على كلام عم رجب مع الراجل إلتفتا وراي وشوفتا الورشة كانت بعيده شوية،،وفي كم نفر بعلقو في يافطهه،،،شلتا الحاجات ورجعتا البيت،،،دخلتا البارد التلاجهه،،،وبعد ساعه كده جاا بوب واخوانو الاتنين وابوهو واميرة ونسوان اتنين ،،،ضيفتهم،،جبتا الموية والبارد،،،،وناس بوب كانو جايب حلويات وكعك تقريبا وفواكهه،،،،واحده من النسوان،،دخلت المطبخ عشان تعمل لأميرة شوربة،،،وأنا مشيت وديت بخور في غرفتها،،،كانت ضامة بتها وبتعاين ليها❤ شغالة تقول ليها ابوك ماحضر ولادتك،،لما يجي اوعك تديهو وش طيب،،،بقيت اضحك،،،قالت لي أنا جاده😢ابوها رمة،،قولته ليها لا ياخ بكرة ح يجي عشانك وعشان بتو❤،صحي ح تسميها منو؟؟،،قالت لي مأب،،،قولته ليها الله اسم حلو❤،،اممم ما ازعجك،،اخدي راحتك،،قالت لي طيب،،،،،بوب مع اهلو قعدوا لحدي نص الليل بعدين مشوا،،،،والنسوان بيتوا،،،،واحده منهم قالت لي طبعا أنا خالة أميرة إسمي نهى،،ودي عمة ناس أحمد،رهام،،،،قولته ليها اهاا تشرفنا،،كم مرة بكون في الجامعه لما اجي اميرة بتقول لي كنتو معاها،،قالت لي صحي والله،،جينا كم مرة على خفيف،،لو ما المشغوليات دي كنا يوميا معاها،،،ابتسمتا ليها،،،بعدها شلتا العده الوسخانة غسلتها،،ومشيت الغرفة عشان انوم،،لقيت النسوان راقدات فيها وبتونسوا،،،،طلعتا براحه،،،شلتا مخده من غرفة اميرة ورقدتا في كرسي من كراسي الصالة لحدي ما نومتا💜
تاني يوم صحيت بدري نضفتا كالعاده وعملتا الشاي،،،النسوان صحوا،،اديتهم،،،ووديت لاميرة كمان،،كانت زهجانة وماسكة التلفون قالت لي تخيلي أمس فيصل قال ما عندو طريقة يجي😢،،،يعني حتى ما حاول يبرر لي ليه،،،قولته ليها يمكن مشغول،،،قالت لي شغل شنو اهم مني ومن بتو😢لو كنت عارفة نفسي ح افقدو كده كنت قعدتا هناك وماجيت،،،قولته ليها معليش ما كنتي عارفة🌚😂يلا ما مشكلة لما يجي ارجعي معاهو،،،قالت لي تاني صعب ارجع،،،اه انسي الفكرة،،بس ح احاول اقنعو ينقل شغلو هنا وخلاص،،،بدل ما كل زول فينا يكون في بلد،،،وكانت لسة بترغي😂😂قولته ليها ميرو انتي كلامك كتير وماعندك موضوع انا وراي مية شغلة في راسي،،،عاوزة امشي اجيب خضار،،واشوف ح أعمل شنو في الفطور والغداء،،،،قالت لي شيلي من المطبقة العايزاهو،،،وجيبي على مزاجك،،اساسا انا تاني اكلي ح يكون مختلف😌،،،قولته ليها اي عارفة عارفة😅يلا،،،،شلتا توب من تيابا وطلعتا،،،السوق كان بعيد يعني الا بركشة حتى يتمشي،،،ركبتا ركشة من الظلط ومشيت،،،جبتا بامية واسود وبطاطس ولحمه وكوسة،،خميت حاجات كتيره،،عشان تقعد لمده اسبوع على الاقل،،،رجعتا البيت،،،لقيت أخو بوب قاعد في الصالة،،عايتنا ليهو،وقولته السلام عليكم،،قال لي وعليكم السلام،،،دخلتا المطبخ،،،،ختيت الاكياس،،طلعتا التوب وبديت اطبخ،،،،نزلتا حلتين،،،،رصيت الفطور،،جات نهى قالت لي ماشاء الله يدك سريعة،،،،قولته ليها تسلمي،،الفطور جاهز وعملتا لاميرة نشا،،،قالت لي ما قصرتي😘شالت الصينية وطلعت،،،،انا حشيت لي عيشة بس