•
Vulissi sapiri chi ci chianci
amuri duci, picchì jetti vuci, cori?
Chi c'è ca nun ti fa durmìri,
chi senti 'ntra lu cori, chi vidi?
•
Picchì unn'arridi?
Mi cridi, ti vulissi teniri
li manu, chianu
taliàriti 'nte ll'occhi
e vasàriti accussì forti
comu lu mari vasa
li rocchi c'u maluttempu,
quannu c'è ventu
•
Mi cridi ca nun tu dicu
picchì mi scantu?
Ca si tu dicu
finisci st'incantu
•
Tu però nun chianciri
amuri duci di lu me cori
lu vidi? Ca quann'arridi
arrestu mutu, senza palori
•
