#ذ
بعد كم ساعه من الليل وصلتا البلد❤،،وناس أمي اساسا عارفين بجيتي،،حتى امي افتكرت انو خالتي زهرة هي الحجزت لي،،وأنا مشيتا على كده،،،،من المحطهه بقيت ماشة برجولي لحدي ما وصلتا البيت،،،لقيت الباب متكى،،لزيتو ودخلتا،،،مؤيد لما شافني اتخلع😂😂،بقى يكورك هو ومعاهو مؤمن،،،جو سلموا علي السلام الحنييين داك❤ بعدين فكوني،،،قولته ليهم اهلكم وين؟؟،،،مؤيد قال لي أمي مشت عندها شغل،،ورحيق في الصالون،،وابوي نايم،،،قولته ليهو سمح ح امشي لرحيق،،مشيت ليها،،لقيتا راقده وبتغني،،،قولته ليها فنانة لكن عاد،،،قالت لي ايناس😨،،وقامت نطت وجاتني جارية،،ضمتني وبقت تبكي😂😂قولته ليها ما مصدقاك،،،فاقداني يعني،،قالت لي كيف ما افقدك،،ياخ والله مشتاقين عديل،،،مش،على اساس ح تجي بكرة يا كلبة😒،،،قولته ليها قولته اعمل ليكم مفاجأه،،،هاا رأيك شنو😂😂،،قالت لي المهم انك جيتي،،اها راجعه متين؟،،قولته ليها ياخ انتي كلبة كده مالك😒😂😂😂💔خليني اشيل نفس،،قالت لي،شيلي،شيلي😂😂،،،،طلعتا عبايتي وشلتا لي جلباب طلعت عشان استحمى،،،مشيت الحمام،،أول ما دخلتا رحيق جاتني جارية قالت لي تلفونك بضرب،،قولته ليها منو؟،،قالت لي بوب،،،قولته ليها ردي،،وقولي ليهو في،الحمام،،،،أول مافتحت الخط،،بوب قال يا رمة الرمم يا زفتة،،وصلتي ولا لسة،،،واحده حيوانة بشكل كنت ناوي اجي اودعك بس قبيل قفلتي في وشي الخط،،رحيق قالت ليهو واقع نبذ وعولاق بالع رادي انت،،قال ليها نعم،،إيناس ولا منو معاي؟؟،،قالت ليهو ما ايناس،،،اختها،،،قال ليها اهاا اسف،،قالت ليهو تاني مرة اعرف بتتكلم مع منو بعدين نبذ على راحتك،،طلعتا من الحمام لقيتا واقعه نصايح في بوب😂😂😂💔قلعتا منها التلفون،،اتكلمتا معاهو،،قال لي ياخ اختك رداحه وصوتا حنين للطيييش❤ قولته ليهو هوي ياا😒،،،قال لي عكسك يلا،،صوت جعفر الجواك دا غيري😂😂😂💔،،،المهم وصلتي كيف؟؟،،قولته ليهو تمام التمام،،بوب ممكن ما تتصل علي الا أنا اتصل عليك،،لانو.......قال لي من غير ماتشرحي،،ماعندك مشكلة❤ يلا تصبحي على خير،،،على كده قفلنا،،،،،،مشيت غرفة أبوي،،لقيتو نايم،،بوستا راسو ويدينو وطلعتا،،،رحيق قالت لي بوب دا حبيبك صااااح،،قولته ليها لالا مصاحبني مصلحه،،قالت لي كيف يعني،،قولته ليها عديل😂💔هو بقول كده،،المهم صحبي،،،،قالت لي وماعملتي صحبات هناك؟؟؟،،قولته ليها لالا،،مالقيت،،،انتي احكي لي كيف مع تالتة،،قالت لي اسكتي ساي،،مابصدق امك تطلع الشغل بجاي اجدع الكتاب بجاي😂😂قولته ليها مجرمة انتي ياخ💔😂😂😂😂،،شوية كده وسمعنا صوت الباب،،طوالي مسكت كتابا وبقت تقرا💔😂😂،،،،انا طلعتا برة،،،أول ما أمي شافتني،،دموعا نزلت،،،مشيت عليها وحضنتها،،،بالجد كنت محتاجاها❤،،وأنا حاضناها اتذكرتا معاملة زهرة لي،،،واتذكرتا