وصلنا كافي بعيد من البيت،،،قال لي ننزل ولا نتكلم هنا احسن؟،،،قولته ليهو هنا أحسن،،،اخدتا نفس وسكتا،،قال لي إيناس مالك،،،ابوك حاصلة عليهو حاجهه او واحد من ناس بيتكم؟؟،،،مارديت بس بقيت ابكي بطول حسي،،،وهو مستغرب فيني وماعارف يعمل شنو ولا اساسا الحاصل شنو؟،،،قال لي ايناس عليك الله فهميني في شنو،،ماتبكي كده ،،مهما كانت مشكلتك انا بوعدك أبقى قدرها واكبر منها كمان عشان احلها ليك بس ماتبكي،،،براك جعفر فمابالك لو بكيتي ح تبقي شنو😅،،،مسحتا دموعي وقولته ليهو الكلام الح اقولو دا ماعارفاك ح تتقبلو كيف او نظرتك ليهو ح تكون كيف،،،كل العارفاهو أنو لازم ألقى حل عشان مستقبلي مايضيع،،،وعشان اساعد بت تانية من انو تضيع نفسها،،وقبل اقولو لازم تعرف أنو مهما كانت ردة فعلك انا ح اعذرك،،،بس ابوس يدك يا أحمد تساعدني😭😭😭💔💔،،،،قال لي من غير بوس ايادي وعولاق😒ممكن تتكلمي وتلخصي لي مشكلتك عشان اعرف اساعدك واساعد البت البتقولي عليها دي❤،،،،قولته ليهو قبل أجي للجامعه انا عندي بت عمي هنا بتقرا في الجامعه برضو،،وباقي ليها آخر سنة،،،قال لي حلو،،وبعدين،،،قولته ليهو هي مابتطيقني ابدا وبصراحه ما اكذب عليك حتى انا ماعندي ليها حاجهه،،وابوها وامها بثقوا فيها شديد وما كانو عايزني أجي الجامعه بحجه أني ممكن امشي في سكة غير السكة الجيت عشانها💔،،امس القريبة دي جاتني مكالمة شغل،،،مشيت حسب العنوان الوصفتو لي البت،،،تخيل بت عمي فتحت لي باب الشقة و،،وكان معاها اا،،اا،،،قال لي معاها منو يا ايناس؟؟،،،قولته ليهو معاها اخوك مازن💔،،،طبعا بقى يعاين لي بصدمة كده،،،قولته ليهو بوب وربي ما ماقاعده اكذب فعلا كان معاها هناك،،،وتميت ليهو كل القصة وكل الحوار الحصل💔💔،،،،بعدها قولته ليهو انا ما عارفة اتصرف كيف،،راسي ح يطرشق،،،قال لي اممم،،ح اقول ليك حاجه انا عارفها وكل الدنيا دي عارفاها،،أنو مازن اخوي دا من يوم يومو بتاع بناااات،،وعندو شقة ياما جاب فيها بنات اشكال وألوان،،لما ناس الحي شكلو طوالي فكا الايجار،،وشكلو مشى أجر الشقة اللي لقيتيهم فيها دي،،،،وبت عمك دي مع احترامي ليك شكلها من النوع البنبهر بشكل الولد وعربيتو والكلام دا كلو،،انا واثق لو كانت شايلة حاجه من طبعك ما كانت وقعت الوقعه دي💔،،،،قولته ليهو آسي الح يحصل شنو،،بوب أنا خايفة منها بالجد،،،كلامها منطقي،،واي زول ح يصدقها،،تهديداتا لي ح تثبت عادي جدا لانو السبل متوفرة💔💔انا ح اموت لو ما كملتا جامعتي،،،وح اموت لو اهلي عرفوا أني بكذب عليهم💔وخصوصي أبوي الكان رافع راسو بي قدام عمي💔💔،،،،قال لي أولا كذبتك كانت بيضاء شديد،،،ثانيا أبوك ح يكون طول عمرو رافع راسو بيك💜،،،أنتي بس ما تتوتري ولا تشيلي هم للموضوع دا،،وانا ح احلو،،،قولته ليهو ح تعمل شنو؟؟،،،قال لي انتي مش عايزاني أبعد مازن عن ميساء قبل تضرر منو؟،،،قولته ليهو أيوة،،،ومش عايزة ميساء تعرف غطلها وتتوب عنو؟،،قولته ليهو اكيد،،،،أبتسم وقال لي وكمان عايزاها تعاملك عادي وماتجيب سيرة لاهلك عن موضوع سكنك مع خالتي وماتقدر تمرق فيك إشاعات وتقدري تكملي دراستك عادي؟؟؟