قالت ليها معقوله يارنا نجيكم في بيتكم مانلم فيك
رنا اعتزرت ليها سامحيني سهي والله امس انا وامي كنا حاين نسلم عليكم بس جونا ضيوف
حبيت اخفف التوتر قلت لي رنا لسه مافات شي اليوم تعالو
سهي حمرت لي
لمن ام رنا حست في لبش حاصل هههه
المهم غيرنا الموضوع اني جيت عاوز المنهج بتاع الانجليزي عشان اشوف فيهو شنو ونبدا المراجعه
وحات الله رنا ابتسمت ليها ابتسامه اول مره اشوفه في حياتي
ياخ في ابتسامه هوليود مفروض يكون في ابتسامه اسمه رنا
البت دي وحات الله عاوزه تجنني
المهم في الطريق سهي كانت ساكته وانا كنت سارحةمع ابتسامت رنا
فجئه سهي قالت لي انت لو بتحب رنا ليه ماتكلمه قلت ليها يابت احبها شنو والله في البلد تقول لي بت بحبك الي تشوف ليك بلد تهج عليها
مافي كلام زي ده ياسهي
قلت ليك البت دي زي اختي
وابوها استازي مستحيل افكر فيها اي تفكير تاني
غايتو مشتني بس مكان مقتنعه وانا زاتي ماكنت مقتنع
وصلنا البيت لقينا عمتي عوضيه وبتها لجين في البيت
اول مره لجين تشوف سهي
خليتم يلسمو علي بعض ومشيت لي منزر في الدوان لقيتو مشالله معاهو اربعه من اولاد البلد قاعدين يتونسو
عمي عثمان شكلو حاكي لي اولادو كتير عن البلد لانو منزر بسالني اسئله كتيره
المهم قعدنا اتونسنا والصباح نفس البرنامج
ابوي جا يكورك يابكري حلبته البقره علقته لي البقره مليت الازيار
قمته وانا بسال في نفسي لي متين ح اكون في الحاله دي
النهار امي نادتني بكري تعال كسر لي الحطب ده عاوزين نعوس
شلته الفاس اكسر في الحطب جااتني سهي بكري خلي بالك من نفسك الفاس ده مايضربك
عاينته ليها في عيونه كان نفسه تقول حاجه بس اتلفتت لقت لجين بت عمتي واقفه وراها
لجين عمرها من عمري وفردتي شديد
قالت لي بكوري اعمل حسابك الفاس مايضربك وضحكنا هي كانت بتحاكي سهي
وانا بتشطف جاتني لجين بكري والله سهي دي بتحبك اليوم كلو في سيرتك
عملت لي بت الناس دي شنو
قلت ليها لجين عليك الله خلي هزارك البايخ ده البت شافعه وشهاده عربيه بكون بس نظام اعجاب ما اكتر وبعدين انا عمري مانظرته ليها غير اختالمغرب لبسته لي جلابيه وشلته الكتب طالع جنب الباب وقفتني سهي
شيفاك مستعجل براحه بتحصل وضحكت كلامه ده زعلني
قلت ليها سهي علي فكره الافكار الفي راسك دي شيليها
بس كان بي طريقه قاسيه حبه
هي زعلت بس ما اشتغلته بيها
وجات اللحظه المنتظره من اول امس انو رنا تكون قاعده قصادي وانا بشرح ليها
صدمني استاز خالد
لقيتو خاتي لينا طربيزه في الديوان وهو مفرش عنقريبو في الحوش
ومولعين لينا فانوس
سلمته عليهو قالي اتفضل ونادا رنا يابت بكري منتظرك
جات لابسه عبايه
اول مره اشوف عبايه سودا بشع منها نور كان وش رنا
المهم بديت اسئله
لقيته مابتعرف حجات كتيره
قلت ليها طيب رنا عشان تفهمي مني لازم تاخدي علي
واي حاجه مافهماها وقفيني
قلت ليها اول حاجه نبدا قرامر
وبدينا بي الحجات الهينه
فجئه رفعته عيني لقيت رنا بتعاين لي بي صوره عجيبة
لمن انتبهت خجلت وابتسمت في نفس اللحظه وانا قلبي قرب يقع من صدري
حسيت احساس مبالغ فيهو
قلت ليها رنا قالت لي اااي بكري
قبل اقوليها كلامي ابوها جا داخل اها بكري رنا ماشي كيف
قلت ليهو مشالله ماعندها مشكله كبيره
بس محتاجه تركز حجات بسيطه
قالي خلاص انا بمشي اصلي وبرجع
لمن قفل باب الشاارع وراهو
حسيت بي اني اطلق صراح عيوني وقلبي لي رنا
لانو استاز خالد لمن كان قاعده بره كنت حاسي اني مراقب
فجئه رنا قالت لي بكري انت عندك حاجه مع سهي بت عمك عثمان
قلت ليه لي في حاجه
قلت لي ملاحظه ليها بتغير عليك شديد
قلت اختبره طيب انتي ماقعد تغيري علي
اترددت وعرقت وشها حمر
حقيقه رنا فيها حاجه غريبه عندها اكتر من ابتسامه
لمن تفرح ولمن تزعل ولمن تخجل
وكل ابتسامه احلي من التانيه
وهي بتكتب كنت بعاين ليها
وهي رفعت عينه عاينت لي قالت لي بكري مامصدقه اننا الاتنين قاعدين قصاد بعض
واتا بتشرح لي
قلت ليها رنا حابي اعترف ليك بي حاجه
بس مامتاكد من ردت فعلك امكن تزعلي مني
قالت لي مستحيل ازعل منك انت ماعارف مكانتك عندي
قلت ليها رنا انا قبل اكمل امها جات داخله شايله الشاي قالت لي
يتبع......