الجامعه وأول يوم لي،،واتذكرتا خدمتي في البيوت عشان اخفف عنها الحمل💔،،،قالت لي مش كنتي جاية بكرة،،قولته ليها لالا بس قولته اعمل ليكم مفاجأه وكده،،قالت لي بركه الجيتي يا بتي،،والله فقدتك وفقدتا حسك في البيت،،،خليتي زهرة كيف مع أولادها،،،قولته ليها كويسين،،دخلنا العريشة،،،قعدت وانا رقدتا ليها في رجولا،،،قالت لي مالك يابتي شكلك مهمومه،،قولته ليها لالا عشان فاقداكم بس💜،،،،بعد غفيت شوية،،،صحتني ورقدتني كويس على السرير وقامت،،،،،،،تاني يوم الصباح،قومتا نضفتا وعملتا الشاي،،،ناس رحيق طلعوا على مدارسهم،،،أمي جات اتونست معاي وشربنا الشاي سوا،،،قالت لي زهرة مرة طيبة مش كدي؟،،قولته ليها امممم اي،،،قالت لي ربنا يزيدا من نعيمو،،،انا كنت ساكتة وبعاين ليها،،محتارة في طيبة قلبها دي💔،،،بعد شوية أبوي بقى ينادي يا مؤيد،،،مؤيد،،،أمي قالت لي قومي شوفي ابوك مالو؟،،قولته ليها كويس،،،قومتا ومشيت ليهو،،،لما شافني قال لي جيتي متين يا بتي،،،قولته ليهو امس بليل،،بس مابليل شديد😁😂،،،سلم علي💜،،،قعدتا جنبو،،قال لي اها اخبار قرايتك شنو؟؟،،قولته ليهو امتحنا السمستر الاول،،،النزول بعد شهر،،قال لي واشتغلتي كيف في المصيب دا؟؟،،،قولته ليهو لالا تمام،،أن شاء الله ح اجي الاولة💕،،،قال لي من يومك شاطرة متعودين عليك،،،الدور والباقي في اختك رحيق،،المدرسة بتمشي بالدفر،،،،،بقيت اضحك،،قولته ليهو بكرة ح تجيب نسبة كويسة وتبهركم،،،قال لي ان شاء الله،،ربنا يسمع منك،،،،،قعدت مع أبوي شوية وطلعت،،،لما مشيت العريشة لقيت أمي ماسكه التلفون وبتتكلم بيهو،،خلاص جاني هبوط💔اكيد ح تكون واحده من النسوان الانا بمشي ليهم💔،،بعد خلصت،،،قالت لي دي نسيبة بت زهرة،،،حسيت الاوكسجين رجع،،،قولته ليها ااا كويس،،،شلتا منها التلفون وقفلتو،،،قالت لي أنا ماشة لسوسن دي بتها عروس،،،بمشي اشيل ليها جسمها،،وعندهم كم غرض كده بعملوا وبجي،،،قولته ليها سمح،،ولمن تجي أنا عندي موضوع لازم تعرفيهو،،قالت لي موضوع شنو؟؟،،،قولته ليها امشي وتعالي،،،قالت لي سمح فتك بعافية،،،،،،بعد شالت علب الحلاوة وطلعت،،،يادوب انا اتنفستا كويس،،،قولته أول ما تجي ضروري اوريها بشغلي وبمعاملة بت خالتها لي،،،،بعد الضهر رحيق واخواني جو،،،،قولته ليهم الناس الشقيانة🌚،،،رحيق قالت لي اسكتي ساي،،وبعلي من الشمس ناااار،،،،بعد استحمت،،جاتني وبقت تونس فيني،،،قالت لي عاد ماشفتي شيلة ريان بت سوسن،،اريتا شيلتي وشيلتك،،،قولته ليها رحيق🌚😂😂لو عاوزة السعد السمح،،،ادعي وكتري من الدعاء بس وبجيك لحدي عندك❤،،طوالي قبلت على القبلة وبقت شغالة يارب يارب السعد السمح الراجل الرزين العاقل المليان،،قولته ليها مليان شنو😂😂💔،،اوعى يكون سمين،،،قالت لي اسكتي دي حاجه بيني وبين ربي😂😂😂،،،ضربتها في ضهرها طاااخ😂😂،،قالت لي اخخخ انا،،يلا زاتي ماشة بيت العرس،،احتمال القى دعوتي هناك🙈😂،،قولته ليها أمي ح تقتلك،،اقعدي اقري احسن ليك،،أو ونسيني😢،،قالت لي سمح،،نمشي نسوي شاي واجي،،،،عملت لينا شاي ظريف كده وجات،،بقينا نتونس،،في نص الكلام قولته ليها رحيق انا شغالة كذا وكذا....