سمر مشت وركبت العربية واتحركوا،،،طبعا هو ما شافني،،،بقيت واقفةة لحدي ما بوب جاا طالع من الجامعهه،،قال لي معليش اتاخرتا عليك،،وأنا ما مركزة معاهو اصلا،،،قال لي إيناس،،قولته ليهو أيوة،،،قال لي سرحانة وين،،نمشي؟،،،قولته ليهو اي يلا،،،طول الطريق أنا كنت سرحانة وحسيت نفسي مضايقة من شوفةة سمر مع اباذر،،،مع انو الاحساس دا متمكن مني بس لحظتها كنت ناكراهو تماما💔،،بوب وصلني البيت ومشى،،،،ضربتا الجرس فتحت لي أميرة كانت شايلة بتها،،،قالت ليها عايني منو جاا💜جيتي بدري يعني،،،قولته ليها ما ادونا المحاضرة الاخيرة،،،أنا تعبانة ح انوم تمام،،،قالت لي طيب،،،دخلتا غرفتي غيرتا ورقدتا نومتاا،،،،،صحيت بعد المغرب كدده،،لقيت أميرة لابسة وملبسة بتها،،،قولته ليها على وين يا ميرو؟،،قالت لي والله خالتي ضربت لي من امس وقالت عيانةة،،،،شينة في حقي ما امشي اشوفا،،،قولته ليها سلامتها الف سلامة،،قالت لي تسلمي،،بس اقفلي الباب عليك،،انا ما بتأخر،،قولته ليها طيب،،،بعد طلعت قفلتا الباب بالمفتاح ومشيت اتغديت،،،تفكيري كلو بقى في سمر واباذر،،،لعنتا الشيطان وقولته لنفسي هم جاين مع بعض وعلى مستوى بعض❤ انا المضايقني شنو،،ليه مركزة معاهم كده؟؟،،طيب واذا سمر حبيبتو،،عادي يعني فيها شنو،،،هو صح يمكن اكون اعجبتا بشخصيتو بس ما لدرجه اتضايق اذا عرفتا أنو في واحده في حياتو💔،،،حاولتا اقنع نفسي بشتى الطرق بس بدون فايده💔،،،،سمعتا صوت تلفوني بضرب،،مشيت رديت،،،،كان رقم غريب،،،قولته ألو،،،جاني صوت رحيق،،قالت لي ننوستي💜مشتاقيين،،،قولته ليها كتيير والله،،،بس عوض غير شريحتو ولا شنو،،،قالت لي لالا دي شريحتي انا،،،ما ح تصدقي طبعا،،،قولته ليها شنوو،،وجبتي تلفون من وين؟،،،قالت لي أمي كانت داخلة صندوق ووعدتني لو نجحتا ح تجيب لي تلفون،،صرفت اول امس،،ومشت جابتو لي،،،قولته ليها مبرووووك ياخ مع انو ما تستاهلي💔😂😂😂،قالت لي هو شن التلفون،،،تكنو على فكرة الصغير دا😂😂😂يعني ماعندو فرق من الربيكا حقك،،قولته ليها بالله😂😂😂يازولة على الاقل فيهو ذاكرة تقدري تنزلي اغاني وتسمعي،،أنا بسمع نغمات بس،،،بقت تضحك فيني💔😂😂😂،،،،قولته ليها اها عاوزة تقري شنو؟؟،،،قالت لي دبلوم اقتصاد بعون الله😁،،،،قولته ليها دبلوم يا رمةة،،،رحيق رأيك شنو تعيدي🌚،،،كوركت فيني وقالت لي تصدقي انا غلطانة أني ضربتا ليك،،المهم احفظي الرقم،،بلا اعاده معاك😏قولته ليها طيب طيب ولا تزعلي نفسك😁💔😂😂،،،،قفلتا منها ومشيت فتحتا التلفزيون،،اساسا ماعندي بيهو شغلة،،بس مليت،،قولته اشوف الحاصل،،،جبتا لي برنامج ظابط كده،،اثناء ما بحضر فيهو الكهربا قطعت💔،،،،قولته خلاص الناقصةة تمت،،،والبيت فجأه كده قلب نار وسخن شديد،،،شلتا لي توب وطلعتا برة،،،قعدتا جنب باب العمارة،،،وقتها الساعه كانت 8ونص،،،برة الهواء كان بارد وظريف،،،وأنا قاعده جاا اباذر ماري،،لما شافني قرب وسلم علي،،،قال لي المقعدك برة شنو؟،،،قولته ليهو الكهربا قطعت وجوه البيت سخن،،،قال لي اهاا أميرة قاعده؟