قال لي أيوة أنا اباذر نفسو،،مشبهاني ولا حاجهه؟؟قولته ليهو لالا،،،شكرا على التوصيلة،،،قال لي ثواني ثواني،،أنا شفتك قبل كده،،،ياربي وين؟؟،،،قولته ليهو وصلتني قبل فترة😊،،،قال لي اهاا فعلا،،،،طيب تصبحي على خير ما اعطلك،،،وتاني ما تطلعي بليل،،غير الكلاب وكذا،،مامعروف تلقي شنو،،،قولته ليهو ان شاء الله،،،دخلتا البيت ومشيت المطبخ،،،اكلتا اكل ما حسيت بنفسي إلا وأنا مكملة الاربعه عيشات💔😂😂😂،،بعدها مشيت غرفتي،،،طبعا النوم حلف لو يجيني،،بقيت اتقلب في السرير،،،فجأه تلفوني ضرب،،،عاينتا للمتصل لقيتو بوب،،،رديت عليهو،،قال لي صحيتي ولا لسة؟؟،،،قولته ليهو نايمة وبحلم ورديت ليك🙂،،بقى يضحك😂😂😂💔قال لي حيوانة بشكل،،،المهم اسمعيني،،،الجامعه لسة فضل عليها شهر تقريبا،،،أنا نازل كورس حاسوب هو مدتو45يوم،،يعني ما ح يفرق أساسا أول أيام في،الجامعه مابتكون مهمه،،،هاا قولتي شنو؟؟،،،قولته ليهو والله ياخي كويس،،،ح يبدا متين؟،،،قال لي بكرة،،هو بعد العصر ساعتين تقريبا قبيل اتلخمتا ونسيت اكلمك،،قولته ليهو بس بكرة صعبة ياخ،،ناسي موضوع الغداء،،،قال لي انتي جهزي الاكل وكذا،،،ميرو ترصو لما ضيفهم يصل،،،هااا متفقين؟،،،قولته ليهو بالنسبة للقروش كيف؟،،،قال لي هو أنا سلفا سجلتا ليك معاي وقروشو ما كتيرة🌚،،،قولته ليهو بوب بتبالغ،،قال لي ح ترجعيهم لي ابردي يلا😒،،،بعد تشتغلي وتظبطي امورك منو للجامعه رجعيهم،،اعتبري دين،،،قولته ليهو لو كده تمام،،،قال لي طيب تصبحي على خير،،،قولته ليهو تلاقي الخير💜،،،قولته لنفسي وكأنو بوب دا ملاك ياخي❤❤❤ ربنا يحفظو بس،،،،نومتا وتاني يوم صحيت بدري،،نضفتا وغسلتا العده،،،عملتا الشاي،،،وبعد أميرة صحت طلعتا الملابس والملايات الوسخانة دورتا الغسيل،،،،أميرة قالت لي كان تخلي الغسيل دا بكرة،،،قولته ليها ما مشكلة احسن انجز،،قالت لي ربنا يقويك،،،،،فيصل قال لينا ماتنسوا الليلة عازم صحبي على الغداء،،،أميرة قالت ليهو ما ناسييين،،،قال ليها طيب انا عندي كم مشوار كده بمشي اخلصهم واجي،،،قالت ليهو طيب حبيبي،،جيب لي معاك بيتزا نفسي فيها💜،،قال ليها حااااضر،،عاوزة شنو تاني؟؟،،،قالت ليهو سلامتك،،قال ليها سلامتي في المقام التاني عندك كويس كويس،،،وبقى يحمر ليها😂😂😂قالت ليهو هيييي لا ما كده،،،مسكتو من يدو وقدمتو جنب الباب وفضلوا يرقوا،،،،أنا خلصتا جزء من الملابس ودخلتا عملتا الفطور،،،أميرة قالت لي عاملة لينا شنووو اليوم في الفطور؟،،قولته ليها فته عدس كيف بلاي🌚😅😂😂😂،،،،قالت لي كلو ماشي يا زولةة😂😂،،،،بعد فطرنا،،،طلعتا الخضار من التلاجه،،،قالت لي اعملي الجاي على مزاجك بس،،،كلو في الاخر بتأكل،،،قولته ليها طيب انتي بس ارتاحي وبالمناسبة أنا وبوب نازلين كورس حاسوب،،قالت لي كويس والله موفقين💜 قولته ليها تسلمي قالت لي طيب ح امشي امد ضهري شوية،،،،،انا قومتا خلصتا اول شي باقي غسيلي ومشيت المطبخ،،،طبختا كم اكلة كده💜،،،،بعدين مشيت اخدتا لي نومة بمزاج،،صحيت الساعه 3،،،،أميرة قالت لي دا كلو نوووم،،شكلك منتهية،،،،قولته ليها