قالت لي بكري انت ليه خليت الجامعه
قلت ليها ظروف
قالت لي يعني تاني ماحترجع الجامعه تخيلو اول مره ما اقدر ارد علي السؤال ده
قلت ليها انشالله برجع
قالت لي انت كنت قعد تقري شنو
قلت ليها اداب انجليزي
رنا فرحت فرح عجيب
طيب بكري ليه ماتجي تراجع لي انجليزي
قلت ليها والله مافي مشكله بس انا لي سنه ونص مامسكته كتاب
المهم انحنا في وقفتنا ديك جاني مدثر ود بخيت هوووي بكري قالو ليك تعال بدورو عيش من طابونت الطيب الفي الحله الفوق
مشيت سقته الكارو بتاعت ناس عم سعيد
ومشيت الطابونه
وانا في الطريق بفكر في كلام رنا
ليه ما ارجع القرايه
والسبب شنو البخلي الاكبر والاصغر مني يقرو ويتخرجو وانا اتكسر في البلد من كارو لي كارو
ومستقبل شنو
اسمع ليك زول يكورك.طبظه هوووي طبظه اتلفته لقيتو حيدر
قلت ليهو الله يقطع حبل افكارك زي ماقطعته حبل افكاري
اسمع هنا حيدر تاني تقولي طبظه ولي زفت بشخبط ليك وشك العامل زي المركوب القديم ده
ضحك قالي يازول معليش والله حبيت اضحك معاك ساي
يازول تاني مابهظر معاك مدام بتزعل
قلت ليهو احسن زاتو
والله ياحيدر انا البلد دي كرهتها عشان هظارك الكتير ومسيخ ده
زي الكنت قعد افتش مبرر ارجع بيهو الجامعه
نطه ركب معاي في الكارو واعتزر لي
والله ماكنت زعلان منو
بس كلام رنا اثر فيني وبقيت افكر جادي ارجع القرايه
بس ماعارف ابدا من جديد ولي احاول ارجع جامعتي
المهم
رجعنا انا وحيدر
والطريق كلو حيدر يتكلم معاي وانا سارح
نزلنا العيش وجبته الفطور في الديوان الناس القاعدين
فطرنا وشربنا الشاي
وانا افكر في كلام رنا
الشافعه دي والله جتجنني يوم
معقوله ناس البيت والبلد كلها قالو لي ارجع جامعتك انا رفضته
بس سبحان الله سؤال من رنا يخليني اعيد حساباتي من الاول
قلت لي نفسي صدقو لمن قالو ورا كل رجل عظيم امراءة
المهم لكزني حيدر يازول عمك ده بتكلم معاك ردليهو
اتلفته علي عمي معليش ماسمعتك والله
قالي انت ياود مطرطش
قلت ليك دخل العده دي وانت مطير عيونك سارح
مارديت عليهو دنقرته شلته الصنيه
وديته بي غادي
لاقتني سهي بت عمي
بكري صباح الخير وين من امس ما شفتك قلت ليها والله بس جري
وانت حضرت سيادتك.نايمه ههههه
ضحكت قالت لي ماقدرته انوم باليل الباعوضه والسخانه
قلت ليها يعرفوك شهاده عربيه كيف
وضحكنا بس لاحظته ليها بتعاين لي بي طريقه عجيبه
قلت البت دي مايكون كلموها حريم البلد المخرفات ديل اني قتلته امها هههههه
المهم انتبهت اني شايل الصنيه
دخلت الصنيه وانا راجع تاني وقفتني سهي
بكري ممكن العصر تودينا البساتين
افقعته ضحك البساتين دي في السعوديه هنا عندنا جناين هي زعلت طيب معليش الجناين
قلت ليها سهي ماتزعلي مني بهظر معاك
قالت لي عادي بس هظارك دمو تقيلزوابتسمت
المهم العصريه طلعنا انا ومنزر وسهي ماشين علي الجناين اتخيلو القابلنا في الشارع منو
رنا وقفت سلمت علينازوعرفتها علي سهي ومنزر
بس حمرت لي شديد
وشويه وتديني كف قالت لينا امشو ما اخركم من مشواركم
سهي نطت قالت ليها ماعندنا شي ماشين نشوف الجناين
المهم رنا مشت وانحنا واصلنا طريقنا
وصلنا الجناين وكانو مبسوطين شديد
المغرب قرب قلت ليهم.نرجع خلاص
قالو لي ننتظر الغروب
قلت ليهم انحنا في الطريق بنشوف الغروب
اللهم رجعنا في الطريق سالتني سهي رنا دي منو
قلت ليها بت حلتنا
يعني جارتنا ساكنه في الشارع الورانا
ابوها استاز خالد
قالت لي طيب ليه هي بتعاين ليك كده
قبل ما ارد عليها منزر كان شويه بعيد بس لقيتو جنبي بكري في شباب هنا بلعبو كوره
قلت ليهو اي في فريق بتاع الحله
اسمو الكفاح
قاليدخلاص عاوز اتمرن معاهم
قلت ليهو مافي مشكله بكره العصر نمشي المرين
وانحنا داخلين علي البيت سهي قالت لي مارديت لي رنا ليه بتعاين ليك كده
قلت ليها كده كيف
قالت لي بلاش استعباط
ومشت
انا بقيت واقف في مكاني
ياربي البت دي قصدها شنو ورنا كانت
بتعاين لي كيف
في وقفتي دي وقف بكسي ود الخزين ونزل ابوي
سملت عليهم
دخل ابوي سلم علي سهي ومنزر
قعدنا كلنا في الحوش نشرب شاي المغرب
كان منظر خلاب عناقريب مفرشه وحوش مرشوش
وانحنا متجمعين حولين الشاي وبعيد مننا كان امي مولعه ليها فانوس مع ضو القمر كان نور الفانوس ماظاهر
لاحظته لي سهي بتعاين لي
وفي عيونه مليون سؤال
قمته من جنبهم
ناداني منزر بكري انا جاي معاك
ابوي قالي ماشين وين كان ربنا هون
قلت ليهو بناخد لينا قعده في النادي وبنرجع
انا كنت هارب من نظرات سهي
كنت خايف بس ماعارف سبب الخوف شنو
المهم وصلنا النادي
عرفته منزرزعلي الشباب اتميفو من منزر
لانو كان بشوش وحبوب
المهم رجعنا البيت
دخلته اشوف لينا حاجه ناكله انا ومنزر
سهي كانت صاحيه
بكري عاوز حاجه
قلت ليها شكرآ
جاتني في المطبخ لسهرماجاوبته لي
قلت ليها اجاوب علي شنو
قالت لي موضوع رنا
امي من وراي بكري انشالله خير بتسوي في شنو .........
يتبع........