قولته ليهو لا طلعت،،،سكت شوية وبعدين قال لي طيب خشي جوه ما صاح تقعدي برة كده،،،افتحي الشبابيك بس واقعدي،،،قولته ليهو الما صاح شنو،،أنا مرتاحه كده،،،باختصار كنت سخيفة معاهو شديد😂💔حتى أنا ما عارفة ليه،،،،قال لي على العموم راحتك،،،لما أميرة تجي سلمي عليها،،،قولته ليهو كويس،،على كده مشى،،،شلتا تلفوني وضربتا لبوب،،كنت مضايقة ومحتاجه اتكلم مع زول،،،ردا اتكلمتا معاهو مسافة في نص الكلام قولته ليهو تخيل اباذر طلع بعرف سمر،،أو بمعنى أصح هي حبيبتو،،قال لي اباذر منو؟،،،قولته ليهو الواحد دا ح يكون منو😑،،،قال لي اهاا،،،وانتي عرفتي من وين؟؟،،قولته ليهو قبيل جاا ساقا من الجامعهه،،،،قال لي ايووة،،بس سمر دي ما استايلو،،،قولته ليهو بالعكس جاين مع بعض❤،،قال لي انسينا منهم،،،أنتي الحاصل معاك شنو،،،قبيل كنتي سرحانة،،،وحاليا صوتك ما عاجبني،،،في شنو؟؟،،،قولته ليهو مضايقة شوية بس،،،قال لي اجيك نطلع؟،،،،قولته ليهو لا طبعا،،،،قال لي بالجد،،لو عاوزة ممكن اجيك ونطلع،،،قولته ليهو لالا ماعاوزة،،،قال لي طيب على راحتك،،،قولته ليهو بوب ماتقول لي على راحتك،،الكلمة دي بتفرسني،،،،بقى يضحكك،،،قال لي طيب طيب انا اسف😂😂💔،،،،ونسني شوية وقفل،،،بعدها أميرة جات راجعهه،،لقتني قاعده برة،،،قالت لي ما اتأخرتا صح😁،،قولته ليها صح صح،،،شلتا منها مأب وهي حاسبت بتاع الامجاد،،،دخلنا البيت وقعدنا زي ربع ساعه كده حتى الكهربا حنت علينا وجات.مرة وانا في الجامعهه،،جوني صحبات سمر الاتنين(فاتن وسلوان)،،،سلموا علي وقعدوا جنبي،،،،فاتن قالت لي أنا اسفة،،،قولته ليها على شنو؟،،،،قالت لي على كل حاجهه وكل كلام قولتو ليك،،،،سلوان قالت لي انا كمان اسفة،،،صراحه كنا مستفزنك شديد💔💔 بس من كلام بوب عنك وسط الناس يخلي اي زول نفسو يعرفك ويصاحبك❤،،،ممكن تسامحينا وتقبلي نكون صحبات❤؟؟،،بقيت اعاين ليهم بتردد كده،،،،سلوان قالت لي ليك حق تترددي بس والله ماعندنا نية كعبة وراا الصحبة دي ولا عندنا مصلحهه،،،قولته ليهم طيب وسمر؟،،مش صحبتكم برضو ولا أنا غلطانة،،،،قالوا لي كانت💔،،،فاتن قالت لي سمر احوالا اتبدلت شديد من اخر فترة،،من وقت الاسمو اباذر دا دخل حياتا،،،بقت ما زي زمان،،على طول متنرفزة وعلى طول في سيرتو،،،باختصار بقت مجنونة بيهو عديل،،كرهتنا ياخي،،،،قولته ليها دا طبيعي مش هم بحبو بعض❤،،،فاتن قالت لي لا يابت،،دي قصة مشربكهه،،،هو ماعندو ليها حاجهه ظااااهر من تصرفاتو،،،بس هي بتقول حابين بعض وانو امو اختارتا تكون مرتو،،،على حسب كلاما أول ما تتخرج ح يتزوجوا،،،سلوان قالت ليها بس هييي ما ظنيت،،،تتذكري آخر مرة مشينا ليهو الكافي ومعانا سمر،،الود واضح انو بختصر فيها وماعندو ليها حاجهه،،،،طبعا انا قلبي بقى يضرب شديد،،،ماكنت قادرة احدد انا حاسة بشنو💔💜،،،،سلوان وفاتن بقوا يونسوا فيني ويسألوني،،،وأنا بجاوب حسب السؤال،،،،،ممكن أقول علاقتي بيهم عادية،،سلام وونسة على خفيف،،ولما اكون بشرح لبوب بجوا عشان اشرح ليهم وهكذا،،،،،،يوم بالمساء كنت متنشنة،،،وعلى حظي بوب واخوانو جو