لانو انا خدورية وما بنفس درجه جمالو،،فبقولوا انو البينا دا ما حب،،وانا هو بستغلني لحاجه تانية على حسب فهمهم الوسخان💔،،قولته ليها ديل عنصرين بس ما أكتر،،ماتشتغلي بيهم،،مش هو مقتنع بيك كده،،قالت لي أيوة ووالله لو شوفتيهو بحبني وبحترمني لدرجه بعيده❤ بس انا حرفيا تعبتا من نظرة البنات لي،،واحيانا بسمع كلامهم وهم بكونو قاصدين يسمعوني ليهو،،،كم مرة بفكر اقطع علاقتي بيهو بس ما بقدر،،،وكم مرة بعدتا عنو بسبب كلام الناس،،بس هو بعرف كيف يرضيني ويرجعني ليهو من تاني❤،،،قولته ليها ياخ ربنا يحفظكم لبعض ويجعلوا من نصيبك أن شاء الله،،،أي نعم انا ما حبيت قبل كده،،بس قريت قصص كتيرة عن الحب❤،،وياستي ماتشغلي بالك بالناس،،،مهما الواحد عمل هم بفضلوا يتكلموا💔،،،قالت لي فعلا فعلا،،،تلفونا ضرب،،قالت لي دا هو ود حلال شديد😂😂❤،،،ردت ليهو وفضلت تتكلم معاهو،،ونبرة صوتها وهي بتتكلم زي الاطفال😂😂،،،،بعد قفلت قالت لي تخيلي بشاكل فيني عشان اتاخرتا،،اسي انا اتاخرتا عليك الله،،قولته ليها لالا،،،بكون خايف عليك بس،،قالت لي طبيعي هو خايف علي🙈😂😂❤،،،،،
