خلي بالك من نفسك حبيبي،،قال لي إيناس بطلي البتعملي فيهو دا،،أنا ح اقعد واتكلم مع امي وافهما وو،،قولته ليهو اباذر،حتى لو قعدتا معاها ما ح تقتنع إلا اذا هي عايزة تقتنع،،،بس حلفتك ما تحاول توصل لي وإلا ح أزعل منك،،وح ازعل شديد كمان،،بقى شغال لي إيناس،،اديني فرصة أنا بصلح اي حاجهه،،،قفلتا الخط ومسحتا دموعي،،،رقدتا وانا بفكر في كلام امو،،وكأنو جاا في وقتو زي الضربة القوية على راسي💔،،،تاني يوم صحيت وعملتا الشاي،،أمي كانت بتعاين لعيوني،،قالت لي مالك يا بتي،،عيونك مورمات كدي،،قولته ليها لالا ماف شي،،كنتا مساهرة بس،،قالت لي امممممم سمح،،بعد أمي طلعت من البيت،،مشيت الصالون وجبتا دفتري،،بقيت اعاين ليهو،،،قولته ليهو أنا نسيتك💔نسيت كل الحاجات الكنتا عاوزة اعملا واكتبا فيك💔،،،بالجد الحب أعمى وإلا ما كان عماني منك للدرجه دي💔،،رحيق جات لقتني بتكلم براي،،قالت لي مالك جنيتي؟؟،،قولته ليها لا بالعكس،،،وكأنو مكالمة ام اباذر دي جات في وقتها علشان تصحيني،،قالت لي تصحيك من شنو بالظبط،،دي خربت عليك فرحتك،،قولته ليها لالا،،،،صحتني من انانيتي💔،،كنتا انانية بفكر في نفسي وبس💔،،فكري معاي،،لو كنتا اتزوجتا اباذر وقضيت الخدمه واشتغلتا،،ح أعمل لي اهلي شنو،،وتفتكري لو جيت اديتهم من مرتبي ح يشيلوا؟،،أكيد لا،،ح يقولوا دي قروش زوجها،،،رحيق أنا في لحظه كنتا ح اضيع كل العايزاهو،،،يمكن صاح اتشوشتا شوية،،بس حاليا شايفة هدفي بكل وضوح❤،،قالت لي بتقولي في شنو انتي؟؟،،قولته ليها ح تفهمي،،كلو في وقتو حلو❤وح يجي يوم ام اباذر بذات نفسها تطلبني لولدا،،،بس خلي كل حاجهه تمشي زي ما مخططه ليها يارب❤.تلفوني طول اليوم ما بطل رن،،اباذر كان بتصل كل دقيقة،،،قولته ح يجي يوم ويفتر وما يتصل💔.
في جانب اباذر واهلو
ليه عملتي كده يا امي،،ليه،،أنتي عارفة انك حرمتيني من احلى حاجه حصلت لي في حياتي💔،،قالت ليهو هي لحقت تشكي ليك وتتبكى،،أنا عملتا الشي الصح والفيهو مصلحتك،،قال ليها مصلحتي؟؟،،،أي مصلحه دي،،هااا أنتي عاوزاني اتزوج واحده أمها فلانية الفلانية وابوها معروف،،واهلها ناس تقال،،عشان استفيد شنو؟؟،،،وريني،،،بس خليك عارفة طالما ما اتزوجتا إيناس،،تحرم علي اي واحده غيرها،،موضوع اني اتزوج دا خلاص انسيهو،،،ح اكنسل على كده وباقي عمري ح اعيشو كدا،،قالت ليهو أهون علي تعيش كده ولا تعيش ليك مع خدامة،،،اباذر ما عرف يرد عليها بشنو،،مشى وخلاها💔💔،،،عدت فترة وأنا صراحه كنتا فيها مستاءة شديد💔بس في نفس الوقت متفائلة باللي جاي❤،،وجاا الوقت اللي لازم انزل ليهو الخرطوم استلم شهادتي واجي راجعه البلد تاني،،،فعلا عملتا كدا،،نزلتا الخرطوم،،استلمتها،،بس ما كانت زي كل مرة كنتا تالتة الدفعه،،أبدا ما زعلتا كان بالنسبة لي تحدي،،وراني أني انحرفتا عن مساري شوية بس ح اواصل صح💜،،أحمد قال لي بالجد ماعارف اقول ليك شنو على الحصل معاك،،بس ان شاء الله بكرة ربنا يعوضك بالاحسن منو،،،قولته ليهو ما عايزة الاحسن منو،،أنا عايزاهو هو زاتو❤،،،أحمد بقى يعاين لي وبعدها قال ربنا يجعلو من نصيبك❤،،قولته ليهو ان شاء الله،،،رجعتا البلد تاني يوم طوالي،،،،قضيت الخدمه في مدرسة ثانوية،،بدرسهم انجليزي،،كنت مالية وقتي ومابحب الفراغ ومابحب اقعد براي،،كنتا بقعد في لمة او بتونس مع ناس البيت،،دا كلو علشان ما ارجع واتذكر اباذر،،مع أنو ما غاب عن بالي لحظه💔💔،،،طول سنة الخدمه هو كان بتصل علي وبرسل رسايل عمري ما فكرتا ارد ليهو،،لحدي ما رسل لي رساله محتواها"لسة بحبك وبعزك بس ما قادر أبطل اتصل عليك،،لكن من الليلة ما ح اتصل عليك،،سلمتا امري وامرك لربنا❤"،،رسالتو دي بكتني مع أني كنتا حالفة ما ابكي💔💔،،بكيت لما فترتا من البكى بعدها مسحتا دموعي،،،،،السنة دي مرت علي زي العشرة سنوات💔تواصلي كان قليل مع أحمد وفاتن وسلوان💔💜،،وفي يوم كنتا ماسكة جريده وبقرا فيها،،،لاقاني إعلان لشركه في الخرطوم،مطلوب فيها خريجي بكالريوس إدارة ومحاسبة ووو....