وحكيت ليها كل الحصل،،،بقت فاتحه خشمها وبتعاين لي بخلعه،،،قالت لي يابت انتي جاده،،،انتي عارفة لو أمك عرفت ح يحصل ليها شنو؟😨،،،،،قولته ليها بس بالجد الشغل دا خلاني اخفف عنها واشيل مسؤوليتي،،انتي ماقادرة تتخيلي خالتي زهرة معاملتها معاي كيف،،تقول خدامه عندها ودا كلو ليه عشان قاعده معاهم،،،بالجد مابقدر اقعد معاهم لمن ارجع،،قالت لي وح تقعدي وين يابت،،،انتي ماعارفة امي ممكن تقتلك لو عرفتك بتشتغلي وتقري،،لا وكمان ح تخلي بيت المرة ديك،،،قولته ليها لو ختيتي نفسك مكاني،،ح تعملي زي،،فجأه سمعنا صوت شي وقع💔قومنا جارين انا ورحيق،،لقينا دي امي واقعه جنب باب الصالون💔،،رحيق قالت لي الليلة ووووب ماتكون سمعتنا،،،،قولته ليها ماعارفة،،كده ارفعيها معاي،،،رفعناها ورقدناها في السرير،،،،رشيناها بموية،،،أول مافتحت عيونا،،،بقت تعاين لي شدييييد،،،بعدين ادتني كف💔،،،قالت لي انا بشتغل شغلة ورا شغلة عشان قرايتكم وراحتكم انتو،،،انتي تجي تقولي لي بتخدمي في البيوت،،ياخ أنا لو نمتا ساعتين ولا تلاتة في اليوم بكون كويس،،،امشي المحل،،،واخت حنة لدي واشيل لدي،،،واطبخ لي دي،،،بتجارا من مكان لمكان عشان اوفر ليك مصاريفك،،انا كان دايراك تخدمي في البيوت،،كان طلعتك من المدرسة،،انتي مشيتي تقري ولا تشتغلي،،وبقت تبكي،،وبتقول انا ما دايراكم تطلعوا زي،،ماتدايراكم تشتغلوا تحت زول،،،دايراكم تبقو ناس بشهاداتكم تشتغلوا في اكبر الشركات،،مش في بيوت💔،،وبقت تبكي💔💔،،بعد هدأت شوية،،،قولته ليها يمة أنتي كفاية عليك اخواني وابوي،،انا بقدر اشتغل واقري نفسي،،ماحاجه صعبة والله،،،ومافيها إهانة،،ودا شغل حلال،،،والشغل ماعيب،،،البعيب الزول أنو يكون متكل على غيرو،،،ومابفكر ولا بسعى ورا الحاجه البتمناها،،البعيب الزول أنو يكون عايش بدون هدف،،،صدقيني أنا بعدين ح اكون فخورة بنفسي شديد لما اصل للمكانة الانا شايفة نفسي فيها،،،وقتها بس ح اقول،انا تعبتا واشتغلتا في البيوت بس ما طلعتا خسرانة💔،،،قالت لي سمح قولي خليتك تشتغلي في البيوت،،،ح تقعدي وين؟،،في الشارع؟،،،،وزهرة دي الله يهديها،،،بس محل أنتي شايفة نفسك بتتهاني فيهو اوعاك تقعدي💜،،،،قولته ليها ما ح ارجع بيتها،،بس اكيد ربنا ح يساعدني ودا كلو لخير،،،قالت لي ابوك عارف؟