كان استاز خالد قاعد ليه في كرسي متحرك
واول ماشافني بدا يتمتم ويبكي واللخ قلبي وجعني وقلدتو بكيتي قدري بكيت عشان الحاله الهو فيها وبكيت عشان رنا الراحت وبكيت عشان انا كنت جزو في الكارثه فضل يقولي انا السبب رنا انا السبب
كنت ماسكو من ايدو وبقوليهو ماتشيل هم رنا
اهم شي انتي تبقي بالسلامه
وكده الدنيا ضلمت في وشي
اهرب زي المره الفاتت ولي ابقي راجل واحاول اصلح الاتكسر
اخدته بكيتي وقعدتي معاهو
ومشيت ع البيت
وفي حجر كبير في الشارع كنت بقعد فيهو انتظر رنا لمن ترجع من المدرسه
وكانو الحجر ده بناديني
كنت محتاج احضنو واشكي ليهو همي
قعدته في الحجر وبديت اقول ليهو امنتك رنا ضيعتها وانت قاعد
قالي انا ولي انت الخليته لي عصمت وهربته
كان بكلفك شنو لو وقفته معاها
هي البيت عارضت وقالت يابكري يا اموت
بس انت كان كل همك صورتك ماتهتز في البلد
ودفرني قالي ماتستاهل تقعد علي
اتخلعته ياربي اكون جنيت
وليه ما اجن مدام في دقيقه شفته شيطان ماشفته رنا
وقبل امشي سمعته الحجر بقولي حاول ابقي راجل
استعزته من الشيطان وقلت انشالله ابقي راجل
امي شافتني وفرحت بس للاسف انا ما كنت في هي تسالم وتقالد وتبوس وانا عباره عن صنم
امي سجمي مجدي بتبكي كري علي فيك شي
مالك انشالله ما عيان
مايكون رفدوك
وهي كل ما تتكلم ابكي زياده
وامي بكت لي بكاي
والحمدلله ابوي كان مافيش
استحميت ونمت بدون ما اشعر بي نفسي
وصحيت علي صوت امي بكري قول بسم قول بسم الله
قالت لي ياولد جنيت رنا منو
ورنا مالا
قلت ليه انشالله خير امي
شفته رنا بت خالد في بير وماده لي يدها وانا ماقادر انقذه
قالت لي والله مافي شي مبشتن بي حالك كده الي سجم دي
قالت لي انت ماسمعته بي عمايله في الخرطوم البلد كلها تحكي بي عمايله
شلت ابوها قعدتو في البيت وامها حرمت الطلعه من البيت
اسه ليها شهرين جات قعدت في البلد وخلت الجامعه
قالو بقت انصاريه سنه
بعد شنو بعد ما الشواف شاف والعواف عاف
والله بكري اسمع عتبته عتبت بيتم اقتلك
قلت ليها امي ربنا الخلق الخلق بيغفر
لمن انحنا البشر الضعاف ديل مانغفر
وبعدين الغلطه االغلطته رنا السبب فيها
منو مش اهله قبضو قروش قطر مقابل بتهم
اها اتقلب السحر علي الساحر
كلام امي خلاني اقرر اقيف مع رنا
حت لو اخسر الدنيا كلها
وياهو حال الناس لو في شي بتكلمو ولو مافي بتكلمو
قمت طالع امي ماشي وين ياولد عاوزه اخت العشاء
قلت ليها ماشي النادي
وفعلا مشيت النادياتصدمته ناس النادي زي البتكلمو في الكوره
زول يقولي والله امكن عصمت ماحمله
واحد يقولي هي امكن حامل قبل عصمت يعقد عليها
وكل زول يقول كلام مقرف اكتر من التاني
بدون مقدمات قلت ليهو انتو البلد دي نافيها راجل يدق صدرو ويستره
قالو لي مافي ارجل منك
ورينا رجالتك
نطه محمد الكاهلي
قال والله مافي زول فينارماغلط
وحدر طاقيتو وقال والله تقبل بي انا اتزوجه وكمان اكون مبسوط
قلت ليهو عفيت منك اخو البنات يكفي كلامك ده
وبالحيل كلام الكاهلي عجبني
قررت الصباح امشي اسلم علي رنا وامها
من الصباح جهزتهرحالي وشلته معاي 200 جنيه ختيته في جيبي
اني بكري هووووي يابكري طاير وين اتا بخت ف الفطور
قلت ليها ماشي اسلم علي استاز خالد
قالت لي الترابه في خشم امك
طبعا متعوده تقولي كده
مارديت عليها
ودقيت الباب
فتحت لي الباب ام رنا واول ماشافتني دمعه جرت من عينه
وسلمت علي زي امي وحسيت بي احسلس عجيب زي البتقولي متتظرين رجعتك
دخلت جوه وكانت رنا في الاوضه
