كانت زوجت عمها قالت لي والله ياولدي رنا تعبت شديد امس باليل
وابوها وداها المستشفي ركبو ليها درب
ورقدوها
ياخاله اي مستشفي
قالت المستشفي الكبير في السوق
ركبته لي تكسي وعلي المستشفي
ومن عنبر لي عنبر ومن ممرض لي دكتور
لحدي ما وصلت العنبر الفيهو رنا
اول ماشافتني
قعدت وعيونه مليانه دموع
قالت لي بكري ادعي لي اموت وارتاح من الغزاب ده
نفسي اموت
بقيت متوتر ماعارف اهديها ولي اهدي نفسي
في زول خته يدو في كتفي
التلفته لقيتو استاز خالد
قالي الحمدلله الجيت
علي فكره بكري اطمنك كمل تدريبك ودراستك ولو ربنا طول في عمري رنا حتكون ليك
ولو علي عصمت قالو احمد جا من قطر انشالله رنا تبقي كويسه بمشي اخلصه من عصمت عشان مابضيع بتي عشان امها وخالاته عاوزات كده
رنا اول مره اشوفه مبتسمه
عارفين شنو يعني ورده كانت زابله وفرهدت
عارفين لمن البيت يكون عتمه وضلام وفجئه السما يبرق
والبراق يضي كل حزو من حوليك
دي كانت ابسامت رنا
ابوها لمن شاف ابتسامته هو بي دورو بدل يبتسم بكي اي والله بكي حسي انو الروح رجعت لي بنتو
قعدته جنب رنا في طرف السرير
استاز خالد قالي بكري انتظر هنا
بمشي اعمل اجراءت الخروج واجيكم
حسيت انو عاوز يديني مساحه مع رنا
وحقيقه كنا في امس الحوجه للمساحه دي
مسكتها من يدها
وكان اطرافه باردين شديد
ويدها بترجف
قالت بي صوت حنين بكري جتخليني تاني
حتخلي الناس تبيع وتشتري فيني
حتخلي عصمت ياخدني منك بالغصب
قلت ليها حبيبتي
وكان اول مره اقوليها كده
دمعت يااااااااه بكري قول تاني قلت شنو
قلت ليها انتي حبيبتي وحياتي وعمري
ومستحيل تاني افرط فيك
في مره في السرير الجنب رنا
بدت تطنطن شنو قلت الادب دي
يخسي عليكم مابتخجلو
اصلو زمن بايظ وماعندكم حيا ولا خجل
حبيبتي كمان تفووو علي الزمن ده
رنا ياخاله ده زوجي مش عشيقي
المره ماعرفت تعمل شنو
وانا كمان ماعرفت اعمل شنو لمم سمعت رنا بتقوليها ده زوجي
والله العظيم احتمال اجمل واروع كلمه سمعتها في حياتي
المهم المره خجلت وانا طرت من الفرح ورنا رجعت رنا
لمن وقفنا جنب العربيه ودعتهم استاز خالد قالي خلي بالك من نفسك ياولدي وربنا يوفقك
اتلفته لي رنا واول مره اشوفه بتعاين لي كده نظره بتديك مليون احساس مع بعض
قالت لي بكري انا نتظراك
قلت ليها انتي بس خلي بالك من نفسك وانشالله كل شي بكون زي ماعاوزين
ودعتهم لمن العربيه اتحركت حسيت بي وجع في صدري
عرفت انو رنا شالت قلبي معاها ومشت
والله بكيت لمن عمك بتاعرالطبيله جاب لي صندوق بيسي قالي استغفر ربك ياولدي كدي اقعد
وشربته مويه وغسلته وشي بس ماقدرته اوقف دموعي
رجعته المعسكر
وتلاتا شهور كل يوم بصحه علي صوت رنا وبسمت رنا وعيون رنا
يوم طلعونا يوم السوق نشتري حجات
قابلني ودزالخزين بالصدفه ماشي العمره
واول ماشفتو شفته رنا
اااي ود الخزين كان اغبش ولابس ليهو جلابيه وحدر طاقيتو وخاتي ليهو سفه
بس شفتو رنا
واخدتو بالاحضان لمن هو استغرب
لانو جاي من طرف رنا
جاي وممكن اسالو من اخبار البلد ومن رنا
طمني ابوي واني بخير
سالتو اها عصمت تمه عرسو ولي لسه
قالي والله الجنا ده فقر وعارض وحظو زي الزفت
البت العقدو ليهو عليها ابتو وعيت وقربت تروح فيها طبعا قاصد رنا
قالي ابوها استاز خالد ماخلي علاج ماسوي ليها
المهم الحمدلله بقت كويسه ونجحت جابت درجه كبيره
تعرف احمد المع عصمت في قطر
قلت ليهو ااااي بعرفو
جا قابل استاز خالد قلليهو والله عصمت مرسل ليكم معاي الجواب ده
الحمدلله عصمت طلق البت
قاليهم من الاول رنازمانصيبي بس قبل يكمل لي الصول ادم ناداني ياطالب اثبت فوق
طبعا بدون اي مقدمات اتحركته وركبته العربيه
وحت ماودعتة ود الخزين
ضحكي علي قالي بكري عجبني ليك العسكريه الادبيتك
ضحكته لانو اداتي احلي خبر
جا جاري قبل اركب العربيه في اضاني
قالي.......
يتبع.......