،،،قولته ليها لالا،،ولا تخلي يعرف،،خلي الامور عادية،،،قالت لي نلقاها من اهل ابوك ولا من اهلي ولا من منو بالظبط،،،رفعت يدينا وقالت يارب تفرجها علينا،،،يارب تسترها مع اولادي يارب،،يارب أنت عالم بحالنا اكتر من الناس،،يارب تكون معانا❤،،،قولته ليها أنتي بس ادعي لينا وكل حاجه ح تظبط💜،،،،،،قعدتا حكاية اسبوعين وانا التفكير ح يقتلني،،وامي شايلة همي وماعارفة تعمل شنو،،،،قبل اجهز نفسي للسفر بكم يوم،،بوب أتصل علي،صمتا التلفون،،وقولته لرحيق ارح معاي الدكان،،،شلنا تيابنا وطلعنا،،،رحيق قالت لي عاوزة شنو من الدكان؟؟،،،،،قولته ليها عاوزة اتكلم مع بوب،،اتصلتا عليهو وفتحتا الاسبيكر،،،قال لي أهلا أهلا بالناس البايعانا،،،قولته ليهو ما كده والله،،بس أنا اهلي مابعرفو ليك صاحبك وكلام زي دا،،وأنا محترمة الحاجه دي،،،قال لي اممم تمام،،،اتونستا معاهو كده،،قبل يقفل قال لي إيناس في موضوع كده حصل عاوز اعرف تفاصيلو منك،،قولته ليهو موضوع شنو؟؟،،،قال لي سمر،،،سمر ليها فترة ماسكة سيرتك في قروب الدفعه،،،في شنو بالظبط،،مع أنها حاولت تلمح لي كم مرة بس انا الكنتا بعمل رايح،،،عايز عارف في،شنو بينكم؟؟؟،،اخدتا نفس وحكيت ليهو قصتي من اولها لاخرها،،،،بعدين قال لي وليه ما كلمتيني من الأول،،يعني خجلانة من..قبل يكمل قولته ليهو لا طبعا،،انا لو كنت خجلانة ما كان حكيت ليك،،،بس ما جات فرصة وبيني وبينك ما كنتا حاسة انك ضروري تعرف،،قال لي رمة😒،،خلينا في المهم،،اسي لما تجي ح تقعدي وين؟؟،،،قولته ليهو ماعارفة،،راسي جايط،،ماف حتة امشي ليها،،،سكت شوية،،بعدين قال لي طيب ظريف لما تجي الخرطوم اتصلي علي،،أول ما تجي فاااهمة،،،محل سكنك عندي❤،،قولته ليهو (بصوت عالي) كيف يعني؟؟،،قال لي كده عديل،،اسي ما ح افهمك شي،،بس لما تجي،،وخليك واثقة فيني شوية،،،💜قولته ليهو بوب،،قال لي عيون بوب من جوة❤،،،قولته ليهو بطل تخلف😒،،بقى يضحك،،قال لي طيب طيب بس أمانة عليك سلمي على اختك،،قولته ليهو رحيق،،قال لي الله الله،،اسمها رحيق،،،قولته ليهو أيوة،،،قال لي سلمي عليها شديد عليك الله ماتنسي❤،،قولته ليهو خلينا في موضوعنا ح اقعد وين،،قال لي ماتحكيها معاي،،لما تجي ح تعرفي،،اقطعي وشك😒💔،،،المرة دي هو القفل الخط😁😂😂،،،رحيق قالت لي هو واحد اسمو بوب بتوثق فيهو كيف🙂💔💔بس بيني وبينك صوتو فظيع🙊❤،،،قولته ليها دا كل اللفت انتباهك،،ارح البيت قدامي😂😂😂،،،مشينا البيت،،،أمي قالت لينا جبتو شنو من الدكان؟؟،،،رحيق قالت ليها ما مشينا،،،اقصد لقينا عوض بصلي المغرب وقافلو😁،،،،قعدتا معاهم شوية وبعدين دخلتا جوه،،،شلتا دفتري وكتبتا««ح تمر بمصاعب في حياتك،،،يا اما بقيت قوي واتخطيتا💜✌،،يا اما بقيت ضعيف وهي ح تتطحنك💔 وتدريجيا ح تتحول لإنسان فاشل،وماعندك ثقة في نفسك،،ومابعيد تتحول لمريض نفسي،،💔»»
#نتلاقى✋
