مره الاسبوع الكل كان متوتر و متحمس يعرف الحاصل و نغم كانت متأكده طارق حيقول ال في قلبه لانه لما يكون زعلان بطلع كل ال في قلبه من غير ما يحس .
المهم الليله الخميس و البنات استأذنوا من أهاليهم عشان يبيتوا عند نغم الليله و يعرفوا كل الحاصل و شبكوا التلفون في سماعه كبيره عشان يسمعوا كلهم (طبعاً ما حيفتحوا الاسبيكر لانه حيكون ظاهر)، و فعلاً نبأ أتصلت على طارق و فتح الخط
طارق : الو السلام عليكم (في اللحظه دي نغم غمضت عيونها بقوه و أخدت نفس عمييييييق)
نبأ : و عليكم السلام د.طارق ؟
طارق : اي نعم طارق !! مين معاي ؟؟
نبأ : يا مرحب معاك نبأ !!
طارق : نبأ نبأ اممممممم نبأ صحبت نغم ؟؟؟
نبأ : ايوااا باااس
طارق : اهلا اهلا ، هااا اي يخدمه ؟؟
نبأ : لا لا سلامتك بس الليله نغم كلمتنا بمو....
طارق : اي بموضوع الطلاق ، طيب و بعدين
نبأ : براحه طيب يعني الصراحه و الله احسن حاجه عملتها
طارق : نعم ؟؟
نبأ : اي احسن انك طلقتها لانها انسانه وسخه و يمكن تكون بتكلم اكتر من واحد
طارق : كيف يعني ؟؟
نبأ : بالجد نغم دي في الجامعه مافي ولد ما مصاحبه من تخش الجامعه بس تتونس مع الاولاد
طارق : يعني تتوقعي الرسلته لي لين دا صح ؟؟
(في اللحظه دي الكل أنصدم و نغم شويه و يغمى عليها من السمعته بس صبرت عشان الموضوع ما يفسد)
نبأ : أكييييييد دا ما داير ليه كلام بس هي عرفت كيف ؟؟
طارق : و الله قالت لي أنها كانت بتتصور بتلفون نغم وفجأه جاها اشعار في الواتس و لما دخلت الواتس شافت الحصل و و صورت الشاشه و رسلت الصور لنفسها و بعداك جاتني في المستشفى و ورتني
نبأ : و الله البت دي كويسه عملت فيك خير الليله كان ادبست بيها الوسخه
طارق : على العموم الحمدلله على كل حال ، و الله أسف عندي شغل فمره تانيه اتكلم معاك
نبأ : ولا يهمك يا دكتور يلا سلام
و انتهت المكالمه و البنات بقوا يبكوا زي المجانين على نغم الجاها أنهيار بعد السمعته معقوله في صحبه بتعمل كدا ؟؟
لماذا يا صديقتي ؟ لماذا فعلتي بي هذا الامر المريع ؟🖤🥀✨