واكلتها،،،،بعد الفطور الضيوف بقوا داخلين ومارقين،،لحدي المساء انا واقفة ما رقدتا،،اميرة نادتني،،قالت لي يا بت عاوزة تموتي أنتي،،،أمشي ريحي جسمك شوية اساسا شغلة البيت ما بتخلص،،،قولته ليها اغسل الملابس وارقد رقده واحده،،قالت لي لا،،اسي أمشي نومي زي ساعه كده وبعدين ابقي غسلي،،،قولته ليها طيب،،،،مشيت رقدتا في غرفتي وضهري من الوجع قرب يتكسر💔،،،اخدتا لي نومة سسمحه ومريحه،،،صحيت بصوت نهى وهي بتقول لهالة شوفتيها فرحت كيف لما شافت فيصل عاوزة تجن البت😂😂😂،،،عاد الله يسعدهم ويهنيهم😘،،،هالة قالت ليها اي والله،،اميرة ذاتا تستاهل،،بعد موت امها وابوها واختها،،مافضل ليها زول غيرك انتي واولاد المرحومة💔،،،وربنا اداها راجل ولا كل الرجال ماشاء الله❤❤❤،،،،بعد كلامهم دا بيني وبين نفسي حسيت بفرح وقولته يارب اجعل لي النصيب الحلو من كل حاجهه❤،،،صحصحتا لبستا طرحه في راسي وطلعتا،،،،جيت مارة بغرفه اميرة،،شايفة زوجها قاعد جنبها في السرير وماسك بتو❤ اميرة قالت ليهو شايفها مكشرة كيف لانو زعلانة منك،،قال ليها ياخ بلاي،،بتي مابتزعل من ابوها يا زولة مش كده يا أووبة،،قولي لماما بس بابا حب يعمل ليك مفاجأه❤،،،قالت ليهو بغض النظر عن انك ما حضرتا ولاده بتك،،بس كفاية وجودك حاليا ياخي وربنا ما يحرمني من شوفتك جنبي❤ باس راسها وقال ليها ولا يحرمني منك يا ام مأب❤،،،منظرهم كان حلووو،،،اتمنيت للحظة اتزوج واجيب بت😂😂ويحصل لي نفس الموقف،،،،قولته ربنا يسعدكم ببعض،،،بعدين مشيت شفتا غسيلي بوين🌚😂😂💔،،،،،مرت فترة بتاعت شهر،،وكل مرة أمي تقول لي ماجاية وما ناوية تجي ووو،،،،وانا بس بقول ليها هانت ح اجيكم اسبوع وارجع،،قالت لي نشوف،،،،أميرة لما شافت مكالمات أهلي كترت قالت لي خلاص سافري ليهم،،أنا هنا معاي خالتي اساسا ماح تمشي الا تلحقني الاربعين وفيصل ح يسافر الاسبوع الجاي،،وفي ناس بوب وبنات اهلي يعني ماتخافي،،،قولته ليها أنتي ليه كدهه،،قالت لي كدهه كيف يعني😂😂😂،،قولته ليها طيبة شديد،،قالت لي ماعارفة،،غوري من وشي،،شوفي الناقص ليك شنو وجهزي نفسك للسفر خلي بالك ح تسافري بعد بكرة ظابط🌚،،،قولته ليها جدا جدا،،،،مشيت الغرفة اتصلتا على أمي،،قولته ليها أنا احتمال كبير اجي بعد بكرة،،قالت لي برركة والله😍😍سمح تجي بالسلامة،،،بعد قفلتا منها،،جاتني مكالمة،،رديت عليها جاني صوت بت ما غريب علي،،قالت لي عاوزاك تجيني بعد ساعه في الحتةة الفلانية،،تنضفي لي شقتي،،،قولته ليها لو عندك حاجات كتيرة وشغل تقيل مابقدر اجي،،قالت لي لالا نضافة عادية لو سمحتي تعالي،،قولته ليها سمح ح اجي،،،،لبستا عبايتي وكلمتا اميرة،،قالت لي اوك بس ماتتأخري،،،قولته ليها تمام،،،طلعتا ومشيت العنوان الوصفتو لي،،لحدي ما دقيت الجرس،،،،الباب فتح بقيت واقفة مصدومة وبعاين للبت القدامي💔،بقيت اقول لا دي ما هي،،،بس كيف اكذب عيوني؟؟!💔💔،،،فجأه سمعتا صوت واحد بقول منو في الباب حبيبي،،،والصدمه الاكبر لما شفت الولد،،،،💔
