سادي راقي

دايما بدعيلك

سادي راقي
الموسم الثاني
كبرياء وغرور
الجزء السابع عشر
دايما بدعيلك
لما حد يقلك انا حبي ليك دعوات المعني ده كبير جدا لو بتفهم بجد المعني ده ان في حد بيدعيلك في كل وقت بسبب ومن غير سبب والي بيدعي لحد بيبقا بيحبه بجد ومش مجرد حب وبس لا ده حب من طراز فريد وربنا بيرضيك بيه وبيراضيه بيك وده اسمي واعظم مراحل الحب ... الحب في الله وبالقرب منه حب بريء طاهر وليد العشق والشخص الي بيحبك الحب ده كله مش طالب من الدنيا غير انه يشوفك سعيد ومبسوط يشوفك في احسن حال بتبقا دي اقصي طموحه وعمره ما بيطلب منك شيء فوق طاقتك بالعكس بيبقا محتاج منك الاهتمام وبس محتاج منك انك تكون سنده انك تكون جنبه وبس مش طمعان في اكتر من كده ولا بيطلب منك اكتر من كده عشان الي بينكم بيكون حاجه ملهاش وصف بيبقي مطمن وانت جنبه اكتر من اي وقت فاته في بعدك ومع كل ده بيتحملك وبتتحمله الي في حاجه واحده بس الغيره لان غيرته بتكون صعبه جدا غيرته بتكون قاتله لان الي بيحب حد بجد بيغير عليه حتي من ملابسه من الهوا الطاير الي بيمر عليه ومش بس كده لا ده ممكن يرتكب جنايه لو حس انه مهمش او مالوش قيمه بالنسبالك الموت اهون عليه من الاحساس ده عشان كده خليك جنبه ومتكسرش بخاطره وحاول علي قد ما تقدر تحسسه بالامان وبقربك منه لان الي عنده قلب بيحبه زي ده عنده العالم كله بين ايديه الشخص ده ممكن يضحي بحياته عشان يشوفك بس سعيد متستكترش عليه البسمه والكلمه الحلوه متسكترتش عليه الابتسامه والسعاده الي بيحس بيها وهو معاك احسن اليه في كل وقت  لان هل جزاء الاحسان الا الاحسان ......
رفقا بمن يحبوك لانهم يوما لن يغزلوك ودائما قربك يريدون فلا تدعهم حائرون واعطهم الاهتمام المطلوب رفقا بمن تحبون .............

خالد انا مرهقه من امبارح ومدايقه ومش عارفه انام ومش قادره افتح عنيا في نفس الوقت يعني لا عارفه انام ولا عارفه افتح عيوني كمان حاجه غريبه اوي ودماغي هتنفجر من الصداع....

لدرجه دي وده كله بسبب ايه غريب اوي ايه الي حصل لكل ده ياصفاء اول مره اشوفك بالحاله دي واشوفك بالشكل ده احكيلي ايه الي تعابك ومزهقك احكيلي ....

مافيش حاجه انت عندك الف مشكله ومش عاوزه ازود همومك كفايه النت فيه انا باذن الله هكون كويسه ...

طيب وده اسمه كلام لو مكنتش انا اكون معاكي وقت حزنك مين الي هيكون معاكي ويسمعك مش احنا بنكمل بعض والي يوجعك يوجعني والي يفرحك يفرحني ولا انتي عامله فرق بينا.....

لا طبعا مافيش فرق بينا بس مش حابه ادوشك واشغل بالك .....

طيب انتي كده هتزعليني منك بسكوتك ده لازم تحكيلي كل حاجه وتخرجي الي جواكي وغلاوتي عندك لتقولي في ايه ولو انا عندي الف مشكله زي ما قلتي نخليهم الف وواحد ..

مقدرش علي زعلك طبعا انا التفكير هيموتي وبيقتلني كل يوم مش قادره ابطل تفكير حاولت الغي مخي وعقلي ومفكرش بس مش قادره وتعبت اوي لدرجه اني مش عارفه انام والضغوط الي عليا كمان ماثره فيا بشكل مش طبيعي انا ساعات بحس اني عندي اكتئاب وساعات بحس اني مش طبيعيه الحقيقه الوحيده والشيء الوحيد الي صح هو حبي ليك وده كمان مش عارفه نهايته ايه عشان كده مش قادره ابطل تفكير ولا قادره افكر ولاقي حل .....

