قالي انت يابكري متشاكلين انت وسهي
ضحكته وفي نفس اللحظه اتخلعته
نتشاكل كيف
هي نظت ليه قلت كده يامنزر
حسيت انو منزر ملاحظ اهتمام سهي بس حبه ينبهنا انو في شي ماطبيعي
في اللحظه دي حسيت بي حجم الكارثه لو ابوعي حسي نفس احساس منزر ده ممكن يعقد لي علي سهي قبب ماياخد موافقت ابوها
وصلنا الحمدلله
جا خالي سهي في الموقف يسوقم بس سهي اصرت اجي معاهم اعتزرته ليها انو عندي كم حاجه لازم اخلصه
مشيت ناس خالي في ام درمان
طوالي خالي فتح معاي موضوع القرايه
قالي امك قابلتها في البكي بتاع ود العوض في البلد وكلمتني انك عاوز ترجع القرايه
قلت ليهو والله ياخال لو في فرضه في كليه كرري او الكليه الحربيه احسن لي من ارجع الجامعه
قالي يابكري اسه الفرصه المتاحه
رقيب فني بس بتتخرج بي بكلريوس وبتدخل تئهيليه تترقي ملازم
قلت ليهو طيب خير
تاني يوم من الصباح مشينا القياده قالي انتظر قبلك اسه بجيك رلجع.كان قائد كليه كرري دفعتو
شويه وناداني
قالي والله يابكري ود حلال وحظك سمح
اتخيل الدفعه الانت حتنزل معاها حيعملو المعاينات بعد اسبوع
وكمان ملازم فني
يعني تتخرج بي رتبة ملازم وكمان تستلم شهادتك
الكليه الجويه
مقرها في بورسودان
بقيت ماعارف افرح ولي ازعل
المهم دخل كل اوراقي وقالي خلاص ماترجع البلد اقعد لحدي ماتعمل المعاينه
قلت ليهو خير ياخال بس اسافر يوم واحد وارجع
ماحتصدقو الكان مرجعني شنو
كنت راجع عشان اودع رنا
واشوفه اشتغلت كيف
رجعته البلد
وبالمغرب ماشي علي بيت ناس استاز خالد قابلني جنه نضيف يلمع ولابس ليهو جلابيه تسوي كده ومحدر طاقيتو
لمن وصلني ماعرفتو
قالي بكري بقيت مابتعرف الناس بس من صوتو عرفتو
اوووو عصمت حمدله بالشلامه والله ماعرفتك
مشالله سمنته وبقي شكلك جلابي جلابي
ضحكنا
قالي علي وين كان ربنا هون قلت ليهو قريب
قالي والله انا مشيت سلمته علي استاز خالد
بس يامجدي عاوز اسالك بنتو دي ياها رنا الشافعه ديك
طبعا هنا حمرته ليهو بس ماخليتو يلاحظ لي زعلي
قلت ليهو انت شفتها وين قالي ياخ مشيت اسلم علي استاز خالد
هي جابت لي العصير
وانا من شفتها لحدي اللحظه دي مشوش
في سري قلت ليهو انشالله بي وشك مشوش ياحيوان
جاي تتقدل عاوز تشلبني حبيبتي
والله مش لو مغترب
لو نازل من السما ماتشوفه بي عينك تاني.قالي بكري يازول سارح وين انابتكلم معاك.
قلت ليهو خلاص نتقابل بعدين في النادي
قالي خير
حسيت بي وجع في قلبي حيلي بقي ماشايلني.
