لما صحيت الصباح عشان استعد للجامعه،،نسيبة شافتني بكوي في عبايتي،،قالت لي إيناس ماشة بعباية😨،،قولته ليها ايوة💜،،قالت لي يا بتي الليلة أول يوم وطبعا معروف اول يوم دا بكون كيف،،،أي واحده بتكون لابسة لبسة شكل ومكياج وبتاع،،ونادرا ماتلقي بت لابسة عباية إلا اذا اصلا جامعتهم متبعه حكايات العبايات دي،،،امشي ليك بإسكرتي وتي شيرت ظريف بدل حنك العباية دا،،قولته ليها لالا انا عاوزة امشي بعباية،،لو كنت عاوزة امشي بلبسة كان جبتا لي كم لبسة من هناك،،بس العباية دي بزات لازم البسها لانو جابتا لي أمي عشان الجامعه💜،،قالت لي أمرك غريب،،،دخلت الحمام استحميت وجيت طالعه صليت وقعدتا في المصلاية فترة طويلة،،،بعدها لبستا عبايتي ومعاها طرحه سودا وجزمة وشنطة سودا،،،،نسيبة قالت لي مالك مسوداها كده ياخ😂،،على العموم موفقة ان شاء الله،قولته ليها اللهم آمين،،،وطلعتا مشيت الجامعه،،،لما وصلتا،،طبعا على قول نسيبة البنات اي واحده لابسة كيف وملونة وشها😂😂،،،بدون أتلفت كتير مشيت القاعه،،وقلبي في يدي من التوتر،،حتى ماعارفة متوترة من شنو،،،،بعد شوية القاعه اتملت اولاد على بنات،،،جات قعدت جنبي بت كده عاينت لي من فوق لتحت حتى نظراتا غريبة كده،،أنا فسرتها على انها استهتار ،،،بقيت اعاين قدامي بس،،اساسا كنت قاعده في،البينش التالت،،جاا الدكتور داخل،، عرفنا على نفسو وادانا نصايح عن انو خلاص كبرنا ولازم نخلي شغب الثانوي،،ونبقى ناس عاقلين،،وطالما وصلنا الجامعه فنحنا بقينا مسؤولين تمام المسؤولية عن تصرفاتنا❤،،،بعدها بدا المحاضرة،،وانا كنت مركزة معاهو تركيز كلي،،وحتى أي نقطه بقولا انا بكتبا في دفتري بتاع المذكرات،،،،بعد خلص،،في جزو طلع للفطور،،وجزو كان قاعد منهم البتعرفو على بعض ومنهم السرحانين وتحسهم خايفين،،،أنا فتحتا دفتري وقسمتو النص،،عملتا جزو للمحاضرات،،وجزو للمذكرات والكلام البكتبو،،،،المحاضرة التانية جات وواضح أنو الاستاذ ظريف،،،قال لينا ما يخوفوكم من منهج الجامعه،،ساااهل زيو زي اي منهج بس محتاج تركيز وانك تبرمج نفسك على انو مالازم تفوت محاضرة مهما كان لانو المحاضرات دي هي سلاحك علشان معدلك يطلع ظابط،،واحد قال ليهو يا استاذ انت كده يا دوب خوفتنا😂😂يعني الواحد طالع من الثانوي عشان يدك المحاضرات تجي تقول لينا ماتفوتوها،،القاعه كلها بقت تضحك،،،قال ليهو هو طبعا يا ابني انت على كيفك،،ممكن اسي لو عاوز تطلع تطلع ما ح اسألك واي دكتور او استاذ ح يعمل كده،،،، بس دا ح يأثر على معدلك لقدام،،،قال ليهو يعني تاني مافي دكوك عشان المعدل😂😂😂😂،،،الاستاذ قال لي ماف😂😂،،ويلا يا شباب نبدا محاضرتنا،،،،المحاضرة كانت حلوة شديد لانو الاستاذ ظريف طبعا😂😂،،،بعدها انا مشيت فطرتا،،،،وجيت راجعه كان فاضل لينا محاضرة واحده ونخلص،،جاتنا فيها مرة كده شكلها صعبة،،،حتى وانا بحاول افتح الدفتر هرشتني،،،قالت لي الكلام دا كلو موجود في الشيت،،شفع ثانوي جايبنكم لينا كمان نعلمكم يعني شنو نظام،،القاعه كلها صنت وبقوا يعاينوا لي،،طبعا انا ما من النوع الببكي وبتعاور داك،،براحه كده قولته ليها اسفة ما ح تتكرر،،،بقت تعاين لي،،بعدها ابتسمت ابتسامة خفيفة وقالت نواصل....