انا مقدر كل ده وعارف كويس حجم المشاكل النتي فيها من غير منقول اي تفاصيل عارفه انك مش واخده راحتك في بيت اهلك والولاد كمان مش مرتاحين وانك مش عارفه انتي متزوجه ولا مطلقه رغم انك رفعه قضيه النتي فيه ياقلبي انا حاسس بيه وبفكر فيه اكتر منك ومش عارف حل لكل ده الي اعرفه اني بحبك وبس ومنتظر اليوم الي يجمعنا انا وانتي مع بعض ووقتها هنسيكي كل الالم الي شفتيه في حياتك ويوم ما تكوني من نصيبي وحلالي صدقيني كل ده هينتهي والكابوس الي عيشاه هعوضك عنه باحلا حلم في حياتك انتي غاليه عندي اوي متفكريش والي ربنا كاتبه هيكون ودعي الملك للمالك وعاوز اعرف حاجه انتي عملتي ايه مع المحامي.....

زي منت عارف اهلي كانوا رافضين موضوع المحاكم ده والثاني مش عاوز يطلق بالمعروف وبيتمسكن وبيقول كلام محصلش وبعد ما اهلي شافوا وقاحته وعرفوا بجد اني اتحملت فوق طاقتي الكل وقف في صفي حتي ولادي كمان وقفوا في صفي ورفعت القاضيه والمحامي وعدني بعد ست شهور كل حاجه هتخلص بس الضغوط الي موجوده من كل اتجاه تعباني بس طول منت جنبي كل حاجه بتهون ......

خير ان شاء الله ما تشليش هم ولا تعملي حساب لحاجه سيبي الامور تمشي وكل حاجه هتنحل عارفه ياصفاء انا بحلم باليوم الي نكون فيه مع بعض وعلي فكره انا متاكد وعندي يقين انه قرب باذن الله وهتكوني ليا انا وبس وده مفبهوش شك اطلاقا حتي دلوقتي انتي ليا انا وبس انا غيرتي فيا كتير غيرتي فيا حاجات مكنتش اتوقع انها تتغير وكل ده بسبب حبك ليا حتي ساديتي اتخليت عنها عشانك .....

بس انا عوزاك سادي لان ساديتك دي بتسعدك وانا بحب اشوفك سعيد انا اه معرفش اكون ساديه ومبعرفش اعمل زي البنات الي انت تعرفهم بس المهم في كل ده اني هعمل المستحيل عشان تكون مبسوط وده اولي اهتماماتي ....

وانا مطلبتش منك ده انا كده مبسوط وانتي كده عجباني ومش حابب اسمع منك كلام كتير فاهمه ومتفكريش ويالا قومي نامي بقي وارتاحي ومتقلقنيش عليكي لو سمحتي ممكن .....

حاضر يانبض قلبي وسيدي وسيد الناس حاضر يازين الرجال ربنا يخليك ليا سند وما يحرمنيش منك ابدا ولا من عطفك وحنانك وقربك .......

انا دلوقتي مش عارف اعمل ايه بجد مشتت التفكير وشايل حمل كبير اوي بس انا راجل ولازم اتحمل كل ده البنت بتحبني بجد ومحتاجاني جنبها ومعاها ومحتاجه اني اكون في ظهرها واشيل عنها وده الي لازم اعمله لانها شافت كتير في حياتها ولازم تفرح لان اكتر من كده ظلم عاشت طول عمرها ام واب وضحت كتير اوي ومع كل ده مافيش لا شكر ولا كلمه حلوه تطيب خاطرها حتي ابسط حقوقها كست كانت محرومه منها ويوم ما لقت الي بدور عليه ولقت الامان والحب الدنيا ادتها ظهرها والمشاكل بدئت معاها ودلوقتي جه دوري اني اطمنها واحتويها واديها الحب الي تستاهله بس انا مستني اللحظه المناسبه الي تخليني معاها علطول رغم اني عارف ان ده قرب خالص هو انا اتجننت وبكلم نفسي انا كمان ربنا يسترها بقا انا هقوم اشوف حاجه اكلها واشرب كوبايه شاي وانام لان اليوم كان شاق النهارده

انتظروا الجزء القادم
من سادي راقي
الموسم الثاني
مع تحياتي
الراقي