عيوني رقرقو
حسيت الدنيا ضلمت في وشي
وصلت بي ناس رنا دقيت الباب فتحن لي خالتي ام رنا
كيفك بكري ادخل لي جوه
يابت رنا بكري يسلم عليك
جاااات بي لهفه جاريه
كيفك بكري
كنت حاسي بي احساس ماطبيعي
مالك يابكري في حاجه
امي يابت انتي مجنونه في شنو يعني
ودخلت تجيب حاجه
قلت ليها رنا عصمت جا هنا الخلاك تطلعي تسلمي عليهو شنو
قالت لي بكري انت مابتثق فيني
حابه اطمنك لو جو رجال الدنيا كلهم مابملو طرف عيني خليك من عصمت
قلت ليها رنا انا بحبك وبعشقك
ولو اي زول فكر يقرب منك بقتلو وبقتل نفسي
رنا انا بحبك
فجئه امها جاات بكري انت واقف مالك ماتقعد قلت ليها ماشي بس جيت اودعكم
قالت ليها رنا اشتغلتي كيف في الامتحان
وقبل ماترد علي قبلته علي امها ياخاله
انا شالوني في الكليه الجويه
بس حابي اقوليك حاجه قبل اسافر
قول ياولدي انشالله خير
رنا بقيت مخلوعه عاوز اقل شنو
قلت ليها ياخاله
العادات والتقاليد بتقول غير كده
بس اسه انا محتاج اعمل حاجه بغض النظر عن العادات والتقاليد
اها قول يابكري شفقتني
انا عاوز اخطب رنا بعد تخلص امتحانات
قالت لي سجمي يابكري ده كلام شنو
رنا انا كنت خاتاك زي اخوها
وبعدين رنا مابقت علي الكلام ده
كدي ياولدي امشي علي كليتك دي ربنا يوفقك لمن تجي يحلها الف حلال
بس رنا سمعته رد امها بكت وجرت جوه
انا زاتي بدون ما اشعر طالع ولستاز خالد داخل التصادمنا قدام الباب
كان عاوز يطول معاي الكلامو يس اختصرتو
مشيت البيت حكيت لي امي اي حاجه بيني وبين رنا
ومره امي تتخلع ومره تقولي الله يجازي محنك
بس لمن كلمتها اني خطبتها من امها وانها رفضت هنا امي انفعلت
يطلبوك شنو يابكري
انت ماعندك اهل يمشو يخطبو ليك
مالك مقطوع من شجره
صغرتنا قدام الناس اسه يقولو علينا شنو ماعرفنا نربيك
ابوك لو سمع بالكلام ده بقتلك
وبعدين فوزيه مرت خالد شن قدره ترفضك
حتلقي زيك وين
شوف يابكري ولدي الحب ده جديد بس الزواج قسمه ونصيب
عشان كده ياولدي لو رنا كاتب قسمتك مع رنا انشالله مافي زول بياخده غيرك
قلت ليها امي انتي عصمت ود عبدالعزيز جا من قطر متين
قالت لي نفس اليوم السافرتو فيهو
حكيت ليها القالو لي عشان كده انا اطريت اكلم امها
قاله لي ياولد اسه عصمت جاب سيرة عرس
زول مشي يسلم علي الناس البت جابت ليهو العصير قاليك كبرت
البسمعك زعلان وهايج
يقول عصمت اليوم عقدو علي رنا
قلت ليها امي رنا مافي زول بتزوجه غيري
وقمت من جنبها
تاني يوم مفروض ارجع الخرطوم بس بقيت خايف عصمت في البلد وخاتي عينو علي رنا
الصباح ماشي علي البص الصدفه الاروع من الاروع من الروعه قابلت رنا معاها بت ناس الخزين ماشات علي المدرسه
وقفت مع رنا وهي بتبكي خلاص ماشي بكري
من وراي سمعته صوت عصمت يابكري علي وين انشالله
رنا مشت بي سرعه
وانا رديت عليهو مسافر بس جاي راجع
قالي البت الكانت واقفه معاك دي رنا
قلت ليهو عصمت امس ماكنت عاوز اوريك بس رنا انا خاطبه وانت انشالله
ربنا يديك بت الحلال
قالي الغريبه سالته اختي عوضيه ساكنه جارتم ماقالت لي مخطوبه
قلت ليهو اسه اناروريتك
بس طريقة كلامو ماعجبتني
قالي بكري .....
يتبع......
