قالت لي خالتو الدكتور قال شنو قلت ليها شق في الترقوه
طيب يعني بقدر يتحرك عادي
قلت ليها اااي الحمدلله
ابتسمت ابسامه عريضه وقااالت لي طمنتيني
الشافعه خلعتني طمنتها علي شنو
بكري ياولد البت دي تاني ماتمشي تشرح ليها
امس حريم الحله كلهم يتكلمو بي وقعة رنا بي سببك
قلت ليها امي بي سببي كيف
يعني انا دفرتها
قالت لي انت مطموس
خصمتك بالنبي يابكري ولدي البت دي قلت ليها حاجه
شوف ياولد اليومين دي حالك ماعاجبني
بت عمك من امس مادخلت اكل في خشمه
وبت الناس دي امها قالت وقعت مخلوعه
شوف تبقي كويس تطير لي خالك ف ام درمان
ياترجع جامعتك يا كمان يشوف ليك الكليه بتاع الجيش دي
قلت ليها انشالله ربنا يهون
مرت الايام وكل يوم سهي تطلع لي بي فن جديد لحدي ماجات اللحظه الحاسمه
وعصريه كده قاعدين في الحوش نشرب لينا في شاي
جات رنا شايله ليها كوريه
ادته امي قالت ليها خالتو امي قالت ليك ده ترمس لي بكري بجبر الكسر
سهي قالت ليها علاقت الترمس بالكسر شنو طبعآ احرجته
قمت نطيت انا قلت ليها كيف علاقتو شنو
عندنا هنا في السودان البتكسر بجيبو ليهو ترمس
عاينت لي رنا وابتسمت ابتسامه النوع البخليك مقهي زي الرشوك بي مويه بارده في وشك في الشتاا
سهي قامت دخلت جوه كلامي ماعجبه بس انا كنت ناوي الطف الجو عشان رنا ماتحرج
الجو اتوتر حبه
رنا قامت استازنت
بدون ما اشعر قدمتها للباب
وامي يابت رنا كبيت ليك الشاي ماشي وين
معليش ياخالتو والله عندي قرايه
الامتحانات التجريبه قربت
وعندي قرايه كتيره
واستازي عامل فيها عيان وغمزت لي ااااي والله كانت غمزه كانها طعنتني بي سهم في قلبي
وهي في الباب قلت ليها رنا تسلمي لي وما اتحرم منك
قالت لي بكري بت عمك بتكرهني وبقيت اخاف اقابله لانو في كل مره بتحاول تحرجني
قلت ليها امسحيها لي في وشي
قالت يسلم وشك حبيبي
وجرت وانا ريقي جري ونشف وقلبي وقف وبقي يدق لمن خفتو يقع تحت قرعيني
اتاكدته من انها بتحبني
قررته اصارحه بي حبي قبل ما اسافر ام درمان
الحمدلله بقيت تمام مشيت المستشفي
الدكتور عمل لي اشعه قالي مشالله كسرك جبر بي سرعه
قلت ليهو من الترمس كان قصدي اقوليها شفاي رنا
المهم راكب بص السوق راجع علي الحله
وقف البص ركبن بنات مدرسه
وانا قمت لي بت قعدت وشكرتني
في بتين قاعدن قدام
بس فجئه القدت في محلي دي نادت وحدي من البتين القدام رنا ماتدفعي انا دفعته
قلبي ده شديد بس من الاسم انلفتت عليها
عيونه كانو حيطلعو من محلهم لمن شافتني
وانا حيلي مات وبقن ركبي يضربو في بعض وحاالتي بقت صعبه
لانو حقيقه لبس العالي والله لو علي يوم عرسي اقول يلبسوها لي لبس المدرسه
اللبني مع لون رنا القمحي مع الطرحه مباااالغه
والله رنا او لبست شوال حتكون واااو
طبعآ محطتنا اسمه الطاحونه
نزلنا انا ورنا وخالتي عوضيه ام حيدر المعاط
هي بكري سلامتك ياعشاي
البقره الله يازاها والله القشر ده اصلي مابدورو
بس ابوك العاجبو في سعايت البقر شنو مابعرفو
سبحان الله لمن هي بتتكلم بس حيدر بدون شنب ونفس المعط هههههه شايله ليها قفه فيها خضار
