من النجمه ابوي لكزني بي عصايتو
هوووو بكري النايم ليها شنو قوم جهز حالك ماشين
وقمته وشي يلعن قفاي
طلعنا انا وابوي
وفي الطريق قابلنا عمي سعيد ماشي يفتح الدكان
ابوي سلم عليهو
وقاليهو ياسعيد الولد المطرطش ده يقتلك مرت عمو ويقعد
بس عمي سعيد كان راجل واعي وحبه بخفف علي
قاليهو والله يا احمد اخوي اخوك عثمان هو اللخبطنا
انا زاتي فهمت زي بكري بس الحمدلله
الطلع سمعنا هو الماسمح بدل الخبر الشين ده
وحسيت بي راحه
قال لي ابوي من بدري كدي ماشين وين
قاليهو والله ياسعيد اخوي عندي حبه شغله في الحواشه بس برجع بكره بعد بكره عشان امشي اجيب اولا عثمان اخوي
عمي سعيد قاليهو يا احمد انت ما حمل جري الخرطوم وناس البندر بقو زي المصرين لعبين اخير تخلي بكري يمشي يجيبم
بس ابوي زي الراي ده جاااهو من السما
قاليهو والله صدقته سعيد
خلاص بكرس صد راجع البيت وانا خليت قروش عند امك بكره سافر الخرطوم انزل عند ناس خالك صلاح
انا من الفرح ماصدقته
لفيت راجع نهرني ابوي طاير وين جيب الكيس الفي يدك ده ماشي بيهو وين
والله مطرطش طرشطشه عجيبه
اديتو الكيس وجري علي البيت
بس اسمع ليك حيدر المعاط يناديني ليك طبظه ياطبظه
قلت ليهو يازول طبظه منو
قالي ما انت طبظه
قتلته مرت عمك يا النجيض وقعدته
وضحكنا سوا انا وهو بس الاسم زعلني لكن قلت مابوريهو انو زعلني عشان مايمشيهو علي
المهم امي قابلتني في خشم الباب زي الحارس بكري
خبارك جيت صاااادي
قلت ليها امي ابوي قالي ارجع عشان اسافر الخرطوم اجيب اولاد عمي عثمان
قالت لي والله بعد عملتك الامس دي منك خوفه
المهم بين يوم وليله بقيت طبظه وحت امي بقت خايفه مني هههه
نسيت اعرفكم علي
انا بكري احمد
كنت بقري اداب لغه انجليزي في ام درمان الاسلاميه بس ماكنت مهتم بالدراسه رفندوني في سنه تانيه
وحلفته ما ارجع ليها تاني
واسه لي سنه قاااعد في البلد
المهم عندي اخوي الاكبر مني شغال ضابط شرطه في الابيض متزوج وبي اولادو
واخواتي تلاتا متزوجات
يعني في البيت انا وامي وابوي بس
المغربيه قلت اطلع اشوف اخبار البلد شنو
قابلني استاز خالد
كيفك بكري
طبعآ خالد ده ابو رنا
اتزكرتوها البت القلت ليكم في تانيه ثانوي النجاضه
المهم سالني من ابوي ومن الخبر بتاع امس بتاع عمي عثمان وقالي تلفون عمك سعيد فيهو شخشخه وعادي ممكن تكون سمعته غلط
قلت ليهو اااي والله بس الحمدلله هم بخير واولادو جلين بعد بكره انا زاتي بكره ماشي الخرطوم اجيبم واجي
قالي خلاص عليك الله بعد العشا تعالي في البيت عندي غرض من الخرطوم عاوزك تجيبو لي معاك
طبعآ من الفرح قربته اشكرو
لانو اداني فرصه اشوف رنا قبل اسافر
المهم استاز خالد قالي خلاص لي بعدين ومشي خلاني سارح وبتخيل في اللحظه الادق الباب ورنا تفتح لي الباب
مشيت النادي
واول ما دخلته ناس النادي كل زول خلي شغلتو والبلعب في كوشتينه رماها من يدو والبلعب في ضمنه سابه وقبلو علي اوووووووو شلاقه وفكوها ضحكه
المهم عملت نفسي مافاهمةحاجه
اتلمو فيني اها عزاكم انتهي
قتلته مرت عمك يا النجيض
المهم اخدته الموضوع ضحك بس من جوه كان ماكل معاي جمبه ههههههه
بعد شويه العشا ازن
بس زي التقول ضربوني صوت وقفته
شبكوني شتاره وين ماشي تحصل البكا ههههه وضحكو وانا زاتي ضحكته
المهم بعد صلينا العشا دغري علي بيت ناس رنارقصدي استاز خالد
دقيت الباب
وزي ماكنت متخيل
يتبع......
