سادي راقي

كلمه حق

سادي راقي
الموسم الثاني
كبرياء وغرور
الجزء الخامس عشر
كلمه حق

مهما كنت واثق من نفسك ومن افعالك ومن شخصيتك وكيانك بيجيلك وقت وتكون فيه بعيد عن كل الناس حتي اقرب الناس منك ومش كده وبس لا دنت كمان بتكون بعيد عن اقرب الناس لقلبك ولما تكون كده بتكون واقف علي ارض هشه مش عارف توصل لفين ولا هتروح علي فين بس كل الي بتفكر فيك انك تلاقي نفسك وروحك الي اتسرقت منك ببعدك ده وحلك الوحيد انك ترجع تعيد حسابات وتعترف بغلطك عشان توصل لبر الامان وتعرف راسك من رجليك وصدقني في الوقت ده بالذات هتلاقي الناس الي بتحبك جنبك ومده ايديها ليك بكل الحب والسلام ماسكه في ايديها ورده وبتقلك حمد الله علي سلامتك اعترف بغلطتك وان ظروفك قست عليك بس الي معاك مالهاش ذنب في قسوه الظروف وقسوة الدنيا لان زي الدنيا ما قست عليك قست عليها هي كمان وكانت مستنيه الايد الحنينه الي تطبطب عليها مستنيه حضنك عشان تترمي فيه وتستخبي من كل العالم جواك حاول ترجع زي ما كنت عشان تكون الراجل الي بجد الي مخذلهاش واتخلي عنها في وقت احتياجها هي حبتك عشان تكون سندها الاعتراف بالحق فضيله والشجاعه انك تقف صلب مهما حكمت عليه الدنيا واثرت فيك الظروف .......
وانتي كمان انتي متاكده من حبه وعارفه ظروفه ووضعه يبقا التمسي للعذر ليه طبطبي عليه واحتويه وحسسيه بوجودك وطمنيه حتي لو انتي محتاجه تطمتي كمليه عشان انتي الي تشبهيه وعيشي حياتك معاه بدون اي مشاكل عشان العجله تدور وترجع المايه لمكانه الطبيعي ومتفكريش ان خاف منك او من مشاكلك لا هو خاف منك عليكي خاف منك عشانك لكن هو متاكد وعارف انك روحه وحياته وعارف انه من غيرك مافيش حياه تنعاش فمتظنيش فيه ظن مش كويس اعرفي ظروفه وبعدها قرري كل النتي عوزاه .....
حبكم خالد وعشقكم ليس له مثيل حبيه من كل قلبك وهو كمان هيعيش حياته عشانك بدون اي ضغوطات لان الوقت ده هو محتاجك محتاج يتنقسك وينسي كل همومك معاكي زي منتي كمان محتاجه تنامي في حضنه وتحسي بانفاسه وتكملي الي باقي من عمرك عشانه حبوا بعض عشان تقدروا تكملوا حياتكم وربنا يسعدكم .......

كلمه حق

الله الله الله ايه الكلام الجميل الي في المقدمه ده تصدق لمسني اوي ولمس احساسي ومشاعري وحسيت بكل حرف فيه والاجمل الي بين سطوره دانت كده عوضتني علي مقدمه المره الي فاتت الي تعبتني اوي ووجعتي قلبي وخلتني حزينه .....

وليه كل ده اعتقد انها مجرد مقدمه مش محتاجه كل ده ياصفاء يعني مقدمه للقصه

بالنسبالك ممكن تكون مقدمه او نصيحه لكن ليا بتكون احساسك الي جواك انا بقري المقدمه وكانك بتكلمني انا وكل كلامك الي فيها ليا عارف ياخالد احيانا بقري المقدمه دي مره واتنين وثلاثه عشان افهم كل حرف فيها وارجعها وكاني بذاكر عشان الامتحان

وربنا انتي مجنونه اوي كل ده عشان المقدمه يخربيت كده بجد علي العموم انا كل يوم هكتب المقدمه ليكي عشان تعرفي معزتك عندي وانك غاليه عليا اوي ومقدرش ازعلك او تهوني عليا ازعلك وانتي متاكده من ده كويس لان الي زيك مينفعش يزعل .....

