قلت ليها امي جينا انا ومنزر يادوب من النادي بشوف لي في حاجه اكله
طبعا سهي طوالي اخدت بعضها ومشت
مسكتني امي هووووي بكري انت مجنون اسه لو ابوك صحه وشاف البت دي واقفه معاك في المطبخ انصاص الليالي كان ضبحك وضبحه فتح عينك
امي بت شنو
سهي بت عمي ومستحيل افكر فيها غير اختي
وعادي ممكن اصحيها عشان تسوي لي العشاء
قالت لي بلاش لماضه شيل عشاك ده وطير
نادتني بكري قلت ليها اها امي قالت لي في شعيريه في المشلعيب
ولبن تحت المزيره
وحااات الله الامهات ديل الحنان زاتو
زعلانه مني وقلبها علي
قلت ليها طيب امي بجي اشيلم
اتعشينا انا ومنزر
ابوي من المجمه صحانا بكري ياولد منبطح نايم زي الحريم
النايم ليها شنو
قوم لم القش المشتت في حوش الديوان ده
وعلق لي البقره واحلبه
اسمع قبل تمشي الزريبه شيل ليك باقه باقتين من البير اسقي الشتلات ديل
طبعا ده كان برنامج ثابت كل يوم
واتعودته عليهو
بس بعد كلام رنا امس بقيت زعلان علي نفسي
لي متين اقعد اعلق للبقره
واحش البرسيم
ياخ دي عيشه اخير عدمه
وانا بطنطن لقيت ابوي واقف وراي مقزز كواعينك منتظر شنو
قلت ليهو ابوي استوك واصلي وبمشي
المهم خلصته كل الماموريه الطويله دي وانا راجع وحالتي تقرف
قابلتني سهي جنب الشجره تتسوك.
صباحو بكري
قلت ليها صباح الخير
كيف نمتي
قالت لي والله مانمته
بس البت دي فيها حاجه محيراني
عيونه فيهم حزن ماطبيعي
المهم وديت اللبن لي امي ودخلته استحمه
اتلمينا في الحوش بتعرفو ضل الضحويه اها قعدنا نشرب الشاي في طرف الحوش عارفين محل الضب برمي
اتونسنا
ابوي سال سهي اها يابتي حتعملي شنو
وياتو جامعه حتدخلي
قالت ليهو والله عمو ابوي قالي جامعة النيلين بس ماعارفه ابدا الاجراءت متين
وطيب منزر حيعمل شنو
منزر حيمتحن شهاده من هنا
ابوي قاليهو خلاص منزر بكره نمشي نسجلك في المدرسه اصلو فاضل ليها كم يوم والسنه الدراسيه تبدا
اتلفت علي ابوي
واها انت ناوي تعمل شنو انشالله
تفضل منبطح جنب امك دي
بدون اشعر قلت ليهو لا والله بمشي لي خالي سيداحمد
قبل كده قالي ممكن يدخلني كليه كرري اقري قانون واتخرج ملازم
ابوي قالي ههههههه ضابط مره وحدي
امي قالت ليهو عليك الله يا احمد مدام ربنا هداهو وعاوز يرجع القرايه ماتكسر مقاديفو
المهم لقيت ورطه نفسي
نص النهار راقد في الراكوبه بتاعت الديوان جاتني شهي
بالجد بكري حترجع الجامعه
والله خبر حلو . ماتتخيلي الخبر ده عجبني كيف
قلت ليها تسلمي يارب
لسه لمن اسافر اشوف خالي كلامو شنو مايكون غير رايو هههه
نطت قالت لي بكري انت بتحب رنا
طيرته عيوني واتخلعته ليه بتقولي كده
البت دي صغيره
وانا مابفكر في الحجات دي
قالت لي هو الحب محتاج تفكير
هو حب ولي مشروع تجاري
ياخ البت دي ماعرفتها جرئه ولي ناس السعوديه كلهم كده
سالتها طيب انتي ليه بتديني احساس انك حزينه
قالت لي ده موضوع طويل وح احكيهو ليك بس لمن تعترف لي بي حبك لي رنا
ومشت
المهم اليوم داك كلو راقد في البيت ماطلعته اي حته
باب الصالون دقه
قمت فتحته
لقيتو استاز خالد
قالي بكري رنا كلمتني قالت لي حتشرح ليها انحليزي كتر خيرك بكري مابتقصر
انت عارف الشفع ديل كلهم عندهم مشكله بتاعت انجليزي
لقيت نفسي اتورطه
قلت ليها مافي مشكله استاز
لمن هي تكون جاهزه كلموني بجي اشرح ليها
بس بجي اشيل الكتاب عشان اعرف عندهم شنو
ده كلو وانحنا واقفين في الباب
جا ابوي من وراي اتفضل خالد
يادو بكري مالك مادخلته عمك خالد
سلم علي ابوي وقاليهو لا والله انا مستعجل جيت دكان سعيد قلت امر ازكر بكري عشان يجي يشرح انجليزي لي رنا
ابوي قاليهو ومالو بكري اخوها ورنا زي اختو الصغيره
جواي قلت ابوي ده اسه في داعي يشتره كده
المهم المغرب طالع ماشي اجيب الكتاب عشان اشوف شنو فيهو من رنا
نطتت سهي بكري ماشي وين
قلت ليها ماشي اجيب كتاب الانجليزي من بيت ناس استاز خالد
قالت لي قصدك بيت ناس رنا
قلت ليها ااي.قالت لي خلاص انتظرني البس عبايتي وامشي معاك
قلت ليها خير بس كلمي امي عشان ماتفتش عليك
في الطريق سهي عرفت اني ح اشرح انجليزي لي رنا
وحات الله زعلت اااي زعلت
ولمن وصلنا سلمنا عليهم
خالتو ام رنا قالت لينا رنا عند الجيران مشت تجيب ليها عجين خمار وتجي مابتتاخر
اصرت سهي نمشي
وانحنا في الباب جات رنا داخله
لابسه تووب كانت عباره عن قمر ملفوف بي توب
مبالغه
طوالي سهي قالت ليها ...
يتبع.......