امها رنا يابت تعالي سلمي
ماردت
جااااات لابسه اسود في اسود
ولمن شافتني
ملاحظ بكري في كل مره اشوفك فيها بحس انو حتختفي
عشان كده بقوليك ود الناس اختفي لانو اتعودته علي كده
امها يابت ده كلام شنو
ياسلمي ياطيري ادخلي جوه
ردت علي امها بي كل وقاحه سبحان الله بنفس الطريقه دي سلمتيني لي عصمت
ودخلت
امها قعدت في السرير متمحنه
وقالت لي واللخ يابكري ولدي ياهو ده اسلوبه معاي ومع ابوها
قلت ليها ماتشيلي هم ياخاله كل شي بنتصل
دخلت علي رنا في الاوضه وكانت بتبكي بي صوت عالي
وقفت قدامه وقلت ليها انتي عارفه الكنتي بتتكلمي معاها دي امك
وعارفه انو ربنا مابوفقك لو اغضبتيه
انتي منو بالجد ماعرفتك
ومتزكره وعدك لي
رفعت راسه وشالت النقاب من وشها
قالت لي بكري مابتزكر ليك حاجه غير الكف
وكفك هو الفوقني
بس كان متاخر
قلت ليها رنا بتقبلي بي زوج
قالت لي انت عارف انا ماحبيت ولا ح احب غيرك
ومستحيل اقبل بيك زوج
بس طالباك خدمه
ممكن انت تقبلني اخت
ممكن ترجعني رنا
لانو انا في اليوم بفكر الف مره انتحر
فجئه امي جات داخله
وقالت ......
برجع ليكم سمح
[١٤/٣ ١٠:٤١ م] مٌـًًًًـــــــًًًًًاريَوَ: #بت_حلتنا_17
اتلفته عليها امي انشالله خير
مالك صوتك طااالع
قالت لي انت بتسوي هنا شنو
شوف يابكري انا عمايلك دي كلها بكلم بيها ابوك
وكانت ام رنا واقفه متحيره
ورنا بس تبكي
قلت ليها امي بت استاز خالد اتربينا فيهو
واستاذ خالد جمايلو علي البلد كلها
وانتي لو شايفه جيتي عندهم غلط بقوله ليك
انا بيت استاز خالد كنت مقصر فيهم وخليتم وهم في امس الحوجه لي
وانشالله ح اصلح غلطتي دي
خليتم كلهم مخلوعين وامي وراي خسارت تربيني فيك
والله يابكري عمايلك دي كلها اكلم بيها ابوك
ومن اسه يابكري بقوليك البت دي سمعته زي الزفت
وناس البلد كلهم ماعندهم سيره غير سيرته
قلت ليها امي كلمي ابوي انا السنه الجايه انشالله بتخرج وبجي اتزوجه حته لو امشي براي
قالت لي جيت لي امك تفووو عليك وعلي ادبك
مشيت البيت ومارديت عليها
امي مولعه
امي في جوطته دي من حظي المنيل ابوي جا داخل
وقاليها يامره صوتك مالو واصل اخر الشارع
طبعآ ماردت عليهو
قالي بكري مشالله كيفك وكيف صحتك
حمدله ع السلامه
امي بدون مقدمات شوف يا احمد ولدك عاوز يجنني اتخيل قال عاوز يعرس بت خالد
بت خالد السيرة علي كل لسان
ابوي قاليها يامره ماتشيل زنب بت الناس
وبعدين متين الناس جابو سيرة الناس بالخير
اتلفت علي بكري والله لو بالجد مفكر تزوجه عشان تستر عليها عفيت منك
وكمان عشان امور شفع اليومين دي اخير تمشي تشوف معسكرك
امي نطت ليهو يستر منو
هو مسؤل من سترته
هي ماسترت نفسه انت سمعو الكلام ده عشان بكره يعرسه ويجيبه لينا ويخلي رقبتنا قدره السمسمه ويشرط عينا ويفضحنا
ابوي قاليها يامره انت مجنونه
الراجل ماببقي راجل لو ماستر علي مره ضعيفه
الراجل طعمو شنو لو ما لمه شافعه مسكينه والزمن ظلمه وهي ماليها سبب
اسمع يابكري كلام امك ده خليهو
علي الطلاق لو عاوز تعقد عليها اسه اعقد ليك عليه
المهم كلام ابوي بالجد حسسني احساس انو الدنيا لسه بي خير
قضيت اجازتي وكل يوم امي تحكي لي حاجه عن رنا
وانا كل يوم تعلقي بي رنا يزيد
المهم القدرته عملتو في الاجازه دي قدرته رجعته رنا لي امها وابوها
وبدت تحترمم زي الاول واكتر
ورجعتها تقري بس غيرت الجامعه مشت اانيلين
وانا ؤجعته المعسكر
الشي الخلعني وخلي تخريجي ماليهو طعم الكلام الوصلني
يتبع........