،،،،بعد خلصنا،،،الولد القبيل جا قعد جنبي،،قال لي كيفك،،،مارديت،،،قال لي من الاخر كده يا اصلية،شكلك من النوع البكون كابي الحنك كلو،،،قولته ليهو نعم؟،،قال لي يعني شكلك شاطرة ياه😒،،أنا إسمي أحمد،،بنادوني بوب،،وانتي،،،قولته ليهو ايناس،،قال لي طيب يا نوسة ممكن نكون أصحاب💜واكون واضح معاك حبيت انتباهك للمحاضرات😂😂وأنا يا بت امي ما ناقش حناني،،،قولته ليهو قصدك شنو،،قال لي شكلي ح اغير لغتي دي عشان تفهميني💜😂،،،المهم اصحاب؟،،ومدا لي يدو،،،قولته ليهو سمح،،،،قال لي طيب نتلاقى بكرة،،ومشى،،أنا شلتا،شنطتي وطلعتا مشيت الاستراحه صليت الضهر،،،وبعدين طلعتا على البيت وانا في الطريق أمي اتصلت علي،،قالت لي كيف كان اول يوم يابتي؟،،قولته ليها والله تمام،،،قالت لي مصاريفك كملن؟،،قولته ليها لالا يادوب اتصرفتا فيهم الليلة اول يوم،،،ما كملن،،قالت لي سمح انا بداية الاسبوع الجاي كدي برسل ليك قريشات،،قولته ليها،سمح يمة،،،سلمي على ناس،رحيق عليك الله وابوي،،قالت لي سمح يلا مع السلامة،،،،،،وصلتا البيت،،،ضربتا الجرس،،،فتحت لي نسيبة،،قالت لي هااا بشري كيف كان اول يوم،،،قولته ليها تمام الحمد لله،قالت لي عملتي ليك كم صاحب وصحبة😍😍😍،،قولته ليها ولا واحد😂😂😂بعدين ماضروري،،قالت لي ماضروري شنو،،والله الجامعه بدون صحبات كعبة كعبة،،،لو لقيتي ليك اتنين يكون كويس،،،قولته ليها نشوف،،،،دخلتا جوه سلمتا على خالتي،،،قالت لي بعد ترتاحي تعالي اعملي لينا بامية طبيخ،،،،قولته ليها طيب،،دخلتا اخدتا لي نومة قصيرة،،وقومتا،،،مشيت المطبخ،،عملتا الطبيخ،،وكان في عده وسخانة غسلتها،،لانو سلفا خالتي زهرة ح تجي تقول لي غسليها،،،،رجعتا الغرفة طلعتا دفتري كتبتا««الليلة نزلتا الجامعه،،خلوني اقول يادوب كده بدا التحدي بالنسبة لي،،يا اما طلعتا منو كسبانة،،يا اما كسبانة وكسبانة شديد كمان ماف خيار تالت✋ الواحد لما يصر على حاجه،،خوفو منها وصعوبتا بتتلاشى قدام اصرارو💜خليكم دايما مصرين تكملوا حتى ولو كان نسبة الفشل 99%،،ونسبة النجاح 1%،،حاول و صارع نفسك وقاومها،،عاين للواحد واعملوا مية،،،،والإنسان الطموح بقدر يوصل نفسو للمكانة الهو عاوزها،،كن عظيم في عين نفسك قبل أن تكن عظيم في أعين الاخرين»»،،،قفلتا الدفتر وكنت مبسوطة بنفسي،،،،بليل كده غسلتا عبايتي وطرحتي،،،نسيبة قالت لي أنا ح أنزل الاسبوع الجاي،،،قولته ليها كويس شغالة الاسبوع كلو زي؟؟،،قالت لي بري شغالة أربعه أيام بس،،،قولته ليها كويس،،انا بكرة محاضرتي الاولى الساعه 8،،،،،،بعد صليت العشاء،،،،شلتا عبايتي وكويتا،،،نور قالت لي أنتي جاده نزلتي بعباية ما بسألك،يلا،،اسي الناس ح يقولوا عليك شنو؟؟