،،،،قولته ليهو أيوة يا بوب دا الانا عايزاهو،،بس كيف يحصل💔💔😭😭،،،قال لي بدون دموعك وبدون ماتشيلي هم كلو ح يحصل❤،،انتي بكرة من الصباح سافري سفرك واقضي مع اهلك اجازتك زي الفل بدون تحسسيهم بحاجه ولا تجيبي سيرة الموضوع دا لزول خالص ولا حتى لاختك،،اتفقنا؟،،،عاينتا ليهو وأنا بين واثقة وما واثقة،،قال لي اتفقنا يا اللخت😒،،،قولته ليهو اتفقنا❤،،،قال لي واخيرا،،،طيب انزلي نشرب لينا حاجهه على الاقل تفرقي شوية،،،قولته ليهو ما عاوزة،،قال لي هوي يا جعفر انتي،،كمان لاقية😒اسي دي لو كان سمر كانت قالت لي توالي حبيبي ننزل🌚،،كان بقلد في صوتا بطريقة😂😂😂بقيت اضحك،،،قال لي أيوة كده يا عبقرينو،،احلى ضحكهه،،اوعك تشيلي هم طول ما أنا معاك،،،اعتبريني اخوك وسندك❤قولته ليهو انت فعلا أخوي،،،ربنا يحفظك بس،،،قال لي ويرزقني ببت الحلال الاصغر منك🌚،،،بقيت اضحك قولته ليهو يسمك يلا😂😂،،،،،نزلنا هو طلب قهوة وطلب لي عصير ليمون،،،بقينا نتونس وفضل يحكي لي عن امو الله يرحمها❤،،قال لي طبعا حكمه التصرف في الامور دي وارثها منها😌،،،ووارث من أبوي اخد المواضيع بكل تفاهه وفي الاخر حلها بطريقة تدل على الدهااء😌،،،قولته ليهو ياسلام ياسلام،،،أبقى استخدم دهاءك دا في الجامعه طيب🌚،،،قال لي لا في دي ربك يكون في العون😂😂😂😂😂مشينا؟؟ قولته ليهو يلا،،،،،وصلني البيت وقال لي،سلمي عليهم وبكرة اجهزي بدري الباص ح يتحركك الساعه 6صباحا،،قولته ليهو مانفسك تقول لي ح تعمل شنو في الموضوع؟؟،،،قال لي مانفسي،،يلا تصبحي على خير،،،قولته ليهو سمح اصبر بس،،،ضحك ضحكهه طويلة ودور عربيتو ومشى،،،دخلتا البيت،،،لقيت اميرة نايمة وخالتها وفيصل بتونسوا،،،قالوا لي اها الدكتور قال ليك شنو؟،،قولته ليهم طلع شوية ارهاق بس ما اكتر،،،دخلتا الغرفة وشبه بقيت مطمنة انو الموضوع ح يتحلى،،جهزتا شنطه صغيرة للسفر،،،وقبل انوم طلعتا دفتري««مجرد فيروس صغير ممكن يظهر في حياتك ويدمر ليك كل البنيتو قدام عينك،،حكمه بسيطة منك او من زول بتهمو مصلحتك بتكون كفيلة بأنها تصلح الوضع قبل يخرب وتجي يد تطلعك من وسط الخراب دا كلو💜أنت ح تفضل مدين لليد دي طول حياتك لأنها ركزتك وثبتت ليك حياتك،،ربنا جعل الحل فيها،،،بوب❤»»،،قفلتا دفتري ونومتا،،سلمتا امري لله ومن بعدو بوب💜،،،صحيت تاني يوم استحميت واتوضيت صليت،،جهزتا نفسي وعملتا لي شاي،،أميرة صحت لقتني في المطبخ،،،قالت لي امس نومتا قبل انتي تجي،،،الدكتور قال ليك شنو؟؟،،قولته ليها ما علي عوجهه كويسة،،،قالت لي الحمد لله،،،ح تسافري صاح؟؟،،قولته ليها أيوة ح أخد أسبوع بالظبط واجي،،،قالت لي طيب انبسطي،،أنا داخلة أكمل نوم،،،،،بعد شوية بوب أتصل علي قال لي اطلعي انا واقف،،،طلعتا وركبتا معاهو،،ونحنا في الطريق قال لي إيناس عندك رقم عمك؟؟،،قولته ليهو الشريحه حقت أمي ما عارفة بس تقريبا الرقم فيها،،قال لي شوفيهو وسجلي لي في تلفوني،،قولته ليهو عايز الرقم في شنو؟؟،،قال لي بدون أسئلة،،وبالمرة خشي المفكرة سجلي لي إسمك رباعي طيب،،وأنا أي معلومة ح أكون عايزها عن عمك او كده ح اتصل ولازم تردي مفهوم؟؟