احم احم وليه بقا الاحراج ده بجد انت بتكسفني بكلامك ده وبتخليني مرتبكه ومش عارفه اقول ايه عجبك كده يعني

علي اساس ايه بقا انك وش كسوف يعني وبتحرجي مني ومن كلامي

اه وربنا بنكسف وبنحرج خصوصا منك اقلك حاجه ومتضحكش عليا وتقول مجنونه او تتريق عليا

مش هضحك ولا هتريق قولي الي نفسك فيه وانا سامعك وكلي اذن صاغيه ....

اي كلمه حلوه بسمعها منك جسمي بيقشعر ومش بتمالك اعصابي خالص واحيانا بتنح ومش بعرف ارد خالص وخصوصا لما تقلي مشتاقلك او وحشتيني متعرفش تاثير الكلمتين دول ايه ولما بشوفك بتحول بقلب علطول علي فراشه طايره بتتنقل من ورده لورده او غزاله بتسابق الريح معاك بكون انسانه تانيه غير الي كل الناس يعرفوها انا قويه في كل تعاملاتي مع الناس كلها الا معاك انت لما بتبعد عني يوم ببقي زي المجنونه وممكن ارتكب جنايه وبخانق دبان وشي ولما تكون معايه وراضي ومبسوط ببقا كيوت وهاديه وريلاكس اوووي احيانا بحس اني مجنونه والله وده بفضل معاليك ....

يخربيت كده كل ده يابنتي بتحسيه معايه علي كده احساسي انا ميجيش جنب احساسك حاجه خالص...

ليه انتي بتحس بايه قلي واحكيلي....

بحس بدوخه وصداع واني عاوز ارجع ... 😂😂😂😂😂😂😂😂😂😂

بقا كده انت بتهزر حضرتك .......

لا مش بهزر هقلك خلاص معاكي بحس باحساس اول مره بحسه بحس برجولتي وعنفواني وكبريائي بحس اني طاير في الهوا وماسك النجوم باديا بحس اني اسعد راجل قي الدنيا ان معاي قلب زي قلبك او اني الاقي حد بيحبني زي حبك حتي في غيرتك اه هي بتعصبني بس بكون مبسوط بيها اووي احيانا بستفزك عشان اشوف رد فعلك وبلاقيكي متمسكه بيا جدا ومتمسكه بحبك هتصدقيني لو قلتلك انك انتي الحاجه الحلوه في حياتي هتصدقيني لو قلتلك ان اختلافك عن كل النساء الي في العالم بيخليني مميز وبعشق كل تفاصيلك ان لما بشوفك بكون محتاج اني اضمك واكسر كل الحواجز نفسي اطير وارجعلك عشان اترمي جوه حضنك وايدي تلمسك ووداني تسمع نبض قلبك وعيني تشوفك عارفه انا حاسس احساسك دلوقتي وانتي بتقري كلامي حاسس بالقشعريره بتاعت جسمك شايف بسمتك وشايف غررغره عيونك ودقات قلبك سامعها انتي .....

انتي ايه بس حرام عليك والله ومخبي كل الكلام الحلو ده ومستخسره فيا هو في حد تقيل بالشكل ده وقال ايه بيقول عليا مجنونه انا مجنونه فعلا بحبك وجناني ده انت سببه كنت بكره الرجاله وبكره الحب بس حبيت الحب عشانك ولسه بكره كل الرجاله لان مافيش راجل زيك عارف حتي لو مكنتش من نصيبي حفضل احبك واموت فيك واغشقك ويحرم عليا اي راجل بعدك .....

وكلمه حق اقلهالك انا معشقتش ولا حبيت غيرك لانك انتي البسمه وانتي الفرحه وانتي الحب يابنت قلبي....

ياااه بقالي كتير مسمعتش الكلمه دي منك بقالي كتير مشتاقه لعطفك وحبك اوعدني انك متسبنيش اوعدني انك هتفضل جنبي مهما حصل اوعدني بحبنا انك هتكون ليا السند اوعدني

اوعدني رغم ان غلاوتك عندي احلي واجمل من الف وعد اوعدك بحبنا اني اكون جنبك ومعاكي اوعدك ياضي قلبي

خالد كان في حاجه عاوزه اقلك عليها ياروحي بس خيفاك تزعل

ايه هي قولي وربنا يستر ياصفاء

انا......

انتظروا الجزء القادم
من سادي راقي
الموسم الثاني
مع تحياتي/ الراقي