مرت السنين بي سرعه وجات اجمل واروع لحظه لحظت تخريجي
وامي وابوي وكم زول من ناس الحله جا
وكان نازلين في بيت خالي في ام درمان
وانا كان تخريجي في كرري الكليه الحربيه مع طلاب الكليه الحربيه
واقف في الطابور وميدان التخريج مليان ناس حريم تزقرت وناس تهلل وناس تكبر
ومسيقه الجيش تعزف
كان احساس لايوصف
تشعر بالفخر بي انك انجزت حاجه في الدنيا
تفرح لي فرح امك وابوك تعاين السعاده في عيون القاده والمدربين الدربوك
واللبسه العسكريه بتاعت التخريج امكن من اعظم وافخر مالبست
المهم زاعو اسمي الملازم خريجةبكري احمد سعد
الكليه الجويه
في اللحظه دي كان كل الدنيا بتقول بكري
وفي اللحظه المهيبه دي خطرت في بالي ياربي رنا تكون جات ياربي اتغيرت ولي رجعة زي اول
ياربي استاز خالد بقي كويس
ياربي امي بتكون رضت
لمن وقفت وحيت السيد الرئس والقائد الاعلي للقوات اامسلحه
وانتهي الفرح الخرافي وجات لحظت الحقيقه اللحظه الخلت احلي يوم في حياتي عباره عن يوم موتي
كل ما اقول قربت لي رنا القي نفسي ببعد الف سنه ضؤيه
اتلمو حولي ناس البيت واولاد الحله وناس خالي واولادو
بس كنت فاقد اغلي اتنين رنا وسهي
رنا
هي الحب الحقيقي
تتخيلو معاي اول حب رنا
عرفت معنا الحب مع رنحسيت بي كل الاحاسيس البتتقال في الاغاني كان مع رنا
حسيت بي معنا الالم الحقيقي رنا
عشت اسو ايام عمري بي سبب رنا
عرفت اني وفي ليها بعد كل الحصل منها ولقيت نفسي لسه بحبها
سهي
ااااي سهي دي الانسانه الحبتني بدون مقابل حبتني وانا كنت مشغول عنها بي رنا
حبتني بمعنا الكلمه وانا بادلتها صدود وجفاء
كنت حاسي فرحتي ناقصه كتير
وكان نفسي اجري في الاستاد وافتش عليهم
كنت ناوي اعلن في مكبرات الصوت جيبو لي رنا وسهي تخريجي وفرحتي مابتكتمل بدونم
في زول هزاني من كتفي
اتلفته بي خلعه
كان محمد ود الكاهلي ومعاهو رنا ااااي رنا طبعآ بقي حيلي ماشايلني ده شنو الشايفو ده كيف رنع محمد
سلم علي مبروك التخرج ياحبيب ومزيد من التقدم
كنت سامع صفاره قويه في اضاني لمن راسي لفه
وبقيت ماشايف ولا سامع ولا حسيت بي نفسي الي الناس ملومين حولي جات
سيارة الازعاف وخموني
وفجئه فتحت عيني في سرير بي لبسة التخرج وحولي ناس بيتنا وكم واحد من دفعتي حمدله ع السلامه جنابو
واحد دفعتي جنابو بكري بقيت ملكي اسه وقعتك دي بقعه ضابظ وضحكو كلهم بس والله ماكنت معاهم
وامي كانت متاكده وعارفه سبب وقعتي شنو
لانها كل ما اعاين ليها تحول عيونه مني
المهم اهلي رجعو البلد وانا من السلاح الطبي مشيت كملت باقي اجراتي بتاعت التخريج
وادونا اسبوع اجازه ونرجع يوزعونا علي وحداتنا
مشيت البلد وياريتيني ما مشيت
قابلني ود الخزين سلم علي وبارك لي التخريج قالي عندك خبر عمك استار خالد نرقدنو في المستشفي ليهو كم يوم
وطبعآ كان عندي ليهو معزه خاصه
المهم مشيت البيت ولقيت ابوي ضابح وعازم ناس البلد
الناس داخله ومارقه يجي محمد ود الكاهي
ولمن شفتو عيوني زغللو وبطني طمت وراسي لفه
بقيت ماعارف اشكرو عشان ستر حبيتي وسكت الناس ولي اكرهو عشان حرمني من حب حياتي
المهم مشاعري كانت مشتته
اتفرقو الناس ولبسته قلت امشي اكفر لي استز خالد وابارك ليهم عرس حبيبتي
ملاحظين معاي ماقادر استوعب رنا لي غيري بس القسمه هي الكلمة بتمشي
مشيت سقته بوكسي ود الخزين
وصلت المغربيه لقيت ام رنا سلمت عليدودمعته في عينه بكري عليك الله اعفي لي
انا اتلومته فيك كتير
والله ربنا عوضني بي ولدي مدثر المات بيك ولو عندي خمسين ولد ماببقو زيك
فتح استاز خالد عينو وسلم علي وكان بحاول يتكلم بس ماقادر
وفجئه حسيت بي رعشه من صوف راسي لي كرعي
جات رنا وجات شايله دوا ولمن عيني جات في عينه قالت لي حمدله ع سلامتك بكري ومبروك التخرج امي طلعت عارف محتاجه اتكلم مع بكري
قالي رنا متين امنك امانه تحفظيها لي
اول مره عصمت وقلت مجبوره
واسه اتزوجتي وخليتيني
قالت لي بكري وانا ح افضل عمري كلو اضحي عشانك لمن عصمت عقد علي كنت عاوزه انتحر
ولمن عرفت اني حامل منو كرهته نفسي وانتحرته لو ما انت رجعته كنت انتهيت
محمد زول كويس بحترمني ومتشغال بي كلام الناس
ااسبب الخلاني اتزوج غيرك امك جاتنا في البيت واتشاكلت مع امي وقالت كلام كتير
واخر حاجه قالت لي امي تعرسو بتكم لي ولدي اتبري منو قدام الناس وماعافيه ليهو دنيا ولا اخره
نطيت قلت ليها بكري اخوي ومابفكر اعرسو بس حيفضل اخوي رضيتي او ابيتي
وقلت لي امي انا بتزوج اول زول يدق الباب والحمدلله ربنا عوضني عصمت بي محمد لكن انت يابكري اولاد ادم كلهم مافيهم البسد مكانك
جاء محمد والكاهلي داخل وشافنا انا ورنا واقفين ماسلم طير عيونو وقال لي رنا ..
يتبع......
