بعد خلصوا كلامهم فتحتا الباب براحهه،،شايفاهم بشربوا في الشاي،،،،رجعتا قفلتا الباب ولبستا عبايتي عشان لما يطلعوا أنا أمشي المطبخ،،،قعدتا قريب ربع ساعهه سامعه اباذر بقول طيب يا فيصل كتر خيرك ياخي ما قصرتا،،،فيصل قال ليهو على شنو،،ردها لي لما تتزوج❤لكن ما ظنيت اشوفك عريس ابدا😂😂😂،،،بعدها طلعوا،،،،أنا مشيت المطبخ لقيت بوب ختا الصينية،،قال لي يلا انتحري في العده🌚أنا ماشي نتلاقى بكرة،،قولته ليهو سمح،،،،لميت العده كلها في الحوض بغسل فيها وبغني،،،جات أميرة قالت لي روقاااان لكن❤ اسمعيني قررتا اعمل سماية كده على الضيق،،،أضبح خروف واوزعو كرامة،،،ما ناقصة جوطهه،،،قولته اكلم فيصل اساسا ما ح يمانع لانو ح يسافر وما ح يكون عندو زمن،،،قولته ليها احسن شي خير وبركهه يا زولةة،،،قالت لي خلاص بكرة بعد صلاة الجمعه اوزع الكيمان،،،قولته ليها طيب تمام،،،،قعدت تونس فيني كده،،،،،بعد فيصل جاا مشت ليهو وكلمتو،،،،،أنا خلصتا من العده ونضفتا المطبخ،،،لميت الصالة ومشيت غرفتي لقيت تلفوني بضرب رديت كانت واحده عاوزة غسيل،،وصفت لي بيتا وكذا،،قولتهه ليها خلاص بكرة بكون عندك،،،قالت لي طيب بس من الصباح عليك الله،،قولته ليها ان شاء الله،،،بعد قفلتا منها اتذكرتا قصةة السماية😪،،،قولته ما مشكلة امشي بدري بس وارجع،،،صليت المغرب ورقدتا،،فجأه جاا في بالي منظري قدام اباذر،،،قولته واي ياخ ح يكون قال عني شنو؟؟،،اكيد ح يقول قاصده،،يا الله ماتختني في مواقف زي دي تاني💔،،بس ما ح يكون ركز معاي ما أنا في الآخر شغالة،،هههه قايلة نفسي حاجهه كمان بركزوا معاها،،،،،بعد العشاء اذن صليت ورقدتا نومتا،،،،تاني يوم الصباح،،صحيت بدري صليت ونضفتا البيت،،،،كلمتا أميرة أني طالعه جاني شغل،،قالت لي بتبالغي طبعا،،،ما كلمتيني ليه؟،،قولته ليها معليش المكالمة جات متأخرة،،ما ح أتأخر انا،،،أن شاء الله بجي قبل الصلاة،،،قالت لي طيب بس والنبي ما تتاخري ماح اعرف اعمل حاجهه،،،قولته ليها طيب تمام،،طلعتا حوالي الساعهه 10كده،،،،وصلتا البيت الوصفتو لي المرة،،،طوالي اتذكرتو دا بيت ناس سمر💔،،،قولته يارب تكون مافيشة أو نايمة،،ابدا ماناقصةة تعليقاتا،،،ضربتا الجرس فتح لي ولد صغير،،،قولته ليهو ماما قاعده؟،،قال لي أيوة جوه،،،دخلتا معاهو،،لقيتهم بشربو في الشاي،،،،قولته ليهم السلام عليكم،،،قالوا وعليكم السلام،،،سمر عاينت لي بافترا كده،،،أمها قالت لي الملابس برة،،،كلها 4دستة تقريبا،،كده بتلقيهم برة احسبيهم،،،قولته ليها طيب،،،طلعتا برة،،،قسمتا الملابس وحسبتهم طلعوا 4دستة ونص،،،،جبتا الطشت ومليتو موية وصابون وبديت غسيل،،،،جات طالعه سمر قالت لي انتي لسة في شغلتك دي،،،مارديت عليها،،،««للمعلومية لو عاوز تحرق اعصاب زول خليك ساكت وفي قمة هدوءك مع ابتسامة خفيفة💜»»،،،،قالت لي هو حضرتك لاقية أنا اتكلم معاك،،،،على العموم الزيك ديل ما بتقدموا ابدا،،،واكبر دليل انك ما متقدمة عبايتك الواحده دي،،،،برضو فضلتا ساكتةة،،فضلت ترقي كتيير على اساس تحرق دمي بس دمها هي الاتحرق،،،،،كان فضل لي نص دستة واخلص،،،مشيت شريت جزء من الملابس جوه،،وانا طالعه،،،اخو سمر جاا قال ليها حلي لي الEx،،،،قالت ليهو ما حليتو من أمس ليه،،قال ليها صعب ياخي،،،حلي معاي،،مسكت منو الكتاب وبقت تقلب في الصفحهه،،،قالت ليهو مابحلو ليك عقابا ليك بس،،قال ليها قولي ما عارفة بس💔😪أنا ما عارف دخلتي الجامعه كيف،،،،،قولته ليهو ممكن احلو ليك أنا،،،قال لي بتعرفي؟