نغم : دقيقه انت قاعد تقول شنو ؟؟؟
مقدام : زي ما سمعتي و ما عندك اي عذر عشان ترفضي و بكرا الصباح نتقابل عشان تفهمي و نحدد اي حاجه و تصبحي على خير يا قلب
مقدام قفل الخط و ما ادى نغم فرصه عشان تتكلم او تقول حاجه خلاها محتاره و متوتره و الاتنين النوم غلبهم من التفكير
اصبح الصباح و مافي واحد اتصل على التاني الى ان جاهم العصر حتى اتصل مقدام و حدد ليها المكان ، نغم لبست ليها عبايه و لا عملت في وشها حاجه على طول طلعت و لما وصلت لقته قاعد منتظرها
مقدام : حتى بالعبايه و بدون مكياج عسل
نغم : يا خفيف اتقل (عليك الله شوف بتكلم منو )
مقدام : حاضر يا ستي
بعد ما اتونسوا و حلوا مقدام فتح الموضوع
مقدام : كلام امس ازعجك ؟؟
نغم : لا ما ازعجني بس مستغربه
مقدام : ما تستغربي نهائي نغم انا من زمان متمنيك و عارف دا ما الوقت المناسب عشان اقول الكلام دا بس و الله انا ميت فيك عديل و عايزك حلالي و جادي في الموضوع و ما عايز الف و ادور و نبقى في خشوم الناس بس ان..........
نغم : سجل الرقم دا عندك
مقدام : شنو ؟؟؟
نغم : انت سجل
مقدام : طيب ، اها دا رقم منو ؟؟
نغم : دا رقم عمي الكبير عندك اي حاجه قولها ليه وبس
مقدام : دقيقه دقيقه يعني افهم انك موافقه
نغم : افهم بالطريقه البتعجبك
مقدام : انا ما قادر اصدق يعني حتكوني حقتي
(و ادى ليك صفيره كدا لمن الناس بقت تعاين فيهم )
مقدام : اصبري انت خلصتي العده العليك ؟؟؟
نغم : عده شنو انا ما علي عده
مقدام : كيف الكلام دا انت اتطلقتي
نغم : اي اتطلقت بس انا عقدوا علي بس و ما هناي
مقدام : ما شنو ؟؟؟
نغم : مقدااااام ما عارف يعني
مقدام : عارف شنو ؟؟؟
نغم : امري ل الله يعني ما حصل بينا شي
مقدام : قولي كدا طيب من زمن و بعدين معقوله الزيك ما عليهم عده
نغم : العده دي براءة للارحام عشان لو في اي حمل حيظهر الفتره دي و حتى لو كانت علي عده انا لي زمن من انفصلت من طارق
مقدام : يا زوله انا الليله حاتصل عل عمك و بحدد موعد اتلاقى معه و اكلم ناس البيت عشان يجوا ويقابلوك
نغم : الله يكتب ال فيه الخير
أخيراً ✨🖤🥀