،،،قولته ليهو طيب،،،عملتا القال عليهو كلو،،،وصلني ونزل،،قال لي يلا الباص ح يتحرك،،،قولته ليهو حاسة نفسي ما ح ارجع عشان اكمل جامعه،،قال لي ح ترجعي❤،،،يلا اسي اتخارجي،،،ودعتو وركبتا الباص،،،،طول الطريق عقلي بودي وبجيب،،وياربي بوب ح يعمل شنو بالرقم.،،،وصلتا بلدنا،،،وأنا ماشة على البيت بفكر في كل حرف قالتو ميساء وقصادو حروف بوب المطمئنة💜،،،وصلتا بيتنا،،،لقيتهم صاحين،،،سلمتا عليهم❤،،،،رحيق قالت لي وحالتك كمان ماكنتي عايزة تجي،،ياخ اشتقنا ليك،،عارفة لو ما كان جيتي،،أنا كان ركبتا اول باص متحرك على الخرطوم ووصلتك❤،،،قولته ليها بالله هههه،،طيب المرة الجاية يا ستي تجيني،،،،أمي قالت لي خليتي صحبتك وامها كيف؟؟،،قولته ليها كويسين الحمد لله،،أنتو الحاصل معاكم شنو؟؟،،،أمي قالت لي نحمد الله،،،قومي اخدي ليك نومة يا بتي بتكوني تعبانة،،،قولته ليها سمح،،،،دخلتا جوه غيرتا ملابسي ورقدتا بس ما نومتا،،،،،العصرية كده أمي قالت لي امشي مع رحيق لبت جيرانا عرسوها وانا ما حضرتا عرسها،،قالت لي امشي سلمي عليها قبل يرحلوها،،قولته ليها سمح،،،شلتا لي توب وطلعتا مع رحيق،،،،قولته لرحيق فاطمة دي مش ياها البتقرا في تامن ولا أنا غلطانة،،،قالت لي اي ياها زاتا،،،بس البت ما قاعده في الواطة عشان كده قالو يستروها احسن،،،قولته ليها سبحان الله،،هي قدر شنو،،قالت لي صغيرة بس تصرفاتا هي الوصلتا لهنا،،،،مشينا ليهم،،،لقيتا متحننهه والعجب بقت سمينةة،،،باركتا ليها،،قالت لي عقبال عندك انتي ورحيق،،قولته ليها ان شاء الله،،،،اتونسنا معاها شوية وطلعنا،،،،أول ما وصلنا البيت،،،أبوي ناداني،،،مشيت ليهو،،،قال لي اسي يابتي طول قعدتك في الخرطوم مالقيتي بت عمك ميساء؟؟؟،،،،قولته ليهو م م مالقيتا يا ابوي،،،قال لي شيلي رقما من ابوها وامشي عليها،،ماتبقي جافية يابتي،،قولته ليهو سمح ح اشيل الرقم وأول ما امشي الخرطوم ح اتصل عليها واشوفا،،،رضيان كده؟؟،،قال لي رضيان الحمد لله،،،،طلعتا من غرفتو،،مشيت الصالون لقيت رحيق بتتكلم بتلفوني وبتقول هو أنت طبيعي في حالتك دي؟؟،،المهم إيناس بعيده حاليا،،لما تجي بخليها ترجع ليك،،،ضربتها في كتفها،،،التفتت،،قالت ايناس جات هاك ليها،،،،أول ما ختيت التلفون في اضاني بوب قال لي الجابك شنو اسي يا رمة😒،،قولته ليهو يا سلام،،كنت بتغوي اختي صاااح،،،بقى يضحك قال لي ما بالظبط ياخي😂😂😂،،المهم اسمعيني اديني عنوان شقة مازن لو لسة متذكراهو،،،قولته ليهو اي متذكرة،،،،اديتو العنوان،،قال لي كده تمام،،طيب لو في حاجه تانية اكيد ح اتصل يلا سلام،،،قفل الخط وأنا بقيت ما فاهمه شي بس خاتة يدي على قلبي💔،،،،،،عدت حكاية3 يوم وبوب ما اتصل علي فيهم،،،،وأنا كل ما اتصل بلقى تلفونو مغلق،،،،بقيت مقلقة شديد،،وكل مرة رحيق بتسألني اذا أنا داسة منها حاجهه أو لا،،،،
في جانب تاني بوب بقى مراقب تحركات اخوهو مازن وميساء،،لحدي ماعرف محل داخليتها،،،،،يوم بعد مازن وصلها،،،قبل تدخل الداخليهه بوب وقفها،،،قال ليها ميساء إبراهيم؟؟،،،قالت ليهو أيوة،،،قال ليها ممكن 10دقايق من وقتك؟؟؟؟بقت تعاين ليهو باستغراب،،،قال ليها أنا أحمد اخو مازن😊
#نتلاقى_بكرة
يخوانا ماعندي طريقة انزل تاني حلقة❤