،،قولته ليهو اكيد،،،الولد بقرا في سابع،،،شلتا منو الكتاب وقريت القطعهه والاسئلة،،،حليت ليهو سؤالين ووريتو الصيغة اليحل بيها،،،قال لي ماشاء الله شكلك شاطرة أنتي بتقري في كم،،،قولته ليهو تانية جامعه،،،قال لي زي سمر،،طيب هي ما شاطرة زيك ليه؟؟،،،قولته ليهو هي بس مهملة ما اكتر،،قامت عايزة تجوط فيني،،أمها جات،،قالت لي خلصتي ولا لسة؟،،،قولته ليها باقي لي حاجه بسيطه،،،طلعتا خلصتا غسيلي،،،،بعدها استحميت،،،وجات أم سمر حاسبتني،،،قالت لي من قبيل مشبهه عليك،،جيتيني قبل كده صاح؟؟،،قولته ليها أيوة😊،،قالت لي كان كده اعتبرك زولة ثابتةة؟؟،،قولته ليها جدا💜،،،على كده طلعتا،،،لما وصلتا البيت لقيت راس الخروف بس😂😂💔،،دخلتا جوه لقيت أميرة ومعاها نسوان اتنين جاراتا،،،قالت لي اتاخرتي،،،قولته ليها معليش معليش،،،أهو جاراتك ما قصروا،،،قالت لي تعالي قطعي معاهم عشان توزعي الكيمان،،،قولته ليها حاضر،،،طلعتا عبايتي وبديت اقطع معاهم،،،طلعتا كيمان كتيرة،،،أميرة قالت لي شيلي تلاتة كيمان،،،ادي عم رجب،،،وادي ناس الورشة والمغلق،،،قولته ليها كويس،،،شلتا لي توب وشلتا الكيمان وطلعتا،،،،مشيت السوبر ماركت اديت عم رجب ووريتو المناسبة قال لي تتربى في عزكم💜،،،ومشيت المغلق،،اديتهم حقهم،،،قبل أمشي الورشة قولته يارب ما القاهو،،،بقيت ماشة وبدعي لحدي ما وصلتا،،،لقيتو واقف برة وبتكلم بالتلفون😑،،،شغال يقول كده أنا لما ارجع بحل الموضوع دا،،حبيبتي افهمي والله مابمشي فيك،،طيب طيب اساسا كلها كم يوم وتلقيني معاك❤ بنتفاهم يا ستهم،،يلا خلي بالك من نفسك،،،بعد قفل،،بقى يعاين لي،،وأنا بعاين ليهو،،،طبعا هو طويل عاتي وحالق صلعهه وعندو لحيةة كده زي حقت الشيوخ💜 ،،قال لي احم محتاجهه حاجهه؟؟،،،انتبهتا على نفسي،،قولته ليهو ااا لالا بس دي كرامة بسيطه حقت مأب💜،،،قال لي ماشاء الله تتربى في عزهم أن شاء الله،،،قولته ليهو تسلم،،،اديتو الكيس واتحركتا مشيت،،،وأنا ماشة في حاجهه جواي بتقول لي التفتي💔😂😂😂،،،التفتا ورا لقيتو واقف ورجع يتكلم في التلفون،،،،وصلتا البيت،،،لقيت جارات أميرة مشوا،،وهي واقفة بتظبط لينا غداء،،،قالت لي فطرتي صح؟،،،قولته ليها مع الاسف لا،،،قالت لي اجي كيف يعني،،،المشيتي ليهم ديل ما ادوك فطور؟