شلت منها القفه وبقينا ماشين وهي تبري فيني
رنا طبعآ نزلت وكانها مابتعرفني
طبعآ نص حريم البلد سمعو بي ضربتي بتاعت البقره
وسمعو بي وقعت رنا لمن عرفت اني ودوني المستشفي
ام حيدر بي حركه بهلوانيه كده انت يابكري بت المدرسه دي مايها رنا بت خالد
قلت ليها يبقي لي ياها
ضحكت يبقي ليك ياها ولي متاكد ياها
قلت ليها ياخاله حيدر في البيت ولي طلع السوق
قالت لي حيدر طاير
قدر ما اجيب ليهو سيرة العرس بتهرب
كلامي معاهو يدخل بي جاي ويطلع بي جاي خايفه يكون جابدو حسن اخوي باقي عمرو وصل خمسين ومامفكر يعرس
المهم وصلنا شارع هي قتلت ملف يمين وانا حمدته الله اديته الكفه حقته واتخارجته
قالت لي تشيلك عافيتك ياجناي
ودعتك الله
ربنا يديك الفي مرادك يابكري ولدي
دخلت البيت قابلتني سهي
بكري بكري انا مسافره اقدم للجامعه
قلت ليها كان تنتظري انا زاتي مسافر
بس الاسبوع الجاي
قالت لي مامشكله بسافر وخالي بجيني في الموقف يسوقني
مارديت عليها
امي جاتني في ااديوان
بكري انت ياولد ماعندك عرض كده مالك عمك موصيكم علي بنتو
ابوك طار مشي الحواشه
تخلي البت تسافر براها
قلت ليها امي مش منزر حيسافر معاها
قالت لي اتلهي جهز شنطتك بكره طير وصل بت عمك واقشي خالك شوف كلامو
قلت ليها خير
بعد الغدا لبسته لي ام علله
امي بكري طالع وين انت ماحهزته حجاتك
قلت ليها امي حجاتي شنو
عندي شنطه فيها كل ورقي وحجاتي
وبشيل لي غيارين وخلاص
اسه مستعجل كده ماشي وين
مارديت عليها
يعني اقوليها ماشي اشرح لي رنا عشان تفرج فيني امة لااله الا الله
دقيت الباب قابلني استاز خالد
كيفك بكري متلوم معاك ياولدي بس والله مع مشاغل الدنيا دي
قلت ليهو ربنا يعينك ياعم
رنا عندها الامتحانات التجريبيه قلت اخلص ليها لانو بكره مسافر
قالي انشالله خير
قلت ليهو والله خير اولاد عمي عثمان ماشين يسلمو علي خوالم وانا ماشي اشوف موضوع الجامعه
المهم ناده لي رنا ومشي
البت ده قصده شنو يعني
بي لبس المدرسه تجنن بالتوب تجنن
كمان بالعبايه مبااالغه
سلمت علي اخير بكري حنيت في حالي وجيت
يرضيك ما انجح في الانجليزي
قلت ليها طيب نبدا
لقيت مستواها اتحسن شديد
مشالله رنا بعد كده انتي تشرحي لي
قالت لي والله بكري حبيت الانجليزي عشانك
وابتسمت وانا قلبي قال شححح
قلت ليها رنا بكره مسافر وعاوزك تخلي لي نفسك من حبيبتي عشره
قالت لي منو سهي
قلت ليها رنا بطلي انتي اغلي حاجه عندي في الدنيا بعد امي وابوي
علي فكره رنا عاوز اعترف ليك قبل اسافر
رنا انا بحبك ومابتخيل حياتي من دونك
عشان كده ح ارجع الجامعه
ويوم التخريج ح اجي اتقدم ليك
تخيلو دمعت انا قلبي وقف متاسف لو كلامي زعلك
قالت لي بكري حرام عليك من ما وعيت في الدنيا دي منتظره اللحظه دي
امها قالت ليها ياتو لحظه
ارتيكت رنا وانا ريقي نشف وكرهتا الشاي امها ختت الشاي وسلمت علي
رنا قالت ليها امي لحظت اخلص امتحانات وانجح
قالت ليها كدي خلصي التجريبيه ونشوف عمارك
ومشت
قالت لي بكري امي تكون سمعت كلامنا
انا وقفته قلت ليها حت لو سمعت انا بجيها
يتبع......
