قالت لي بكري رنا ماتكون عزبتك باقي فهمه تقيل زي ابوها وضحكت كانت خالتي سيده مره ظريفه وبتحب الضحك
قلت ليها لا والله ياخاله رنا مشالله
بالكتير اسبوع وبتكون ميه الميه
ختت الشاي ومشت
رنا قلت لي قصدك شنو بي اسبوع بكون بقيت ميه الميه
يعني حتشرح لي اسبوع بس
قلت ليها لا ماقصدي كده قصدي يعني اسبوع بتكوني انتهيتي من الحجات الصعبه
قالت لي طيب وريني كنت عاوز تعترف لي بي شنو
قلت ليها رنا والله من زمان كنت متمني اللحظه النكون فيها برانا
قالت لي اهو ياسيدي انحنا برانا
قلت ليها رنا انتي في زول في حياتك
قالت لي كيف يعني
قلت ليها انتي مرتبطه او عندك علاقه مع اي زول
ابتسمت ابتسامه جديده شكله ابتسامت الزول المستغرب ههه
المهم قالت لي شوف بكري انت ليه بتلف وتدور عاوز تقول شنو
قلت ليها والله رنا انا يوم استاز خالد قالي تعال اشرح لي رنا قلبي انشرح
قالت لي للدرجه دي مبسوط انك بتشرح لي
قلت ليها مبسوط حرام عليك مبسوط شنو والله انا طاير من البسط
قالت لي بكري حرقته روحي وينو اعترافك
قلت ليها رنا مارديتي لي في زول في حياتك
قالت لي ااااي في زول في حياتي وبحبو وبعشقو والله يابكري لمن اشوفو بحس قلبي حيطير من صدري
قلت ليها ده منو طبعا كنت ح اموت
قالت لي زول نسمه
زول لمن تعرفو والله يابكري حتحبو
قلت ليها رنا خلصي ده منو الزول البتقولي فيو شعر ده
قالت لي
بعد سطرتو كل غناي عليكي ونمي
اصبح كل زول بي زكرتك مهتمي
يا السكنتك العين والمجاري في دمي
حبك اصبح متحرك في قلبي ودمي
خلعتني البت
قلت ليها متاكده من كلامك ده
قالت لي عندك شك
قلت ليها
غوافي غناي علي السمحه الدوام بنسوقا
جات ما كافيه يا امعجن الحديث ما بعوقا
الما قالو بي الغي فارقت معشوقا
غفيرا العجمي واااااقف للمناهو يضوقا
كلمات اخوي
#ابوزحل
هي كانت مبتسمه وبتسمع في كلامي
اسمع ليك باب الشارع فتح
وجا استاز خالد في عجل زي الخايف اعترف لي رنا اقوليها بحبك
وقفته علي طولي
وقلت لي رنا نكمل بكره انشالله
قالت لي اكون منتظره اعترافك
سلمته علي استاز خالد
وفي سري قلت ليهو عليك الله كان صليت ليك ركعتين زياده بكلفك شنو
ماشي في الطريق
قابلني اكتر زول ما كنت متمني اشوفو في حياتي العارض حيدر
قالي بكري وينك يازول
من جوك ناس السعوديه بقيت ماظاهر
قلت ليهو والله حيدر بس جري
اخبارك شنو
حبيت اختصرو عشان مزاجي مامستحمل اشكال حيدر ده نهائ
اها انت جاي من وين
قلت ليهو حيدر والله انت فايق ورايق
نتفابل في النادي
ودعتك الله
ضحك قالي والله محدر طاقيتك كدي يابكري اصلو ماك براك
عملت فيها ماسامعو
فتحته الباب لاقتني سهي زي المنتظراني
قالت لي مابدري
كان تبيت معاهم اصلو قعد تشرح انجليزي ولي قعد تشرح في حبك ليها
ضحكته قلت ليها خلاص بكره ارح معاي عشان تعرفي بشرح في شنو
قالت لي بكري من مامرقته انارمنتظراك
قلت ليها فيك الخير بت عمي
ما اتحرم منك
قالت ولي وانشالله انا كمان ما اتحرم منك حبيبي
ومشت
انا وقفته مخلوه
ياربي البت دي قالت لي حبيبي
بقيت اكضب اضاني
المهم سالته امق وين منزر قالترلي جوهو اولاد سيداحمد طلع معاهم
قلا لي امي بمشي النادي امكن نرجع متاخرين خلو لينا عشا
قالت لي انتو الصياعه ليكم شنو لي انصاص الليالي وكمان بلا خجله خلو لينا عشا
مشيت النادي والله ماسامع حاجه غير صوت رنا
واول مره اخد سيك
ناس النادي كلهم اتلمو
بكري ود احمد اخد سيك
وزميلي محمد زعلان قالي بكري الله يسامحك
اليوم والله مابراك
اخواتي المابتعرف شنو يعني سيك في الكوشتينه تسال اقرب ولد جنبها
المهم ناس النادي هاجو وماجو وحات الله انا ماسامع غير صوت رنا
مشيناانا منزر البيت قالي الحصل شنو بكري فهمني
قلت ليهو ديل ماعندهم شغله
بنلعب لعبه اسمه ويست
قللي بعرفعه
قلت ليهو لمن ماتشيل ولا ورقه والقيمه ينتهي دي بسموها سيك
ضحك قالي والله ناس النادي ديل مجانين ههههه
وصلنا البيت منزر قالي سهي عاوزاك
خفته الدني ليل البت دي عاوزه تجيب لي مشكله
مشيت بي غادي
قالت لي بكري ..
يتبع.....