،،،،قولته ليها لالا،،،قالت لي طيب نحنا فطرنا بعصيده،،،قطعي ليك سلطه لحدي ما الغداء ينزل،،،قولته ليها لالا ما مشكلة،،استنى الغداء بس اساسا ما جعانة،،قالت لي طيب،،،،مشيت صليت الضهر،،،وقبل أقوم من المصلاية جاتني صورة اباذر💜،،،،طوالي استغفرتا،،،،أميرة رصت الغداء ونادتني،،،اتغدينا زييين❤،،،،بعدها رتبتا البيت والمطبخ،،،واخدتا لي نومة قصيرة كده😂😂،،صحيت على صوت تلفوني،،،رديت جاني صوت بوب،،،قال لي متحرك عليك أنا،،،قولته ليهو جاهزة جاهزة،،،قفلتا منو وقومتا لبستا عبايتي،،،اميرة لما شافتني،،،قالت لي غايتو بتحبي العباية دي حب انتي،،،بس وربي الليلة ما تلبسيها،،،قولته ليها دا كلام شنو يا ميرو ياخ،،قالت لي بس كده،،تلبسي من الملابس الأنا جبتهم ليك،،قاعدات جداد زي ما هم،،،قولته ليها ياخ ماف داعي،،قالت لي وربي لو ما لبستيهم يا إيناس أزعل منك،،،قولته ليها بس...قالت لي ازعل😢،،،قولته ليها خلاص ح البسهم،،،قالت لي واي بحبك❤❤😂😂،،دخلت الغرفة طلعت لي اسكرتي اسود وتي شيرت كبدي مع طرحهه ابيض وكبدي،،،،قالت لي البسي ديل😍😍😍❤،،،قولته ليها سمح،،شلتهم ودخلتا الحمام،،،لبستهم،،،وجيت طالعهه،،،،لما مشيت ليها قالت لي مبالغة ياخ فيك❤ اتفصلوا عشانك والله😪❤❤❤،،،قولته ليها بطلي مجاملة قالت لي لا وربي طالعه فظيعهه،،يلا تعالي امكيجك،،،قولته ليها أنا ما ماشة حفلة لكن😂😂💔💔ماشة المعهد بس وجاية،،،قالت لي حتى ولو،،يابت انتي شابة عارفة يعني شنو شابة،،ماتدفني نفسك،،،أنتي ما عندك غيرة ابدا،،يعني مثلا لما تشوفي واحده لابسة حلو ومتمكيجه،،،قولته ليها ابدا،،،أنا لما اغير،،ح اغير من البتنافسني في الجامعهه،،من القريبة لربها اكتر مني،،أما حكاية اللبس والحاجات دي فهي كماليات،،ما أساسيات،،،قالت لي فهم برضو،،،المهم ح اعمل ليك ماسكارا وروج بس😭😭💜💜النبي ماتحرجيني😭😭😭قولته ليها طيب اعمليهم😂😂💔الله يجازيك بس،،،،قعدتني في التسريحهه وظبطت لي الماسكارا والروج،،،،لبستا الطرحهه،،بقت تعاين لي وهي خاتة يدها على خدها😂😂💔قالت لي ياخ ماشاء الله،،،دا الجمال ولا بلاش،،،قولته ليها بطلي بطلي😂😂💔،،بوب ضرب لي تلفون،،،طلعتا ليهو،،،نزل من العربية وبعاين لي احساس مخلوع😏،،،قولته ليهو نمشي؟؟،،قال لي انتي منوو😂😂💔قولته ليهو بطل تخلف ما اتغيرتا كتير،،،قال لي جعععفر،،اصلو مابصدق😳،،،بقيتي سمحه😂💔💔،،،قولته ليهو اسحرني عليك الله🌚،،قال لي ارح ارح الزمن💔😂😂ركبتا معاهو واتحركنا،،وهو الطريق كلو مشغلها لي💔😂😂😂😢،،،،،بعد خلصنا،،قال لي ارح عازمك،،قولته ليهو انت شكلك محموم،،ياود رجعني البيت هاا،،قال لي لا بالجد والله،،،ماعشان خاطر عيونك،،بس فيصل مسافر بكرة الصباح واكيد ح يحتاج خلوة مع مرتو،،فخلي عندك دم،،اا رأيك شنو نمشي شارع النيل ومن هناك نجي الكافي بتاع صاحب فيصل،،،قولته ليهو نمشي حتة واحده بس ماف داعي،،،قال لي طيب معناها الكافي،،،دور العربية ومشى على الكافي،،،قال لي ح اقشر بيك الليلة،،،قولته ليهو انت طبيعي قاشر بي🌚✋،،قال لي لالا الليلة غير،،بقيتي بت بت😂😂😂😂❤❤،،،صريت ليهو وشي لحدي ما وصلنا،،،قال لي زعلانة ليه،،دا على اساس انك بت وكده،،،قولته ليهو بطل تشغيلة،،عارف انا برتاح أكتر لما أكون في نظرك جعفر😪💜،،قال لي الله ياخ،،ماتخافي مما عرفتك جعفر واسي جعفر،،يلا انزلي😂😂،،،نزلتا ومشينا قعدنا لينا في طاولة قريبة من الكاشير،،طبعا بوب في الهظار سخيف وصوتو عالي💜😂😂😂لفت انتباه الناس كلهم علينا،،،،قولته ليهو تاني توبة،،أنا تاني البطلعني معاك شنو؟