قالت لي سهي ماعرفت توصفك لي انت مختلف كتير من وصفه
قلت ليها الاختلاف احسن ولي هي ادتني اكتر من حقي
قالت لي دي ظلمتك وضحكت انت رهيب بي كل المقايس
عحبتني كل المقايس دي
الشافعه دي قليصه بس دمها خفيف
وزعوني المطار الحربي
وقبل عرس سهي بي كم يوم جاني امر تحرك لي دارفور
الحمدلله ح احضر العرس واسافر
قبل العرس بي يوم امي وابوي وناس البلد كلهم جوو
امي قالت لي بكري ولدي مانشوف ليك بت خالك دي
واتخلعته لانو بت خالي دي اصغر مني بي 9 سنه
وكمان نهاي مابحبها بحس بيها شافعه شافعه
الحمدلله ابوي نطه وقاليها بت اخوك خليها ليك بكري يفتش عروستو انشالله حبشيه انا بعقد ليهو عليها
من ناس اخوك كفانا انتي هههه
الحمدلله طلعته من الورطه دي
وكان يوم العرس لابس لي بدله ومتظبط
قالو لي بكري تسوق العربيه تمشي تجيب العرسان
المهم ظبطه العربيه قبل اتحرك نطت توته اخت سهي ح امشي معاك
وفي الطريق قالت لي بكري بالبدله رهيب
قلت ليها رهيبه عيونك
وضحكنا وحسيت اني بديت انجزب ليها
دمها خفيف وحلوه وبت عمي يعني مافي شي بخليني ما افكر فيها
قبل اتحرك اسمع ليك زول بخبط في العربيه وقفت خلوع
كانت مرت عمي امي سهي
يابت طايره وين
قاالت ليها ماما ماشين نجيب سهي
قالت ليها طيري انزلي كلام فارغ
كنت مستغرب المره دي بتكرهني كده لي شنو
بس قلت احسن نزلته بدل ما يشفونا سوا يفتكرو حاجه
اول ماشفته سهي والله قلبي وجعني البت طالعه زي نجوم بليود عسل عديل بس اخته لي ضحكه حظي وعارفو مبروك عليهو
وسهي تستاهل كل خير
لمن طلعت من الكوفير
جات قريب مني وقالت لي كان نفسي تكون انت معاي ف اليوم ده بس بدلتني بي رنا
ومارديت عليها بس حسيت بالعبره خانقاني
تميت اليوم ده
وكل ما توته تقرب مني امها تناديها
قلت دي اشيله من حساباتي
مدام امها قبل اتقدم ليها بتعمل كده
والصباح لبسته لبسي العسكري وطالع ناداني عمي عثمان بكري قبل تسافر ابوك ده قالي انت عاوز تخطب اها حددته زوله بالاسم عشان نمشي ننجض ليك
نطت امي سهي كئنها خايفه اقول توته
قالت والله بكري مليون بت تتمناهو
ياريت لو توته دي ما ناضمين فيها انا كنت خطبتو ليها
وكده بطني طمت
وعمي عثمان اتخلع بس ماحبه يحرجه
قلت ليهو ياعم كل شي بي وقتو
بمشي الماموريه دي وبرجع
والفيهو خير ربك يسويهو
ابوي قاليهو عثمان كيف بتدي بناتك بدون شورنا
مارده عليهو ابوي زعل
وناده امي يافاطنه ارح يامره ارح اطلعي
ده كلام فارغ وعمي عثمان بقي مطير عيونو ومرتو العارض دي قلبه وقف عارفه عمي عثمان ممكن يطلقه عديل عشان صغرتو قدام الناس
ودعتهم بس امي اول مره تبكي وتودعني قلت ليها امي كلها شهرين وبجي راجع
ابوي ودعني وقالي خلي بالك من نفسك
جات توته بكري خلاص ماشي وامها تحمر ليها
ودعتني وشفته عيونه اتملو دموع
مستغرب الناس دي ماله اول مره اسافر
المهم انا زاتي دمعته وابوي هزاني انت ضابط خليك من الحريم ديل مطرطشات امشي ربي يعدل طريقك
وصلت المطار وكنت مساعد كبتن لي اول مره
وكان احساس عجيب انك تكون كبتن طيار طياره حربيه
المهم وصلنا المطار وكانت رحله ف الزاكره
والكبتن رفع تقرير انو انا جاهز اطلع طلعه جويه
وفعلا كان اليوم المحدد للطلعه بعد المغرب
وكان الاجواء غبار
قلت لي القائد ماجاهز
قالي يا ضابط بطل فارغ واتوكل علي الله
وجهزنا نفسنا للطلعه وجاتنا اشاره نقلع
كان معاي ضابط برتبة رائد
دقاني في كتفي اتوكل يابطل
ودي اخر كلمه سمعتها
عارفكم حتطيرو عيونكم بس للاسف الطائره وقعت
واستشهد بكري اااي استشهد
ربنا اراد بكري مايتزوج رنا حبو الاول والاخير وحضر زواج سهي وحت توته القلبو دقي ليها بعد رنا امها رافضه
جا الخبر لي اهلي وبكت البلد وحت الشجر والبقر والعصافير
رنا اغمي عليها وكانت ح تلحقني وسهي ما اتهنت بي شهر عسله
وتوته شبه جنت
ياخ حيدر بكي علي
لي درجه ام سهي بكت علي بدل المره الف
وامي كانت متصبره بس تردد بكري ولدي ما وش حياه بكري ولدي مشي لي الاكرم مننا
بكري ولدي مااات شهيد
اااي ماحننتو ولا زفيتو لي عروستو بس ربنا زفاهو لي بنات الحُوَرَ
النهايه مؤلمه بس مالازم دايما تكون النهايه زي ماعايزين حبيت اكسر الروتين بتاع الروايات والافلام الهنديه دايما البطل ينتصر
حقيقه بكري ما انتصر ف الدنيا بس عند ربنا حي يرزق شهيد
اتمني تسامحوني لو عصرت عليكم
فتكم عافيه قلبي وجعني
لُيَ كِلُ الُمٌتْابّْعيَنَ نَتْمٌنَا انَ تْكِوَنَ ْْعجْبّتْكِمٌ الُرَوَايَُه بّسِ يَ رَيَتْ الُمٌرَُه دِيَ مٌا تْتْكِتْبّوَ تْمٌ تْتْكِتْبّوَ مٌلُاحُظٌِاتْكِمٌ فَيَ الُرَوَايَُه وَارَاءكِمٌ
