نغم ودعت الناس من غير ما تدي فرصه لاي زول ( اما لين اهلها مسحوا بيها الارضه و خلوها تعرف ان الله حق )
طبعا طارق قال لين انا حأسوق ، المهم طارق ما رجع البيت طوال مشى بيها حته هادئه شويه عشان يتفاهم معاها
طارق : شوفي يا نغم انا عارفه اني ظلمتك و ما صدقتك و اتهمتك اتهامات باطله و لو كان في زول في مكاني حيعمل نفس الشي
نغم : بس البحب عمره ما بكذب حبيبه و بشوف كل الناس غلط الا هو الصح و بثق فيه ثقه عمياء و انت عارفني انا منو و تربيتي شنو و مستحيل اغلط في حقي او حقك
طارق : انا عارف انت منو و ندمان على اي حاجه قتها ليك و مستعد اسوي اي شي بس عشان تسامحيني
نغم : طارق دا ما وقت ندم و مافي شي تعمل عشان اسامحك لانك عملت ابشع شي في الدنيا ياخ انت ما بتصدقني انا حلفت ليك برب العالمين و برضو ما صدقتني و اخيراً طلقتني بتعرف يعني شنو طلاق يعني خلاص مافي شي بجمعنا مع بعض
طارق : بس ما تنسي انا مطلقك مره وحده و عادي بقدر ارجعك
نغم : بس انا ما دايره
طارق : و هو على كيفك
نغم : اي على كيفه و بعدين منو القال ليك انا لعبه في يدك تطلق و ترجع وقت ما عايز و زي ما قلت انت ما بتعيش مع وحده خاينه انا ما بعيش مع واحد ما بثق فيني
طارق : اكيد بتهظري ؟؟؟
نغم : ابداً ما بهظر و زي ما قلت ل لين تنساني انت كمان انساني و طلعني من حياتك و شوف ليك بت حلال اتزوجها و كمل حياتك معاها و خليك ولد خالي و انا بت عمتك
طارق : تمام يا ستي زي ما عايزه ولد خالك ، بت عمتي
و اتحركوا الشباب على بيوتهم و طارق و صل نفسه بيتهم (عشان عربيه نغم) ولما نزل طارق نغم نزلت عشان تسوق العربيه طارق مدا ليها يده عشان يودعها فمدت يدها و اتلاقت عيونهم و كانت مليانه دموع لو رمشوا حتنزل الدموع دي
طارق : انا مبسوط لانك كنت جزء من حياتي في يوم من الايام و ما حانتساك ابداً لانك فرحتي و مازلتي فرحتي و حتكوني فرحتي و ان شاء الله تعيشي حياتك زي ما عايزه
و باس يدها و راسها و نزلت الدموع حار مليانه الم و حزن و فراق بس لازم يتفرقوا ، نغم سحبت يدها و مشت من غير ما تنطق بحرف و قرروا يطوا الصفحه دي و يبدوا حياه جديد فيها تحديات جديده
القادم أجمل 🖤🥀✨
