عدنا و العود حميد
أول يوم في العيد،صحيت وعيدتا عليهم كلهم❤ ورحيق اتصلت على أحمد عيدت عليهو وبعدها ادتني اتكلمتا معاهو❤عمي كان ضابح أبوي قال لينا نمشي ليهم،،رحيق قالت ليهو ياه نمشي لشنو ماف داعي،،كده كده لاهم عندهم لينا حاجهه ولا نحنا،،أبوي قال ليها يا بت دي صلة رحم🌸،،يعني،بتدخل النااار لو قطعتها وبتدخل الجنه لو واصلتها والدنيا عيد،،عشان كده اسمعي الكلام بطلي قوة راسك دي،،،بعد أبوي لبس جلابيتو وجهز نفسو،،رحيق قالت لي نمشي؟؟،،قولته ليها عشان خاطر أبوي،،وبعدين اساسا ح نفطر بس ونجي،،قالت لي كويس،،،فعلا بعد الساعه 9كده طلعنا ومشينا عليهم،،سلمنا عليهم سلام حلو وباركنا ليهم العيد،،،ميساء قالت لي يا بت أنتي وين مختفية كده؟؟،،قولته ليها مع الشغل بس،،قالت لي اشتغلتي هنا،،رحيق قالت ليها لالا اشتغلت في الخرطوم في شركه كبييييره😻😻🌸،،،عاينت لي وقالت لي بالجد،،كويس والله،،ما كنتا عارفة لانو كنتا مع حبوبتي في كسلا،،قولته ليها اممم دا الحصل،،،بعدها قعدنا وساعدناهم في تجهيز الفطور وكذا،،ورحيق كل شوية القاها بتسرح وتبتسم وتتعولق💔😂😂😂حيرتني معاها،،،طلعنا تلاتة صواني❤،،،بعد فطرنا،،أنا عملتا الشاي والقهوة،،قولته لي رحيق اعملي لينا الشربوت🌸😂😂😂قالت لي يسمهم😒👊،،بعملوا بكرة في بيتنا،،قولته ليها ههه قومي اعملي ياه،،قالت لي اااااببببيت،،،فعلا الهبلة ما عملتو،،،كنا قاعدين في الصالة وبنشرب في الشاي والقهوة،،عمي ابراهيم قال لابوي بكرة يا آدم نمش على اولاد التجاني ضابحين،،،أبوي قال ليهو كويس عديلة،،قولته ليهو أبوي شكلك نسيت نحنا بكرة ضابحين،،،مرت عمي قالت لي ضابحين من وين،،اقصد يعني جبتو خروف؟؟،،قولته ليها ابوي ومؤيد ح يمشوا المساء يجيبوا،،بكرة تجوا عندنا فطور😊🌸،،،،عمي قال لابوي يا زول انت نزلتا شغل ولا شنو؟؟،،أبوي قال ليهو لالا،،،بتي الحمد لله ح تجيب الخروف على حسابا المرة دي،،قولته ليهو حسابي وحسابك واحد❤ وبعدين دي قروشك،،ماتنسى أنو بسببك انت وأمي أنا حاليا شغالةة،،،أبوي قال لي ربنا يعليك كمان وكمان يابتي دايما رافعه راسي❤،،في اللحظه دي عمي عاين لميساء مسافة،،،،،،المساء أبوي ومؤيد طلعوا يجيبوا الخروف،،،قعدنا أنا ورحيق مع أمي وكلمناها بموضوع أحمد❤،،قالت ليها كيفين تتزوجي قبل اختك الكبيرة،،انتي جنيتي،،قولته ليها يا امي هو الزواج دا شنو،،مش قسمة ونصيب؟؟،،قالت لي ايوة،،قولته ليها بس خلاص،،ورحيق قسمتها جات قبل قسمتي،،يبقى تقولي ربنا يتم ليهم على خير❤❤،،رحيق قالت ليها اي قولي كده🙈🙈❤،قالت لينا سمح لمن ابوكم يجي ونشوف الموضوع دا،،،ناوين يجوا متين قولتي؟؟،،قولته ليها رابع العيد،،يعني بعد يومين،،قالت لي كويس،،،ربنا يهون،،،،بعد أبوي جاب الخروف،،الفرحه الشوفتها في عيونهم كلهم ورتني بالجد يعني شنو تبقي سند أهلك❤
