#
قال لي طيب وانا اقول شنو؟؟،،عارفة أنا قبل اربعة سنوات تقريبا كنتا عندي كمية من العلاقات وانسان ما جادي خالص،،لما قعدتا مع نفسي وحاسبتها،،وقتها كسرتا شرايحي وغيرتا تعاملي،،عارفة ليه؟؟،،قولته ليهو ليه؟؟،،قال لي عشان كنتا عاوز لما أجي اتزوج،،ربنا يرزقني ببت الحلال التصوني وتحفظ عرضي💜بطلتا حاجات كتيرة عشان الحاجهه دي،،قولته ليهو (بضيق) كنتا مبسوط بلمة البنات حوليك صاح،،قال لي ما الفكرة والله،،بس كنتا زول اجتماعي شديد😂😂😂❤ يلا ماضي وولى،،لبسني الخاتم وقال لي كنتا عايزك تعرفي الحاجه دي،ماعشان تضايقي،لا عشان ما عايزك تسمعي من برة❤ قولته ليهو أنت عارف فكرة انك كنتا بتعرف بنات بتخنقني!!،،،قال لي آسف حبيبي ما قصدي ازعجك او كده بس...،،قولته ليهو لا ما مشكلة،،بس أعرف من هنا ولقدام إنك بكل حاجه متعلقة بيك بتخصني❤ بتاعي أنا فاهمني،،،قال لي فاهمك❤،،،،،اليوم التاني أمي كانت جاية المساء كده،،،بوب قال لي امشي معاك نجيبا من المحطهه،،قولته ليهو لالا،،أنا عاوزة أحكي ليها عنك وعن خالتك،،،لازم انت ما تكون معاي،،وأن شاء الله يارب ما تزعل مني❤،،قال لي لالا اطمني،،ما ح تزعل،،،المساء لبستا لي فستان اوف وايت وطرحهه سماوية،،،عملتا كحل وروج بس،،،ومشيت عشان اجيب أمي،،،اتفاجأتا أنها جاية مع رحيق💜💜💜،،بقيت بعاين ليها بصدمه،،قولته ليها يا كلبة ما افتكرتك ح تجي،،قالت لي وأهو جيييت،،معقولة افوت يوم زي دا واخليك براك😆✋،،،قولته ليهم طيب وابوي خليتو كيف براهو،،امي قالت لي اخوانك ما صغار،،،بهتموا بيهو وبعدين كلها يومين بس وح نرجع وانتي ح ترجعي معانا مش كدي؟؟،،قولته ليها أكيد❤،،ركبنا لينا أمجاد،،وامي بقت تسألني عن صحبتي وكدا،،،قولته ليها يمة أنا ما قاعده مع صحبتي،،قالت لي كيفين كده قاعده وين يابتي،،،قولته ليها ح أحكي ليك بس عليك الله افهميني وما تزعلي،،قالت لي سمح أحكي،،،حكيت ليها قصة سكني مع أميرة من أولها لاخرها💜،،،بقت ساكتة ساي وما اتكلمت لحدي ما وصلنا،،نزلنا ونزلتا ليهم شنطتهم،،ضربتا الجرس فتحت لي أميرة،،،قالت لي امك جات😍😍❤،،قولته ليها اي،،سلمت على أمي سلام حلووو،،قولته ليها وجات معاها أختي الصغيرة برضو،،،قالت لي عليك الله،،لما شافت رحيق،،قالت لي واي يا إيناس احلى منك يلا😂❤❤❤،،باستا وضيفتهم،،مشيت جبتا ليهم موية وجيت،،،أمي قالت لاميرة كيفك،يابتي ان شاء الله طيبة؟،،أميرة قالت ليها طيبة الحمد لله،،بعد شوية مأب جات طالعه من الغرفة شغالة ماما،،ماما،،قالت ليها تعالي حبيبتي تعالي،،شوفي منو جونا😍🌸🌸،،،جات بكل براءة سلمت على أمي ورحيق،،،،،رصيت ليهم الغداء،،دا كلو وامي ما ابدت اي رده فعل ولا حتى حاولت تعاين لي،في وشي💔،،بعد خلصوا،،،سوقتهم غرفتي،،،،رحيق قالت لي رهيييبة❤،،من اسي أنا ح ارقد في السرير وانتي في الارض😂😂💔،،قولته ليها على العين يا زولة😂😂،،،أمي كانت قاعده في السرير ومنزلة راسا،،لما مشيت قعدتا جنبها،،لقيتا بتبكي💔💔،،قولته ليها يمة في شنو بس،،انتي زعلتي مني؟؟،،قالت لي لالا،،بس ما هاين علي اشوفك كدا،،،طول السنين المرو دي كنتي بتشتغلي تحت النسوان💔،،،متين ح ترتاحي،،،قولته ليها قريب،،،مشى الكتييير وباقي القليل❤،،قالت لي البت المقعداك طيبااانة والله من شكلها ومعاملتا❤،،قولته ليها اي،شديييد،،بحسها زي أختي،،بالجد ما مقصرة معاي نهائي،،قالت لي ربنا يحفظا ان شاء الله.،،،بعد جينا ننوم،،رقدتا مع امي في سرير وااحد وكنتا حاضناها❤ الليلة ديك كانت غير❤،،،ليلة دافية في حضنها❤.