،،بقى يضحك،،،طلب لينا اتنين قهوة وجاتو،،،،شربنا قهوتنا واكلنا الجاتو،،وبحركهه عفوية منو مسح لي بيهو وشي،،،قولته ليهو أحمد دا شنو😨،،،قال لي بعد تمسحيهو ح يديك نورة😁،،،قولته ليهو اصبر بس يا جزمة،،،بعد شوية قمنا ماشين،،،جاا بتاع الكاشير رجع لأحمد قروشو،،قال ليهو المدير قال انتو تبعو💜،،أحمد قال ليهو لكن نحنا دفعنا خلاص ما مشكلة،،قول ليهو المرة الجاية،،،الولد قال ليهو والله إلا تتفاهم معاهو أنت،،لانو هو قال لي ارجع ليك قروشك،،،أحمد قال ليهو ممكن تنادي لي،،،،قال لي جدا،،،مشى وجاا راجع معاهو،،،قال لأحمد يا أبو الشباب كيفك،،،أحمد سلم عليهو،،وحاول يدفع الحساب،،اباذر قال ليهو شينة منك والله،،خليها علي،،المكان مكانك كمان يا أبو حميد❤،،،أحمد قال ليهو تسلم يا كبير،،ألتفت علي قال لي معناها تاني من الجامعه وهنا راس😁😂😂،اا نسيت اعرفك يا اباذر دي إيناس صديقتي وزميلتي في الجامعهه،،ودا اباذر يا إيناس صاحب فيصل الأمس،،ما اظن اتلاقيتوا صح؟؟،،،اباذر عاين لي في عيوني وقال ليهو أيوة ما اتلاقينا😊،،،طيب يا شباب ابقو أظهروا،،،بعد اذنكم،،،،بعد مشى قولته في قلبي عان الغبي دا على اساس فارقة لو قال اتلاقينا او لا،،،أحمد قال لي جنتل صاح،،،قولته ليهو بارد برود الجن،،،قال لي هو انتي يادوب لاقيتي اجلي احكامك دي لما تعرفي❤فيصل سافر،،،وعدت الايام لحدي ما نزلتا الجامعهه،،،أول اسبوع كان عادي مافيهو حاجهه مهمه،،في الوقت داك ظهرت نتيجتي وجيت الاولة❤ يادوب حسيت بالفخر وإني لي كيان بدا يتكون،،،،أميرة قالت لي بت اللذينة،،بعدين لو ما بقيتي ذات شأن بعد دا كلو ح اقتلك فهمتي😂😂💔قولته ليها لالا ان شاء الله ح أبقى😂😂😂،،،،خلصنا أنا وبوب الكورس وأخدنا شهاده،،،،نزلتا تانية وانا كلي حماس أكتر من الأول واصراري أقوى❤،،،،ما غيرتا طريقة لبسي بس اشتريت لي عباية جديده😁❤،،،،وفي يوم كانت نتيجه الشهاده الثانوية،،،،اشيل واتصل لرحيق وهي دمها بارد طبعا💔😂😂قالت لي ماتتعبي نفسك وتضربي كل شوية،،اساسا لو ما نجحتا ح اعرس فشنو بيعي الفكرة مش العرس إنجاز؟،،قولته ليها إنجاز في حالة يكون جاي على مزاجك❤،،،قالت لي احم ح يجي😂😂،،،قفلتا منها،،بعد نص ساعه رجعت لي،،،قالت لي زغردتي يلا😆جبتا66،،،ما كنتا بحلم بيها والله😂😂قولته ليها فخورة بنفسك يعني؟،،قالت لي جدا جدا،،،زغردتا ليها كم زغرودة وقفلتا😂😂😂،،،،،،يوم وأنا طالعهه من الجامعه لقيت سمر ومعاها صحباتا،،كالعاده بتعولقوا فيني ويعلقوا،،،سمر قالت لي ماما قالت ليك تجي ليها عندها مكوة،،،قولته ليها لما تضرب لي ح اجي😊،،واحده قالت لي مبرووووك العباية الجديدة كمان😂😂😆❤ عجبتني يوم بشدها منك،،،ابتسمتا ليها،،،،اثناء ما واقفين،،،جات عربية وقفت قدامنا،،،سمر قالت ليهم اخيرا جااا،،ادعو لي اصل معاهو لحل في موضوعنا،،،قالوا ليها يارب،،،نزل القزاز وقال ليها ح تقيفي كتير؟،،،عاينتا ليهو،،لقيتو اباذر،،،،،،،💜««لا أؤمن بالصدف،،أنا فقط أؤمن بالقدر،،فياليت تصيبني تلك الصدفة وتصبح أنت قدري❤»»آسفة على التأخير بس ظرووف❤،تاني ماف حلقة لكن ح اعوضكم💜#نتلاقى👻