،،قولته ليها أخر همي كلام الناس واخر همي اللبس،،،يعني شنو كل يوم أكون لابسة لبسة ولا يعني شنو لو الناس علقت عليها أو ما علقت،،الحاجات دي ثانوية بالنسبة لي،،،اللي مفروض يتجدد دايما نظرة الانسان للحياة،،،رغباتو،،خططو المستقبلية،،غير كده ماف حاجه تستحق اصلا الواحد يهتم بيها،،نسيبة قالت لي بس المظهر مهم وخصوصا ليك ك بت،،قولته ليهو هو مهم،،بس مافرض عين،،،،،نور قالت لي تحيري الواحد بفلسفتك دي😒،،،،قولته ليها دي ما فلسفة،،دا كلام عادي😂😂💔،،،،،تاني،يوم مشيت الجامعه بدري،،،ولقيت بوب قاعد في القاعه وحواليهو مجموعه بنات كده وكم ولد،،أول ما شافني،،جاا سلم علي،،قال لي صباح الخير،،قولته ليهو صباح النور،،،قال لي تعالي اقعدي معانا،،قولته ليهو اممم لالا،،وقعدتا في اقرب بينش،،،،البنات قالو ليهو شنو لكن يا بوب،،،قال ليهم دقيقه دقيقة،،،قعد جنبي وبقى يعاين لي،،قولته ليهو خير،،قال لي هو انتي لاقية أنا اعاين ليك كمان😌،ليه حاسس بيك كئيبة ووبتدي الواحد احساس انو عمرك 60سنة،،،قولته ليهو الكم دقيقة دي حللتني،،قال لي جادي معاك،،،يعني امس والليلة عباية+ماخاتة اي حاجه من حاجات البنات في وشك،،ميت ليك زول انتي،،،قولته ليهو لا ابدا،،قال لي طيب ليه مافيك حياة🌚😂😂،،قولته ليهو طبيعتي كده،،ماحابة اغيرا،،،قال لي كلام لكن،،نشوف نشوف بكرة بعد بكرة ماح اعرفك من،شده ما طبيعتك ح تتغير😂😂😂😂قولته ليهو انا في وانت في لو حيين من الموت ح اكون زي ما شايفني اسي،،قال لي اوكي،،،بعدها جات واحده من البنات قالت ليهو ارح نتم اللعبة ياخ،،قال ليها طيب،،،،التفت علي قال لي ركزي بلاي في المحاضرات،،،انتي ح تشرحي لي بعدين🌚،،،قولته ليهو كويس،،،،مرت الايام على كده،،ونص دفعتي وكل ناس قاعتنا مستغربين فيني،،يعني مما نزلتا أول يوم ولحدي ماتميت حكاية شهر ما اتغيرتا،،نفس العباية الواحده والطرحه والجزمة والشنطة💜،،ودايما بكون قاعده براي في الاستراحه،،وفي الكافتريا مع بوب،،،أمي رسلت لي،مصاريف كويسهه،،،،يوم بتكلم مع رحيق بالتلفون قالت لي اها ما لميتي ليك في ود غني😂😂😂😂قولته ليها رحيق😒ح اخش ليك بالتلفون دا،،،قالت لي وبعلي معناها لسة😭😭😂😂،،،قولته ليها انسينا من دا،،،قالت لي نتكلم في شنو؟،،،قولته ليها أنا زهجتا من شغلة البيت دي،،بقيت احس نفسي زي الخدامه عند خالتي زهرة دي،،وبقيت احكي ليها..،،قالت لي إيناس أنتي متخلفة مابتعرفي تقولي لا،،خليهم يشتغلوا شغلة بيتهم براهم،،ولو حبكت شديد،،غسلي ليهم عده الغداء بس،،،لكن نضافة وغسيل وطبيخ،،ما استخرتي،،،،قولته ليها ما بقدر أقول لا ياخ،،،قالت لي عويرة بس😒،،دي لو أنا كان اشتغلتا ليهم بقروش😂😂😂😂،،،شغلة البيوت دي قريشاتا سمحه قالو،،،قولته ليها بالله،،قالت لي والله،،وبقت تتكلم معاي وانا ما مركزة معاها،،،بعد قفلت،،جاتني فكرة،،،قولته لنفسي طيب مدام اصلا انا ممكن اشتغل شغلة زي دي،،ليه ما اساعد نفسي بالمصارف واريح امي من مسؤوليتي؟،،،،،💜
#نتلاقى✋