تاني يوم صحينا بدررري،،أنا نضفتا البيت وطلعتا العده المحتاجين ليها كلها❤رحيق كانت بتتكلم بالتلفون جيت قلعتو منها،،قولته لأحمد لو سمحتا يعني اليوم ضابحين فخلي الاخت دي تشتغل ولو شغلة واحده ممكن؟؟؟،،قال لي لا مرتي ما تعذبوها لي لمن أجي استلمها،،قولته ليهو حيناا لكن❤😂،،اقطع وشك،،،قال لي تمام بس ح احاسبك لمن اشوفك👊👊😂😂،،قفلتا الخط ورجعتا لرحيق التلفون،،قولته ليها يلا قومي بلاش فارغهه معاك🙊😁،،قالت لي قومتا هاا،،،،اليوم كان حلو شديد وجونا ناس كتاار،،رغم انو خروفنا صغير بس كفاانا❤،،،رحيق عملت لينا شربوت ظااابط😂🌸،،،أنا اكتر واحده شربتو😁😂😂😂👊👊،،،بعد الناس طلعوا مننا،،لميت العده كلها وغسلتها،،أمي قالت لي رحيق قتلتك في اليومين ديل بالنضافة و الغسيل،،قولته ليها ما مشكلة،،هي برضو كانت ماسكة البيت دا،،وما تنسي أنها عروووس ياخي😂😂🌸،،قالت لي هييي نسيت أكلم آدم،،كدي النمشي افاتحو في الموضوع دا ونشوف رايو،،قولته ليها تمام،،،بعد خلصتا غسيل ونضفتا المطبخ،مشيت شلتا تلفوني لقيتوو بضرب،،كان اباذر،،،قولته ياربي يكون ضارب بالغلط،،او يمكن عرفني،،بلعتا ريقي وشلتا التلفون رديت"أيوة"،،،قال لي إيناس،،أول ما قال كده قلبي بقى في يدي من الخوف💔،،رجع قال لي عارفك دي انتي،،كنتي مابتردي علي وغيرتي شريحتك،،بس أنا عارف كل تطور حصل في حياتك،وكل خطوه وصلتي ليها،،أنا فخور بيك حبيبي💜،،ما كنتا قادر امنع نفسي من أني أصل ليك،،،كل ما اشتاق ليك كنت بمشي واقيف تحت شركتكم،،بشوفك لما تجي طالعه،أو احيانا وانتي جاية،،،أول ما جاني اتصال من الرقم كده حسيت انو دي أنتي،،بس كان لازم اتأكد،،،اتصلتا على أحمد وبعد محاولات حتى اداني رقمك،،،ليه كنتي بتتصلي علي؟؟،،طيب لما أنتي مشتاقة لي وانا مشتاق ليك ليه بنكابر،،ليه ما نرجع،،ليه نكون بعيدين💔،،إيناس الله يخليك كفاية،،أنا الفيني كملت،،تعبتا من كل حاجهه،،ما تتخيلي الفترة الانتي مافيها دي أنا كنتا كيف،،باكل وبشرب بس عشان ما اقع،،وصلتا مرحلة ألجأ للنوم عشان ما افكر فيك،،لقيت انو ماف فايده ودا ما حل،،أنا اشتقتا ليك،،،اشتقتا ليك شديد سامعاني أنتي💜🌸،،،قولته ليهو اباذر،،حتى أنا اشتقتا ليك ويمكن أكتر منك،،،،بس ما ينفع نتواصل افهمني،،،أنا لسة ما وصلتا لحاجهه لسه ما عملتا حاجهه،،،،صدقني في اللحظه الح أحس فيها أني استاهل أكون معاك،،أنا الح اطلبك للزواج ما انت❤،،،وقفلتا الخط قبل أدي فرصة يتكلم،،،،في جانب أمي وابوي،،،أبوي وافق موافقة مبدئية لحدي ما يشوف أحمد واهلو❤،،،،،،خلال اليومين،،كنت بخوف في رحيق من العرس😂😂🙊،،قالت لي أنتي اتزوجتي قبل كده وأنا ما عارفة😒💔،،قولته ليها لا😁بس أختك وبنصح فيك،،مانفسك تتراجعي،،قالت لي لاااا أبدا😂😂😂هو لو أحمد حاول يتراجع أنا بغصبو🙈😂بحبو ياااااخي🙈❤،،،،،في اليوم اللي مفروض أحمد واهلو يجو،،أنا ورحيق نقلنا دولابنا غرفة أبوي،،وظبطنا الصالون،،،اساسا كنا مركبين ليهو ستاير وكذا،،بس عدلنا في قعدتو،،هو فيهو اربعه سراير وطقم ترابيز،،،،،بعد المغرب كده أحمد أتصل علي،،قال لي نحنا قربنا،،،قولته ليهو تمام،،كلمتا أمي،،وأمي كلمت ناس أبوي😂😂💔،،،شوية كده والعربات وقفت جنب باب بيتنا❤،،،ضربو الباب،،فتح ليهم مؤيد،،سلم عليهم،،وبعدوا ناس أبوي جوا طالعين استقبلوهم،،أنا كنتا في،المطبخ،،مديت راسي شايفة أحمد واخوانو وابوهو،،ومعاهم نسوان اتنين🌸،،،،النسوان جونا في الحوش التاني،،،سلمنا عليهم وقعدوا،،،رحيق كانت في غرفة أبوي،،أنا ضايفتا النسوان،،وهناك اولاد عمي ضايفوا الرجال.
