امي قالت لي بكري انت مطرطش استاز خالد عندو كم بنت مش منال الكبيره وعرسوها زمان
ورنا
قلت ليها ااااي
قالت لي طيب يعني حيكون حيعرسو منال ما اكيد.رنا
قلت ليها امي كيف يعني رنا
وكيف في يومين كل شي ينتهي
امي قالت لي هووووي بكري اوعك تسوي لينا فضائح
الزواج قسمه ونصيب
وانت زاتك تزوج بي سجمك ولي رمادك
انت لو شفته الدهب الجابو ليها والحجات
ياخ ادو ابوها قولت خير 10 مليون ده غير المهر والحجات
مابتصدقو لو قلت ليكم دمعتي نزلت وامي لاحظت لي بكري الترابه في خشمك وفي خشم امك
بتبكي يا خايب الرجا
قلت ليها امي استاز خالد بكون اغروهو بالقروش
بس عليك الله امي رنا موافقه
قالت لي ما سجمه
لفحت توبه ومرقت
جات تاني راجعه
شوف بكري ولدي انت مابتقدر تغير حاجه في القسمه
انا دي ود عمي حسن ناضم فيني قبل خمسه سنه اتزوجته ابوك وااحمدلله سعيده
ولدتكم وربيتكم .
بعدين بكري شوف لو هي قسمتك ولا مليون عصمت يقدرو ياخدوها منك
وققلت الباب وقلبي وجعني
دخلته الحمام بيكيت قدرتي
واتزكرته ابوي وامي لو عرفو اني منهار ممكن اسقط في نظرم
بس ماقدرته امشي بيت العرس
جات امي جاريه بكري ووووووووب
فضحتونا انت مجنون
قلت لي البت دي شنو
قلت ليها امي البت منو
البت دي عاوزه تجيب ليك مشاكل
اسه تطلع تمشي الخرطوم
امي عليك الله الفيني مكفيني
جا ابوي داخل علي الطلاق دي قلت ادب
خير في شنو مالك هايج
كيف يعني الناس تقعد العقد المازون يقول عاوز راي البت موافقه ولي رافضه
يدخلو يسالوها امها قالت موافقه من جوه الاوضه البت تكورك ماعاوزه اتزوج
ماموافقه
اسه خليتم جايطين
وابوها بقي قدر السمسمه قدام الناس
سبحان الله الخبر ده ممكن يكون زعل اي زول بس انا رجع لي الروح لي جسدي
واتلفت علي وانت وقت جيت مالك ماجيت العقد
متحشر جنب امك
جيل فاشك تفو عليكم
والله كلام ابوي ده قدر ماهو قاسي بس كان علي قلبي زي العسل
المهم امي لبست توبه ومشت بيت العرس
وانا زاتي قلت اطلع امكن ابوي تاني يجي يكورك فيني
لقيت ليك الناس كيمان كيمان
جاني حيدر جاري طبعا بشائم منو
قالي انت هنا وماظاهر
قلت ليهو خير اها بقو علي شنو
والله يامجدي كلام زي الافلام الهنديه اهداك المازون طبق دقترو ومشي
بس عمها عصام العسكري داك
شايفو دخل عليها
وماعارف الحصل شنو
جا عم التوم هووووي خلاص اتفرقو كل زول علي بيتو
في جوطت عم التوم دي اشوف عصمت
مشيت عليهو
اول ماشافني نزل وشو في الواطه
قلت ليهو كتر خيرك يارفيق الدرب
انشالله ربنا يتم علي خير
حاول يتكلم معاي مشيت خليتو
ومن الصباح مشيت علي الخرطوم
قلت خلاص يكفيني رنا رفضت
يعني ماباعتني زي ما افتكرته بس الطريق كلو مره اسرح ومره دمعتي تنزل
لمن عمك القاعد جنبي ياولدي مالك شايل هموم الدنيا في راسك
حكيت ليهو كانو كنت منتظر اي زول اشكي ليهو همي
خته يدو في صدري وقالي شوف ياولدي
عمك اكير منك ومجرب الحياه الرزق والقسمه والموت والحياه ديل مافي زول بتحكم فيهم
املا قلبك بالرحمن وانشالله لو في نصيبك تحكون
ليك
وياولدي عارف ربنا قال رفعت الاقلام وجفت الصحف
يعني كلو مكتوب
والمكتوبه مابتتفات والمكتوبه ياها الجات
والمكتوب في الجبين لابد تشوفو العين
كلامو ده ريحني شديد
وشكرتو بالجد كنت محتاج لي كلامو ده
وصلت الخرطوم
وسافرته برسودان
وفوضته امري لله الكاينه التكون
دخلت الكليه واول ايام كانت صعبه لانو درشونا درش شديد وانا كنت بفش قلي في التدريب
كان كل التعلميجيه مبسوطين مني
لحدي مايوم طلعونا ازن ساعتين نمشي السوق بالعربيه ونرجع
بس شفته حاجه حسيت انو ربنا عاوزني اشوف بي عيني
عارفين الواحد لمن يقول في الساعه ديك حسيت مزبوح بي منجل
انا في اللحظه دي اتمنيت اموت احرق اغرق
ندمت اني طلعته من المعسكر
ليه كل ما ابدا استعيد حياتي تاني ارجع لي نفس الام
اتخيلو شفت شنو
يتبع.......