،تحت كان مكتوب الايميل وارقام التلفونات،،،شلتا تلفوني وقولته كده أجرب حظي،،فعلا اتصلتا على الرقم،،اتكلمتا مع واحده كده،،وضحت لي كل حاجه،،وقالت لي آخر موعد للمعاينات يوم الاحد،،قولته ليها يعني بعد اسبوع من اسي،،قالت لي بالظبط،،،بعد قفلتا منها،،،قولته لنفسي فرصة ما بتتعوض والله،،،كلمتا أمي وأبوي،،،أبوي قال لي كويس والله،،بس يابتي تاني ح ترجعي البلد ديك،،ما اخير ليك اشتغلي هنا،،قولته ليهو لالا،،أنا عاوزة اشتغل هناك❤،،،قال لي طيب التشوفي،،،،أمي قالت لي تعالي عاوزاك،،مشيت معاها المطبخ،،قالت لي ح تمشي هناك كيفين وح تقعدي وين بعد البت ديك ما سافرت،،قولته ليها الله ما رقد إلا الداخليات،،،بشوف لي داخلية وأقعد فيها،،،قالت لي ح تجيبي حقها من وين؟؟،،لو أنا آسي اديتك حق شهر مثلا،،الشهر الجاي ح تجيبي من وين؟،،قولته ليها يمة ان شاء الله ح يقبلوني في الشركه دي،،واكيد ح يكون عندي مرتب،،ومنو ح ادفع حق الداخلية،،،قالت لي سمح ان شاء الله يقبلوك❤❤،،،،في فترة الاسبوع داك كنتا بشتغل مع أمي في المحل،،لحدي ما حجزت لي وادتني مصاريف في يدي،،سافرتا يوم السبت الصباح،،،ما ح أقول كنتا واثقة شديد أنو ح يقبلوني بس كان في أمل💜،،،،وصلتا الخرطوم واتصلتا على أحمد،،،أول شي عزمني فطور❤❤😂وطبعا اشتغل مع ابوهو في الشركهه،،،قال لي تخيلي حاليا بخصم من مرتبي علشان اخترتا لي شقة زي زي اي موظف،،قولته ليهو أيوة لازم يخصم منك،،عايزو يديك ليها هدية زواج مثلا❤😂😂😂👊،،قال لي اي ياخ يعزني😂😂😂طبعا قبل كم يوم كنتا في الكافي،،لما قال كده ملامح وشي اتغيرت💔💔،،قولته ليهو ووبعدين،،،قال لي اباذر اتغير،،،قولته ليهو زي ما أنا اتغيرتا،،قال لي إيناس انتي اتغيرتي للاحسن،،بس اباذر اتغير للأسوأ💔💔،،قولته ليهو ما يغرك أني مواصلة حياتي،،في موية نار جواي بتغلي💔يارب صبرني وصبرو💔،بعديها أحمد وصلني لداخلية جنب الجامعه،،سجلتا فيها،،قروشا ما كانت كتيييرة،،،الغرفة القعدتا فيها كان معاي بتين واحده بتقرا في الجامعه وواحده شغالة،،،الليلة ديك صليت كذا ركعه ودعيت أني اتوفق في الشغل ويقبلوني.
صباح اليوم التاني أول ما صحيت اتذكرتا اباذر❤وانو لو كان معاي كان ح ينبسط ويقويني بشوية كلام💜 استحميت وصليت بعدها لبستا اسكرتي اسود وقميص اسود مع طرحه بيضاء وشبط ابيض،،شلتا اوراقي وشهاداتي،،ومن ضمنهم شهاده كورس الحاسوب،،طلعتا من الداخلية الساعه8ونص،،،مشيت حسب العنوان،،لما وصلتا لقيت نفسي واقفة قدام مؤسسة ضخمه وعالية❤ قريت أية الكرسي ودخلتا،،،الناس ما كانو كتار لانو آخر يوم للمعاينات،،،دخلتا حوالي الساعه 10ونص،،أول ما دخلتا المكتب المدير كان بتكلم بالتلفون،،راجل في نهاية الخمسينات تقريبا،،لابس نظارة نظر،،شكلو بيوحي أنو شخص صارم وجادي جدا جدا💜،،،بعد خلص مكالمتو،،قال لي اتفضلي،،،قعدتا في الكرسي وختيت ملفي قدامو،،،،❤
"لا يهم ما كنتا عليه بالامس،،المهم ما ستبقى عليه غدا❤"
