نغم بعد يوم عصيب رجعت البيت ولو انه خالتها ابت تخليها ترجع بس اتحججت بالجامعه و كم حاجه ، اول ما دخلت اتجهت على غرفه الملابس و نزلت كل الهدايا الجابا ليها الملابس ، الجزم ، العطور ، الكريمات ، المكياج ، الاكسسوارات حتى الصناديق ال كانت فيها الشوكلاطات نزلتها و ختت الحاجات في اكياس و نزلتهم العربيه في الليل داك ، المسكينه الليل كله ما نامت لونها بقى شاحب من الحزن و الهم و قامت نزلت تحت و فتحت غرفت امها و ابوها و هنا انفقعت بالبكاء و بقت تجهش و تتذكر اهلها و في مكانها داك نامت .
صحت الصباح و جهزت للجامعه قبل ما تصل غشت طارق و اتصلت عليه كم مره و لما ردا ورته انها برا و بعد زمن حتى طلع ليها
طارق : بعد الحصل دا جايه بعين قويه ؟
نغم : اششش انا ما جايه عشانك جيت عشان ارجع ليك اي حاجه بتذكرني بيك
و نزلت الحاجات من العربيه و طارق ساكت ما اتكلم و هو كمان من امس ما نام حتى الشغل ما مشى من حرقه قلبه عليها و كان بحاول يكذب الموضوع بس الرسايل قدامه .
نغم ركبت العربيه و تاني نزلت و زحت الطرحه و طلعت السلسل الكان هديه من طارق و مسكت يده ختت ليه السلسل و في اللحظه دي نزلت دمعه من عين طارق لانه نغم وعدته انها ما طلع السلسل لاي سبب كان و بكل كره و حزن نغم قالت : بكرا رسل لي ورقتي مع اي زول يلا سلام .
وصلت نغم الجامعه و لقت صحباتها منتظرنها عشان يعرفوا الحاصل عليها لانها من امس ما بترد عليهم ، دخلوا المحاضره و بطلتنا شااارده بعييييد ، بعد ما طلعوا حتى حكت ليهم الحاصل كله و بقوا في تسائلات منو جاب الرسايل دي و عن طريق منو عرف فقرروا انهم يعملوا خط و نغم إقترحت يدخلوا لين معاهم لانها ام الخطط كلهم وافقوا و على طول نغم اتصلت بس مافي رد و حاولت بس في النهايه اداها مغلق طبعا استغربت .
المهم فكروا الى ان وصلوا لخطه و كانت كالاتي :
أنه نبأ تشيل رقم طارق و تبدأ تتواصل معه و تعمل فيها شمتانه على نغم و تحاول تستدرجه و الكلام يبدأ بعد أسبوع و اتفقوا على كدا و الفتره دي نغم كانت بتحاول في لين بس مافي نتيجه بعداك خلت الاتصال .
لو تعلمين كم إشتقت لسماع صوتكِ يا صديقتي 🥀✨🖤