يعني ماشديد،،جابت لي قطعتين بيتزا،،قالت لي اسفة ما انتبهتا على نفسي وأنا بأكلها شده ما بحبها🙈❤😂😂😂،،،قولته ليها ما مشكلة،،،اكلت القطعتين،،،،وبعدين مشيت استحميت،،،قعدتا شوية كده بوب أتصل علي،،قال لي انا جاي عليك،،،قولته ليهو طيب مستنياك،،،،أميرة جات وقفت قصادي وقالت لي امممم شايفة كلامك انتي وبوب كتر وطلعاتكم🌚💜أنتو أصحاب أصحاب ولا أصحاب أصحاب فعلا،،،قولته ليها أصحاب اصحاب فعلا😂😂😂،،قالت لي لا بالجد لانو الولد دا محيرني من قبل يدخل الجامعه ما كان عندو علاقات عاطفية،،،حاسة أنو قلبو واقف😂😂💔،،قولته ليها لالا شغال ماتخافي💔😂😂بكرة تسمعي خبر ارتباطو،،،،شوية كده وبوب اتصل علي،،قال لي يلا يا اختنا،،،،طلعتا ليهو ومعاي اميرة،،،سلمت عليهو،،،قال ليها ماتتغدوا بدوني مفهوم كلها ساعتين،،،قالت ليهو انت وحظك😂😂😂💔احتمال الضيف يتاخر واحتمال يجي بدري،،،قال ليها طيب طيب بتوزعيني بفوق،،مردوده،،قالت ليهو غور يا معفن😂😂💔💔،،،،،طول الطريق كان مزاجو رايق وبغني كمان،،قولته ليهو دقيقة أنت حاسس بشنو الليلة؟؟،،،قال لي مبسوط والله،،،قولته ليهو كده ابسطني معاك😅،،،قال لي ماهو أنتي سبب الانبساطة دي❤ قولته ليهو كيف ما فهمتك،،،قال لي يعني قبل اعرفك ما كنت بفتح كتاب،،،كنت ضايع كده،،،حتى ما عندي زول قريب مني،،وأنتي فجأه جيتي،،،بقيت بحس يومي ناقص لو ما شفتك او سمعتا صوتك،،،وكل ما اشوف اصرارك على حاجه بنبسط،،،يعني مثلا إصرارك في انك تكملي جامعتك وفي انك تجي أولة الدفعه،،،في انك اتعلمتي فرنسي مثلا في فترة وجيزة،،،وبتشتغلي عشان تصرفي على نفسك،،،الحاجات دي كلها بتخلي الواحد فخور إنك في حياتو،،فهمتيني؟،،حاسس نفسي عاوز ابقى زيك،،،اطمح لحاجات كتيرة واصل ليها،،،انتي عارفة أنا لما كنت ممتحن تالتة كانت امنيتي بس انجح،،اجيب نسبة تدخلني الجامعه بس،،يعني حكاية اقرا واجتهد دي،شايفها صعبة علي،،في حين أنو كل شي متوفر،،بس عقلي ما مستوعب الحاجه دي،،،،قولته ليهو هو عموما اي زول كده،،،بس أنت لما تبدا تدي لنفسك قيمة وتحس أنك لازم يكون ليك دور في المجتمع،،وتحس انك لازم تنجز،،،ساعتها بس ح تعرف أنو حياتك ليها معنى،،،وكل دقيقة فيها مهمه وما لازم تضيعها في الفارغة❤،،قال لي فعلا والله،،،وصلنا المعهد،،ودخلنا،،،كان فيهو ناس بساط بس بتعدو،،،،بوب قال لي ماف حاجهه صعبة ولا في حاجهه مستحيلة أنتي بس ركزي😎قولته ليهو بلغة تحدي قول الكلام دا لنفسك😎،،،
في الجانب التاني اباذر جاا مع فيصل البيت،،قبل يدخلوا اباذر قال ليهو هو بالله دا بيتكك؟؟،،،فيصل قال ليهو ايوة جيت قبل كده ولا شنو😅،،،قال ليهو لالا مجرد سؤال،،،دخلوا أميرة جات سلمت عليهو واتذكرتو،،،،فيصل قال ليهو طبعا أميرة ما كانت متذكراك،،فضلتا احكي ليها عنك واوصف شكلك بس ما اتذكرتك😂😂،،اباذر قال ليهو ياااخي😂💔،،لكن اسي بتكون اتذكرتني صاح يا مدام،،،قالت ليهو اي اتذكرتك😅،،،،مشت المطبخ جابت ليهم الموية،،،،،فيصل قال ليهو اها طمني الشغل ماشي معاك كيف،،قال ليهو والله تمام التمام،،أنا اساسا ما كنت ناوي