و بعد إنتظار وصل الويكند و المره دي مع روح الروح لين و طبعاً طارق عايز يموت عشان الاسبوع دا نغم ما معه لانه مره لين مره طارق و الدور دا على لين .
نغم خلصت المحاضرات و على طول بيت لين طبعا ملابسها معاها تغير في بيت لين و يطلعوا لانه لين حتبيت مع نغم ، بعد ما طلعوا مشوا أتغدوا و بعدين صاعوا في كم مول اي مكان يدخلوا لازم وحده فيهم تشتري مكياج ملابس جزم اي شي هم ماعندهم مشكله و ختموها بشارع النيل و هوب على بيت نغم و عمروها تاني ، من الحاجات الحلو في نغم إنها ما بتنسى عاملاتها فبتشوف مطالبهم اول بأول بحبوا لدرجه ما طبيعيه ، المهم شغلوا فلم و ما ناموا الا بعد صلوا الصبح
بعد ما صحوا و اتغدوا و نضفوا الشقه الفوق و أشرفوا على نضافه الشقه التحت طلعوا إتفسحوا بعدين لين رجعت بيتهم المهم اليوم خلص على كدا و كل وحده شافت سبيلها .
و بدا الاسبوع و مافي جديد نفس الروتين بس هم دايماً بكسروا الروتين لازم يعملوا شي مجنون و المره دي قرروا يمشوا منتجع يريحوا اعصابهم شويه .
مرت الايام و جانا الويكند و المره دي على سيد الريد بس للاسف كان عنده عمليات و ما قدر يطلع معاها و وعدها انه يعوضها مره تانيه طبعا هي زعلت لانه ما حتشوفه و نامت بدري على غير المعتاد.
أصبح الصبح و خلصت أشغال و بعداك أتصلت على بت خالتها و قالت ليها أنها جايه تفطر معاهم و شالت معاها كم حاجه كدا و اتحركت عليهم و طبعاً خالتها دي روحا و نفسها هي و بناتها المهم قيلت معاهم بعد كدا طلعت ، المهم مشت البيت و دخلت غرفه الملابس و قعدت رتبت و بس هي في نص شغالها يجي ليك زول و يخلعها و الصبحه بكل ما عندها صرخت صرخه مدويه بعدين تتفاجئ ليك بطارق
نغم : ياخ أنت لسه ما خليت حركاتك دي وقفت لي قلبي
طارق : سلامه قلبك يا أنا
نغم بقت تتبسم و تتكشم و تتحرقص زي الطاقاها كهربا و طارق ميت ضحك
طارق : أنت لسه في الخفه حقتك دي نفسي يوم أشوف تقييله كدا
نغم : كيف ما أبقى خفيفة و راجلي حبيبي بقول لي كلام زي دا ؟
طارق : قلتي شنو ؟
نغم : ولا شي عامل فيها ما سمعت
طارق بقى يضحك و قال ليها : تعالي يا حبيبه راجلك
المهم اخدوا ليهم حضن (الله لا يبلانا)
طارق : يلا ورح نطلع اي مكان
نغم : طيب بس أبدل و نطلع طوالي
و طلعوا قضوا أحلى سهره
أتمنى أن تكوني بجانبي طوال الوقت 🖤✨🥀
يتبع.....
