قالت لي بكري ماعارفه بس منتظراك من قبيل
قلت ليها انشالله خير
قالت لي انت ماعندك قلب
مابتشعر مابتحس
قلت ليها خير ياسهي الدنيا ليل ولو امي ولي ابوي صحو اليوم ده مابعدي علي خير
قالت لي بكري خلاص امشي مدام انت ماحاسي بي اي شي
فعلآ مشيت بس مستغرب البت دي حتجيب لي مشكله مع ابوي
الصباح نفس البرنامج كل يوم ابوي قالي يابكري لسه نايم ليك حق تنوم للضحه
رفعه عيني النجوم لسه باقيها في
قمته ومشيت الجامع
جيت راجع شلته عدت الحليب ورميت العلوق للبقر
وبديت احلب في البقره
بس خيالي وعقلي وبالي كلو مع رنا
واتزكرته اي حاجه حصلت امس
بس لحدي هنا واختفي بكري
راح بكري
مره الزمن وابوهو جا الزريبه يكورك يابكري انت طرته وين ياولد
لحدي مالقي المفاجئه بكري واقع وقرقان في دمو
الحمدلله انو ابوي جا في الوقت المناسب الا كان حصل مالايحمد عقباه
المهم ابوي شالني وجري بي البيت امي ضرخت لمت الحله كلها فينا وابوي نهره
بقو ماعارفين يسكتو امي ولي سهي
حا ود الخزين بي بوكسيهو
ختفوني ودوني شفخانه في الحله الفوق فيها حكيم
الحكيم قاليهو ده طوالي تمشو بيهو المستشفي
ابوي حلف مافي مره تركب معاهم
وقالو سهي عملت عمايل
ودوني المستشفي
لمن وصلنا قالو طوالي دخلوني
والدكاتره اتلمو فيني الحمدلله
قالو ضربه في الصدر عملت لي كسر في الترقوه
والضربه فقدتني الوعي بس كويس مافي خطوره ابوي رسل ود الخزين قاليهو امشي طمن ناس الحله
والصباح تعال .
المهم عدينا يومنا داك كلو في المستشفي
الصباح الدكتور قال يطلع خلاص مابحتاج حاجه
بس يخلي يدو مربوطه عشان الكسر الفي الترقوه
انتظرنا ود الخزين
بس بلا اشوف ليك امي وسهي ومنزر
وامي جات عاوزه تقلدني ابوي نهره الود ترقوتو مكسوره براحه
وسهي الدموع اربعه اربعه
ركبنا وفي الطريق شايل هم رنا لو سمعت ممكن يحصل ليها شنو ههههه قلت والله هي السبب
افكر فيها واتزكر في كلامه ماربطه حبل المحويت
وحبل المحويت ده عباره عن حبل صغير بربطو بيهو رجول البقره قبل يحلبوها عشان ماترفس
وانا سارح مع رنا البقره سرحت بي ههه
المهم قربنا من البيت اشوف ليك الشارع مليان
الحريم والشفع ورجال وشباب
المهم دخلوني في الديوان وبقو يجوني افواج افواج
وانا افتش في رنا
بس فجئه قلبي يدق بي قوه لمن خفته انو يقيق
شفته استاز خاالد ومرتو بس للاسف رنا ماكانت معاهم
سلمو علي واتحمدلو لي السلامه
ام رنا قالت لي والله ياولدي رنا قلبه رهيف
لمن سمعة امك تصرخ وتبكي وعرفنا انو البقره ضربتك تعبة ودوها الشفخانه اسه مركبن ليها درب
انا لو ما الملامه كان نفسي امشي اطمئن عليها
المهم ناس تمشي وناس تجي لقيت نفسي نمته
جاتني سهي
بكري قوم اشرب الشوربه دي
قلت ليها تسلمي رنا
ختت الصنيه في الطربيزه وقالت لي انا سهي ما رنا
ومشت
حسيت اني جرحتها بس والله بدون قصد
ناديت امي وقلت ليها رنا بت استاز خاالد قالو وقعت ودوها الشفخانه
امي سجمي وقعت من وين
قلت ليها امها قالت لي بس ماعارف وقعت من وين
خجلته اقوليها وقعت عشان عرفت انو البقره رفستني ههه
امي جرت توبه وجري علي بيت ناس رنا
نص ساعه وجاتني
قالت لي بكري انت في شنو
قلت ليها كيف في شنو
قالت لي وحات نظري في شي
انت ياولد قلت للبت دي حاجه
البت دي لمن شافتني قربت تنط من السرير
وبي خلعه ولهفه خالتو بكري كيف
ودموعه اربعه اربعه
امها خجلت وانا خجلته
والبت تسوي في التسوي فيهو
ابتسمته بس براحه عشان امي لو لاحظت للابتسامه دي بتجرني من رقبتي ترميني في الواطه
الحمدلله جو رجال داخلين وللاسف معاهم حيدر
اعمامك كفرو لي وطلعو استلمني ليك حيدر
يازول البقره رفستك كيف
انت زاتك مدام مابتعرف تحلب الشلاقه ليك
شنو
اها يابكري في شي اتكسر في تاني غير الترقوه
قلت ليهو تتكسر رقبتك يارب تاني عاوز يتكسر شنو
طبعا في سري
قلت ليهو ااحمدلله بس الترقوه
المهم ربك الرحيم الكريم جو ناس عمتي وبتهم لجين
طبعا كفرو لي ولجين قالت لي سلامتك بكري
هو المكسوره يدك انتي ولي بت عمك تضحك
قلت ليها لجين عليك الله نادي لي سهي
انا بدون ما اشعر قلت ليها رنا
لجين وكمان فيها رنا كان كده تستاهل كسر الرقبه مش الترقوه ومشت ههههه
قلت لجين دي ياهو جنها من زمان عارفو
اسه سهي ارضيها كيف
متين اشوف رنا واطمئن عليها
اول مره اصحه من النوم الشمس داقه فيني
المهم دخلته استحميت وغيرته
الضهريه كده امي قالت لي بكري تعال بي غادي في ناس عاوزين يكفرو ليك
قلت لي امي كويس زهجته قلت ديل شنو كمان البجو يكفرو علي وينادوني ليهم
لقيت ليك اخر حاجه كنت اتوقعه
وقفته مسافه قبل ادخل وفجئه عينه جات في عيني
وبدون اشعر لفيت رجعته
اتخيلو كنت خايف اقابله
خفته اول ما اشوفه اقوليها بحبك يارنا
ناديت امي قلت ليها من البي غادي قالت لي رنا امها جابته قالت مصره تجي تشوفك
وفكو ليها الدرب وجات
مابتقدر تنزل عتبات الديوان عاليه
مشيت مع امي وخايف من الحيحصل
وقفته في باب الاوضه
وكان وش رنا عباره عن قمر14 بس شاحب
عليها علامات الارهاق والتعب
شافتني سلمته عليها وقالت لي سلامتك بكري
ماعرفته ارد اقول شنو
في اللحظه ديك دموعه نزلو امي وامها
حاولو يطلعونا من الموقف المخجل ده
خلاص ياولدي ارتاح براك تعبان
بس رنا اصرت تجي تكفر عليك
تخيلو لمن مرقو مارديت ولا بي كلمه وفصلته متنح لمن قفلو الباب
وامي بكري ياولد وحااات الله ماك براك
ياشفع الزمن ده بقي عينكم قويه سوب فيكم
قالت لي تخيل رنا قالت لي شنو
يتبع.......
