SEÑORITA SERIES 3: JENNY (PUBLISH UNDER IMMAC PPH)

J-21

J-21

NAALIMPUNGATAN si Jenny nang maramdaman niyang parang umaangat siya sa ere. Mariin niyang na-ipikit ang kanyang mga mata at dahan-dahan na dumilat. It was Cole, carrying her. Ibinaba siya nito sa kanyang kama.

"C-cole..."

"Don Miguel is fine. Nagising siya kanina at muling nakatulog."

"Gusto ko siyang makita." Umiling ito.

"Hindi sa ganitong ayos Jenny. Ayaw niyang makita kang ganito. You need to eat Jenny. Hindi makakabuti sa iyo ang ganito."

Marahas siyang napabuga ng hangin.

"Kaya ko ang sarili ko," aniya.

"Padadalhan kita ng pagkain. Please eat it."

She just nod at him. Lumabas na ito ng kanyang kuwarto. Bumangon siya mula sa pagkakahiga at inayos ang kanyang buhok na nagulo.

"Señorita?" Ang kanyang Yaya Lupe.

"Tuloy po," sagot niya.

"Kumain ka muna señorita, kanina pa kayo walang kinakain e." Tipid siyang ngumiti dito.

"Dinalhan din kita ng vitamins saka salabat. Alam ko kasing masakit na iyang lalamunan mo dahil sa kaka-iyak."

"Ang Lolo Miguel? Nagising daw po siya kanina. Kumain na ho ba?"

"Oo, huwag kang mag-alala, malakas si Don Miguel, kakayanin niya pa."

Hindi siya kumibo.

"Salamat po dito."

Lumabas na ito sa kanyang kuwarto. Huminga siya ng malalim at nagsimula nang kumain. Kailangan niyang alagaan ang sarili niya. Ayaw ng kanyang Lolo Miguel na makita siyang mahina kaya kailangan maging malakas siya para dito. Kailangan sulitin niya ang mga bawat araw na kasama niya pa ito dahil ayaw niyang magsisi sa bandang huli.

NANG matapos siya sa pagkain ay siya na rin ang nagbaba ng kanyang pinagkainan para ihatid sa kusina. Pagkatapos ay dumiretso siya sa kuwarto ng kanyang Lolo Miguel. Natutulog na nga ito. Nang bumaling siya sa sofa ay nakita niyang nakatulog na rin si Cole dahil sa pagbabantay.

Dahan-dahan siyang lumapit sa kabinet at kumuha ng kumot. Lumapit siya kay Cole at kinumutan ito pagkatapos ay lumapit siya sa kanyang Lolo Miguel para hagkan ang noo nito.

"You're everything I had Lolo Miguel and I am going to make sure that you'll be happy until your last breath."

Agad naman niyang pinahiran ang mga luhang akmang tutulo sa kanyang mga pisngi. Nang masiguro niyang maayos at mahimbing na ang mga tulog nito'y lumabas din naman siya agad ng kuwarto.

KINABUKASAN ay maaga siyang nagising. Diretso agad siya sa kuwarto ng kanyang Lolo Miguel ngunit wala ito doon. Agad siyang nataranta at hinanap ito.

"Lolo Miguel?" sambit niya nang makita ang ito sa beranda, nagkakape, kasama si Cole.

Tumayo si Cole at nilapitan siya.

"Hindi niya alam na sinabi ko sa iyo Jenny. Please, act like you don't know anything," bulong sa kanya ni Cole.

Napalunok siya at agad na pinakalma ang kanyang sarili kahit na ang totoo'y gusto niya nang umiyak at yakapin ng husto ang kanyang Lolo Miguel.

"O-okay," sagot niya.

"Apo, come and join us," masiglang wika ng kanyang Lolo Miguel sa kanya.

She wanted to break down but she couldn't do that. Nanghina ang kanyang mga tuhod at muntik na siyang mabuwal. Mabuting na lamang at maagap si Cole sa kanyang tabi. Inalalayan siya nito hanggang sa maupo siya sa tabi ng kanyang Lolo Miguel.