لاميرة،،،،بعد ضايفتهم،،بوب لاحظ لي مضايقة،،،جاني في المطبخ قال لي خلي اي حاجهه في يدك،،ارح عازمك،،قولته ليهو ما جاادي،،قال لي لا جادي،،،وبتوبك وسفنجتك كمان ارح ارح،،،،فعلا طلعنا لفينا بالعربية كداااا❤❤😂،،مشينا الكافي،،قال لي انزلي عندهم بووظة مبالغة والله،،،قولته ليهو يا ود جنيت،،،أنزل بشكلي دا😂😂😂قال لي أي ومالو شكلك،،،حلو حلااا💜نزلتا معاهو والناس كلهم بعاينوا لي😂😂💔قولته ليهو عاجبك كده😢قال لي يب😂،،،مشى عشان يطلب لينا،،وأنا قعدتا اعاين للمكان بالجد تصميمو ظريف شديد💜وهادئ خالص،،،فجأه عيني وقعت على بنوتة صغيرة بتكون عمر سنتين أو اصغر،،قاعده في طاولة وما معاها زول وبتبكي،،بدون أفكر مشيت عليها وشلتها💜،،،أول ماشلتها مسكت فيني قوي،،،قولته ليها حبيبتي،،ماما وين خلتك براك،،بقت تقول لي ماما ابيت،،،ماما ابيت،،،،مافهمتها قاصده شنو،،اللهم بقيت ماسكاها وهي ساكتةة❤😂كلمبوظة ياخ وصارة وشها❤،،،،فجأه في يد اتختت على كتفي،،التفتا بسرعة لقيتو دا اباذر،،،عاينت ليهو احساس عاوز شنو😂😂،،،بقى يشاغل في البت ويتكلم معاها،،،قال ليها خالو أتأخر عليك،،خلاك براك،،،تعالي حبيبتي،،،حاول يشيلا البت بقت ماسكةة فيني،،،قولته ليهو دي بت اختك يعني،،قال لي أيوة،،،،قولته ليهو دا شنو الاستهتار دا مخليها براها ليه،،،قال لي مشيت اجيب ليها ايس كريم وكان عندي حاجه بعمل فيها،،،،قولته للبت يلا امشي لخالو💜ولما ترجعي البيت اشكي لماما طيب،،،هزت لي راسها😂😂،،،قال ليها كمااان بتسمعي كلامها،،طيب وانا؟،،شالا مني،،طوالي رقدت على كتفو،،،،قال لي كيفك ان شاء الله كويسة،،،قولته ليهو كويسة،،وانت،،،قال لي الحمد لله،،جيتي براك ولا شنو؟،،،،قولته ليهو لا مع أحمد،،،،يلا بعد اذنك،،،،رجعتا طاولتنا،،بوب قال لي طيرتي وين انتي؟؟،،قولته ليهو ولا مكان،،،قال لي طيب اقعدي ناكل😍❤،،،،فعلا قعدتا واكلنا البوظة،،،وأحمد يشيل ويضحكني😂😂😂💜،،،وكل ما التفت ناحية اباذر القاهو بعاين لي واحيانا بعمل نفسو بشاغل في بت اختو،،،بعد خلصنا،،،أحمد قال لي هااا مبسوطة؟،،قولته ليهو أيوة❤ شكرا،،،،قال لي عارفة كان نفسي يكون عندي اخت،،اطلع معاها وابسطها،،،بس دامك هنا فإنتي شلتي مكانها❤ قولته ليهو يا بختي بمكانها❤امتحنا السمستر التالت وسلوان وفاتن بقوا أقرب لي ناس في الجامعهه،،،وسمر لما عرفت بكده قطعت علاقتها بيهم،،،،آخر امتحان بوب عزمنا على الغداء💜سلوان قالت ليهو كده ح ناخد طبع غير طبعنا ونخليك تعزمنا كل فترة🙈😂😂قال ليها على العين والله،،،قضينا يوم حلوو❤❤❤،،ونحنا راجعين رحيق ضربت لي أثناء ما بتكلم معاها تلفوني فصل شحن💔،،قولته لبوب كده ثواني تلفونك ارجع لرحيق،،،،اداني ليهو رجعتا ليها،،،،،قولته تلفوني فصل،،،قالت لي أي رجعتا اداني مغلق،،،دا رقم منو؟؟،،،قولته ليها بوب صحبي،،،قالت لي اهااا،،كنا بنقول شنو نحنا......ورجعت ترقي لحدي ما وصلتا البيت،،قولته ليها اا رحيق أنا وصلتا البيت،،بس اشحن التلفون وبرجع ليك،،،قالت لي طيب تمام،،،قفلت الخط ورجعتا التلفون لبوب،،،قبل أنزل قولته ليهو ثواني في حاجهه عاوزة اديك ليها،،،قال لي حاجهه شنو؟؟