سادي راقي

كشف المستور

سادي راقي
الموسم الثاني
كبرياء وغرور
الجزء الرابع عشر
كشف المستور

المقدمه :-

كل عام وحضراتكم بخير وعيد سعيد عليكم جميعا وعلي الامه العربيه والاسلاميه وتقبل الله صيامكم وطاعتكم وقيامكم وبعتذر جدا علي التاخير في القصه واني مكتبتش غير بارت واحد في رمضان وربنا دايما يسعدكم جميعا.....

بيجي عليك وقت في حياتك مش بتكون عارف انت عاوز ايه مبتكنش عارف انت صح ولا غلط فعشان كده بتقف وتفكر وتشوف الدنيا مخبيالك ايه وتتفرج من بعيد لبعيد ومع كل ده بتكون مشغول جدا بالي حواليك بتخاف انك تخسرهم وبتخاف انك تجرحهم او بتخاف منهم اه بتخاف تحصلك حاجه بسببهم والبعد في الوقت ده مش حل البعد في الوقت ده بيسبب جفاء وكسرة القلب مع انك مش حابب ان ده يحصل ولو وقفت تحارب هتبقا في نظرهم حد بيعاديهم يعني في تلك الحالات انت الخسران والحل في كل ده انك تكون محايد لحد ما تعدي لبر الامان وتقف مع النفس وقفه عزه وكرامه وتحافظ علي الي تبقي من ماء الوجه لانك من الصعب انك تعترف بغلطك او بخسارتك فبتسلم للامر الواقع الي ان يقضي الله امرا كان مفعولا....
وطبعا لو وصل الموضوع لتشكيك في قدرات او ان الي بيحبك بيخاف منك لاي سبب يبقا كده مافيش امان ومافيش حب كانت مجرد فتره اعجاب رغم انك حبيت بجد بس وقتها بتفتكر ان الرياح اتت بما لا تشتهي السفن وفي الوقت ده بالذات بتقف مكتوف الايدي لا حول لك ولا قوه وده مش استسلام لرغبات بس بيكون استسلام للامر الواقع الي انت اكيد مش هتقدر تغيره ووقتها بس بتقول قل للرياح تاتي كما شأت فما عادت سفننا تريد شيئا ....
حقيقه وبتوجع بس بتفيد وبتعلمنا كتير اوي بتعلمنا انك تكون قوي وتتحكم في مشاعرك ومتضعفش عشان ضعفك بيضعف كل الي معاك حتي لو كنت متناقض فلازم تقف مع نفسك وتتصالح مع الروح ويبقا ليك هدف وتوصله مش علي حساب سعاده حد ولا علي حساب نفسك ..  

القصه:-

حبيبي كل سنه وانت طيب وبصحه وسعاده وسرور والسنه الجايه تكون محقق كل امالك واحلامك رغم اني زعلانه منك جدا بقالك فتره متغير ومش بتتكلم معايه وكاني بسحب منك الكلام غصب عنك وكل ما اكلمك تقولي مشغول عندك شغل عاوز تنام وانا مش عارفه ومش فاهمه ليه كل ده انا مش بعتب عليك بس بقلك الي مزعلني منك واظن ده من حقي...

وانتي بالف صحه وسلامه وتنعاد عليكي الايام بالخير والحب عندك حق فعلا انا قصرت معاكي الفتره الي فاتت لاني كنت مشغول في شغلي شويه وكمان كانت النفسيه مش متضبطه خالص واعتقد اني قلتلك كده وعرفتك وقلتلك بعد العيد كل حاجه هتتضبط وكله هيبقا تمام لانك غاليه عندي اوي ومبحبش ازعلك او اشوفك زعلانه مهما حصل ...

ماشي سماح المره دي بس متكررهاش لاني ماليش حياه من غيرك عارف اني في بعدك بكون جسد من غير روح بكون عايشه بس ميته لانك انت منبع الحياه والاحساس بالنسبالي عارف انت وحشني جدا ووحشني كلامك وحشني اني اسمع صوتك كل حاجه فيك وحشاني والله ياخالد انا من غيرك ولا حاجه انت سيد قلبي وروحي انت الامل الي مخليني عايشه لبكره صدقني انا من غيرك ماليش لزمه في الوجود انا بكره ضعفي معاك لاني بحس اني قدامك ضعيفه ماليش شخصيه رغم اني مع الجميع عكس ده قلي انت عملت فيا ايه عملت كل ده ازاي انا عمري ما كنت كده قبل كده غريب اوي احساسي ده ....