سادي راقي

كلام سليم

سادي راقي
الجزء الثالث
البارت التاسع والاربعون
كلام سليم

تهانينا علي ما قد كان وتعازيكم حاره وقوتك ليست كافيه للاستعراض فعزائي لكم ايها الاشقياء فلا راحه ولا نوم لكم علي طول الازمان فانتم ظلمتم انفسكم وظلمتم الكثير من الناس الشرفاء بسبكم وقزفكم وها قد حان وقت الانتقام نحن لا نشمت في احد ولكن قلوبكم قست وكان كالاحجار وانتم لكم افئده تتمتعون بها وللاسف اصبحتم كالانعام فياسعد من ينام ليله مرتاح البال وياحظ من تقر عينه برؤيه احبتها في الاحلام نصيحه لكم جميعا لكي تكوني سعداء دعوا الخلق للخالق واتركوا عنكم التفكير في امور الناس واسعد نفسك بنفسك تكن من العقلاء وتجنب اصحاب القلوب المريضه تعيش في نعيم تام لانهم يحملون الضغينه لكل انسان قوام ودعوا عنكم القيل والقال وحبوا كل الناس دون استثناء لتحظوا باحترامهم في كل وقت وأن  ولا اطول عليكم حديثي وباذن الله سيجمعنا البقاء تحياتي لكم جميعا والي اللقاء

سادي راقي....... كلام سليم ...... الراقي

ابا
نعم ياخالد يابني
ايه رايك في الي بيحصل ده معايا لاني بجد تعبان ومخي وقف عن التفكير ومش عارف اعمل ايه..
استفتي قلبك
قلبي تعبان وشايل كتير
ماهو مافيش حل غير انك تختار
مش عارف اختار ومحتار
شوف يابني حياتك هي حياتك وعمرها ما راح تتغير شوف فين سعادتك ومع مين هتعرف تعيش وعاوز تكمل حياتك معاه
انا محتار والله يابويا محتاج لياسمين عشان طبيتها وحبها ليه ومحتاج لاسراء لانها فعلا بلاقي نفسي معاها وبحب صفاء ..
استني استني مين صفاء دي كمان ان شاء الله الزوجه الثالثه
يعني بالله عليك هتجوز من الثالثه من غير ما اقلك ..
ابني وتعملها
مش لدرجه دي ياحج
لا كده الموضوع كبر واتشعب وبقي في صفاء كمان وكده بقي كتير بجد
والله ياوالدي منا عارف اعمل ايه
انت غلطت اول مره لما اتجوزت الاتنين مع بعض لان مستحيل ست هتقبل تعيش مع ضره الا لو كانت معيوبه
مش شرط يابابا
اومال ايه
ممكن تكون مجبره
وايه الي هيجبرها
الحب والامان والاحتواء الي لقتهم مع الشخص ده وهي محتجاهم
مافيش اي شيء ممكن يجبر الست انها تعمل حاجه غصب عنها
صدقني ياحج في
يمكن
المهم يابابا اعمل ايه شور عليا
دي حياتك وانت الوحيد الي تعرف تحلها
تمام يابابا شكرا

قعد خالد في اوضته والفكر ماليه ومش عارف يوصل لاي حل لمشكلته الي صعبها علي نفسه في نفس الوقت اسراء وياسمين مع مامته بيحضروا الغدا طلع هو وولاده وابوه صلوا الجمعه ورجعوا واتغدوا كلهم مع بعض كانت في نظرات غريبه بينهم هما الثلاثه والحاج والحاجه ملاحظين الكلام ده بس عاملين نفسهم مش واخدين بالهم من حاجه قاموا كلهم بعد ما اتغدوا وشربوا الشاي واتمشوا في الاراضي الزراعيه وهنا خالد قرر ياخد كل وحده لوحدها ويتكلم معاها ونده علي ياسمين