امسكو،،بس الحاج أصر علي،،،فيصل قال ليهو كنت شغال شنو قبل تمسكك الورشة،،،قال لي عندي كافي مابعيد من هنا،،،ماسكو،،ياهو احيانا بمشي اشوف الشغل ماشي فيهو كيف،،،وطول الوقت بكون في الورشة،،،فيصل قال ليهو ربنا يقويك ياصحبي،،أنا طبعا زي ما كلمتك شغال في شركهه هندسية هناك،،،أميرة زاتا كانت معاي،،بس تقول شنو،،قالت لي مابقدر على الغربة وكلام كتيير،،،نزلتا ظبطا ليها امورا ورجعتا،،،واسي تاني جيت وراجع،،الله،يسامحها ح أفضل متنقل بين الدولتين،،،قال ليهو والله صعبة ياخي،،كده خليني من الكلام دا كلو،،قوم جيب لي بتك اشوفا ان شاء الله ما تكون شبهك بس😂😂😂😂❤❤،،فيصل قال ليهو والله يا صحبي قطعه مني😂😂😂😂😅،،،مشى جاب مأب وجاا،،،اباذر شالا وقال ليهو والله حرام عليك،،،البت دي بتشبه أمها،،اسي أنت سمح كده😂😂😂❤،،،فيصل قال ليهو انا هين نشوف اولادك بعدين بس🌚✋،،،،،فضلوا يتونسوا ويتذكروا ايامهم،،أميرة بدت ترص ليهم الغداء وهناك أنا وبوب خلصنا واتحركنا،،،،قولته ليهو أول يوم لا بأس به،،،قال لي فعلا بس ح تحتاجي لاب توب عشان تقدري تحافظي على المعلومات الح تاخديها كل يوم وماتنسيها،،،قولته ليهو دا برنامج دا يازول ربنا يسهل لقدام،،،،مشينا البيت،،،،ضربنا الجرس فتح لينا فيصل،،،،بوب قال ليهو تعزمني غداء وتتغدا بدوني حزينة منك ياخ،،فيصل قال ليهو القال ليك تتأخر منوو،،ادخل ادخل،،،،هو مشى وواصل معاهم في الصينية وانا مشيت المطبخ لقيت أميرة بتخلط في عصير،،،قولته ليها تعبتي الليلة صاح،،قالت لي يعني ما كتير،،جهزي لي الكبابي،،،جهزتهم ليها في صينية،،،،كبت العصير،،،كانت شايلة الصينية توديها برة سمعت بتها بتبكي،،،،قالت لي مأب صحت خلاص،،،قولته ليها طيب أنتي امشي وأنا ح أودي الصينية،،قالت لي طيب وبالمرة اعملي شاي،،،قولته ليها تمام،،،شلتا الصينية وطلعتها ليهم،،بوب قال لي عاملة لينا عصير منقه تسلم الايادي ياخ❤،،،قولته ليهو عملتو ميرو ما أنا🌚😂،،،دخلتا المطبخ وعملتا الشاي،،،،بوب جاا داخل المطبخ،،قال لي تخيلي الراجل البرة دا صاحب الكافي المشينا ليهو قبل فترة متذكرة؟؟،،قولته ليهو بالله،،كويس،،،قال لي لو كنتا عارف كان خليت الحساب على فيصل😂😂قولته ليهو المرة الجاية،،قال لي والظريفة شنو بشكر في اميرة على اساس هي العاملة الاكل😂😂😂قولته ليهو ومالو ياخ عادي😝😂😂،،،قال لي الشاي وينو،،لخمتيني اسي😒،،قولته ليهو اناااا اللخمتك برضو😳،،،ضحك وشال الشاي،،،،،حسيت اصواتهم خفت،،،،طلعتا براحه مشيت غرفتي طلعتا العباية وشلتا لي بجامه كده ما حصل لبستها ودخلتا الحمام،، استحميت لانو كنت مسخنة شديد أول ماختيت يدي على مقبض الباب سامعه فيصل بقول أيوة دا باب الحمام،،،وااي أنا أطلع كيف توب ماشايلاهو ولا عباية😭😭😭💔💔اتوكلتا وفتحتا الباب،،أول ما شفتو وهو بقى يعاين لي وشي بقى احمر زي الطماطماية😭😭💔💔،،،جريت بسرعه ودخلتا غرفتي،،،بقيت واقفة على الباب ونفسي قايم،،،،بعد اباذر طلع من الحمام قال لفيصل البت القاعده معاكم دي منو؟؟،،فيصل قال ليهو دي الشغالة،،،،،،،،💜
#نتلاقى💜