،،قولته ليهو ح اجيبا واجي،،،دخلتا البيت ومشيت غرفتي جبتا ليهو قروش الكورس،،،،طلعتا برة ومديت ليهو القروش،،،قال لي ديل شنو؟،،،قولته ليهو الدين العلي،،،قال لي دين شنو يا بت،،،قولته ليهو بوب بطل استهبال دي قروش الكورس،،عاوز يتكلم،،قولته ليهو وربي لو ما شلتها أنا تاني لا بيني لا بينك،،،،حمر لي😂😂💔،،،قال لي تمام،،شالهم ودور عربيتو ومشى،،،،طول فترة الاجازة مابين السمستر والسمستر أنا كنت شغالة،،واغلب الأوقات برجع بليل،،،مرة اتصلت علي أم سمر وقالت بكرة عاوزة نضافة وغسيل ومكوة،،وفي نفس اليوم نسيبة عزمتني خطوبتها هي ومهند💜،،ياخي انبسطتا ليها انبساطهه😻😻💃بالجد تستاهل،،،قالت لي بكرة من الصباح تكوني معاي فهمتي،،،قولته ليها الصباح صعبة علي،،،بس ح اجي زمن الخطوبة،،ماتزعلي طيب،،،قالت لي ماشي يا ستي المهم تجي❤،،،،،،تاني يوم الصباح،،طلعتا بدري وأنا واقفة في الظلط جاا اباذر بعربيتو كان ماشي على الورشة،،لما شافني وقف،،،نزل القزاز وسلم علي،،،،قال لي على وين من الصباح كده،،،قولته ليهو عندي شغل،،،،قال لي طيب تعالي اوصلك،،،قولته ليهو لا شكرا المواصلات راقده،،،قال لي هههه عارف،،بس عاوز اوصلك،،قولته ليهو ما في داعي،،،،واتحركتا مشيت،،،،،،لما وصلتا،،لقيت سمر طلعت،،،،طوالي بديت في النضافة،،،مزاجي كان مقلوب لحدي ما خلصتا،،،،والقلبو لي أكتر،،وأنا طالعه من بيتهم لقيت اباذر في وشي💔،،،قال لي أنتي الجابك هنا شنو؟،،،،قولته ليهو كأنك ماعارف اني بشتغل في البيوت ولا عامل رايح،،،،قال لي العارفو انك شغالة مع زوجه فيصل بس،،،قولته ليهو صح وكمان اي شغل بيت بجيني بقبلو،،،أم سمر جات حاسبتني،،،وقالت لاباذر كيفك يا ولدي،،اتفضل،،،قال ليها ماشي والله،،بس كنت عاوز سمر في كلمتين،،،قالت ليهو طلعت قبيل،،اسي بتكون في الشارع اقعد استناها،،،انا طوالي طلعتا،،،،طول الطريق باخد في نفسي،،،وصلتا البيت غيرتا ملابسي،،،لبستا لي اسكرتي كحلي وتي شيرت اسود مع طرحه كحلية،،،أميرة قالت لي تعالي اظبط ليك تسريحه شعرك،،،قعدتا ليها عملتو لي كعكعه مرفوعه لفوق ومكيجتني مكياج خفيف💜💜،،،قالت لي يلا انبسطي حبي😻💃،،،قولته ليها الله يهديك مني تاني💔😂😂😂😂،،،اخدتا لي ركشة ومشيت بيت ناس نسيبة،،،،كانو مزينين البيت من برة بطريقة ظابطهه💜نزلتا ودخلتا،،ما كان في ناس كتار،،،نور وامها لما شافوني اتخلعوا،،،سلموا علي سلام بارد،،،،،استنيت نسيبة ومهند لحدي ما لبسوا الدبل❤ كانو مبسوطين ببعض شديد💜بس معظم الناس تعليقاتهم كانت على لون العروس💔،،،مشيت باركتا ليهم،،،نسيبة قالت لي شكرا لجيتك ياخ فرحتيني😻😻،،،،قولته ليها حبيبتي ربنا يتم ليك على خير ان شاء الله،،قالت لي امين يارب وعقبالك💜،،،،قعدتا شويتين بس وطلعتا،،،اجرتا لي امجاد لحدي البيت،،،بس الامجاد اتعطلت،،،،الراجل قال لي ليها فترة بتعمل لي كده،،،اسي اتصرف كيف اناا،،،قولته ليهو في ورشة قريبة منها،،صاحبها شاطر أكيد ح يساعدك،،،،💜#نتلاقى❤
